<><> يوميات الأعضاء في رمضان مع التميمية <><> - نادي الهلال السعودي - شبكة الزعيم

المنتدى الاستشاري · #1 27/09/2007, 02:19 PM

إعداد : المنتدى الاستشاري
تصميم : عاشق بو يعقوب

مرحباً بكم احبتي مع ضيفتنا الثالثة عشر في يوميات الأعضاء في رمضان
وضيفتنا هي التميمية متميزة في مجلسنا

,

السلام عليكم ورحمة الله وبركاته,,

يالله حيهم,,,هذي الساعة المباركة,,تغطوا يا رجال,,<<هو حلا كل شوي حنا نتغطى,,

أولاً,,

كل الشكــــــر لمشرفي واستشاريي المجلس العام,,

ولكــل من يعمل على إظهار المجلس بأفضل حلة,,

ثانيـــــــــــاً,,

الشهـــر عليكم مبارك,,<<بدري,,

وكل عام وأنتم بخير (هذي للعيد) قبل الزحمه,,<<إما حبى وإلا برك,,

أتمنى أكون ضيفه خفيفه,,

تنبيه لكل من يزرق من هنا,,

الكاتبه غير مسؤوله عن أي عواقب تنتج جراء قراءة هذه اليوميه,,!!

ومن تسول له نفسه ذلك,,

فليتحمل عواقب فعلته,,<<

تيب نبدأ بسم الله,,

يوم الثلوث,,أحسوه يوم وذيف وش حليلوه,,لو تنكرف فيه لين تقول آمين,,

عادي,,تتقبل بكل أريحيه,,وبصدر رحب,,!!

مو عشانه,,(مابوه زود) بس مجاملةً له,,لأن بعده الإربعاء,,

بداية اليوم,,الساعه 12 صباحاً,,

كنت أحوس بدروسي,,يعني في معمعة الملازم والدفاتر والخرابيط,,

بعدين فتحت النت عشان أبحث عن حاجه طالبتها الدكتوره,,

ولا أخفيكم اني حسيت اني شخصه ختيره ومهمه في البيئة والمجتمع,,لما لقيت اجابة السؤال,,

تماماً كالإحساس الذي يراودني لما أصوت في جريدة الرياض,,

<<يحسسني التصويت بقيمتي في الحياة,,

وبسرااااااااااحه تامه,,وقت البحث,,سيرت على المجلس,,

وشفت نتيجة المباراة,,<<وجت النتيجة بعكس ما تمنيت,,

بعدها فتحت المسن,,وسولفت مع محبوبه شوي,,<<ايه هين شوي,,

يعني من قبل الصلاة لما الساعه 6,,بس,,

ودعتها كما استقبلتها بكل حفاوة وتكريم,,

كنت ناوية أغفي شوي قبل الدوام,,

بس شفت أختي حاطه كراستها التفصيل عندي ,,وكاتبه عليها,,

تم تم لوسمحتِ صلحي لي الكراسة,,

الصراحه بغيت أسحب عليها,,بس يوم شفت لو سمحتِ,,تعوذت من بليس,,

وزينتها,,<<وأحرقني صمغ المسدس,,

<<بلا السنع اللي مقطعك,,

للأسف,,

جا وقت الدوام,,وأنا في قمة الحماس لجامعتي الحبيبه,,

لدرجة ان أهلي ربطوني بالسياره,,يخافون أفتح الباب قبل لا ناصل,,

مر اليوم الجامعي كأي يوم,,+واحد ساعه وعشره دقيقه,,<<عشان السلم,,

بالإضافه إلى بعض حركات الاستخفاف من رفيآتي العزيزات,,<<عشان يسوون لي أكشن غصب,,!!

منها أنهم خلوني أدبتس وأنا صايمه,,ومرمطوني من قاعه لقاعه ,,ومن دور لدور,,

على أساس انه مقلب,,<<يعني المفروض اني أضحك,,

<<الشرهه مهب عليكم على اللي يعلمكم انوه بيكتب يوميته,,

طلعت من الدوام ومريت ماماتو وأخذتها من مكتبها,,!!<<شطووووره اليوم,,مالطعتني

طبعاً على طول سألتها,,من فاز بمسابقتكم,,حقت اليوم الوطني,,!!

قالت أنا,,,<<فسررت بذلك سروراً كبيراً,,

سبب السرور,,ان هالمسابقه تسأل عن أمنياتك تجاه وطنك,,وشي زي كذا,,!

طبعاً,,أمي ورطتني,,

تبيني اكتب لها,,<<يااادفع البلا,,أخبر البنت تقول لأمها تكتب لها,,

مو العكس,,

<<يالله يا أميمتي تمونين,,

المهم اني مدري وش أكتب,,عصرت دميجتي,,ماش عيا يطلع شي,,

وضاقت بي الدنيا,,لدرجة اني بغيت أتهور وأرسل للقاضي أقول لوه يغششن,,

بس الحمد لله,,طلعت معي كلمتين,,كانت السبب بعد الله,,

في حصول قسم الوالده على طابعة ملونه,,كنت أنا الأحق فيها,,<<بالله مو ظلم,,

أنا أكتب وهم يأخذونها بارده مبرده,,!!<<بس برضو تستاهلين ياأمي,,

وصلت البيت,,وأنا ما عاااااد أشوف الا فراشي,,!!

وسحبتها نووووووووومه الى المغرب,,

قوموني أهلي,,أفطرت وصليت,,ورجعت أنام طبعاً,,

لين جت الساعه 9,,قمت,,صليت لي كم ركعه,,وقريت شوي,,

ورجعت مره ثانيه لنقطة البداية,,دروسي,,

ووووووووووووووووووبس,,

كل انسان المفروض ماينتهي يومه إلا وهو مستفيد شي,,لو بسيط,,

هذي معلومة مرت علي اليوم,,حبيت تشاركوني الفائده,,

قال تعالى( يا أيها النمل ادخلوا مساكنكم لا يحطمنكم سليمان وجنوده وهم لا يشعرون )

سبحان الله,,وُجد أن جسم النملة يحتوي على نسبه كبيره من الزجاج,,!!

لذا وردت لفظة يحطمنكم,,(والتحطيم للزجاج),,في حين لم يقل يقتلكم,,

حدث في13 رمضان 1428هـ,,الثلاثاء..

وحرر في صباح الاربعاء الساعه الثانيه,,

دمتم في حفظ الرحمــــــــن,,

كل الشكر للمتميزة التميمية وانتظرونا غداَ مع ضيف آخر

.

أرق التحايا وأطيبها من
مشرفي واستشاري
المجلس العام

<><>أرشيف يوميات الأعضاء في رمضان لعام 1428 هـ <><>

ڪـيــف الـζــآل ؟ · #2 27/09/2007, 02:31 PM

وعليكم السلام ورحمة الله وبركاته..!!

....................

أرأيت أشرف أو أذل من الذي ............يبني وينشئ أنفسا وعقولا ..

...........................

ماشاء الله عليك المثل ينطبق عليك في بيت الشعر السابق .

..................

يومية رائعة ..يعطيك العافية

saudi’s heart · #3 27/09/2007, 02:33 PM

وعليكم السلام ورحمة الله وبركاته

مشكوووره اختي التميميه على يومك الرمضانيـ ...

iAzizGA · #4 27/09/2007, 02:41 PM

وعليكم السلام ورحمة الله وبركاته

إقتباس


	يالله حيهم,,,هذي الساعة المباركة,,تغطوا يا رجال,,<<هو حلا كل شوي حنا نتغطى,,

لقد انكي

قالت ايش قالت تغطو

إقتباس


	الشهـــر عليكم مبارك,,<<بدري,,

الله يبارك فيكي وفي جميع المسلمين

إقتباس


	وكل عام وأنتم بخير (هذي للعيد) قبل الزحمه,,<<إما حبى وإلا برك,,

امحق

تو ريضين

إقتباس


	بعدين فتحت النت عشان أبحث عن حاجه طالبتها الدكتوره,,

ماشاء الله مهتمة بالدراسة

إقتباس


	ولا أخفيكم اني حسيت اني شخصه ختيره ومهمه في البيئة والمجتمع,,لما لقيت اجابة السؤال,,

المجتمع مرة وحدة

إقتباس


	كنت ناوية أغفي شوي قبل الدوام,, بس شفت أختي حاطه كراستها التفصيل عندي ,,وكاتبه عليها,, تم تم لوسمحتِ صلحي لي الكراسة,,

إقتباس


	جا وقت الدوام,,وأنا في قمة الحماس لجامعتي الحبيبه,, لدرجة ان أهلي ربطوني بالسياره,,يخافون أفتح الباب قبل لا ناصل,,

ماشاء الله متحمسة بقوة

إقتباس


	منها أنهم خلوني أدبتس وأنا صايمه,,ومرمطوني من قاعه لقاعه ,,ومن دور لدور,, على أساس انه مقلب,,<<يعني المفروض اني أضحك,,

مشكورة على كتابة اليومية فطست من الضحك

سلام

غــــــلا روحــــــي · #5 27/09/2007, 02:59 PM

إقتباس


	وضيفتنا هي التميمية متميزة في مجلسنا ,

ياهلا والله ومسهلا

يالله ان تحيي التمامّيه كلهم << جمع تميمي

إقتباس


	,,تغطوا يا رجال,,<<هو حلا كل شوي حنا نتغطى,,

آه جبتيها على الجرح

ليش حنا اللي نتغطى قُـبـْل؟

بس احسن شي حنا نشوفهم وهم مايشوفوننا

إقتباس


	يوم الثلوث,,أحسوه يوم وذيف وش حليلوه,,لو تنكرف فيه لين تقول آمين,, عادي,,تتقبل بكل أريحيه,,وبصدر رحب,,!!

حلووه "وذيف" حسيتك تقربين لجدتي

إقتباس


	مو عشانه,,(مابوه زود) بس مجاملةً له,,لأن بعده الإربعاء,,

تصدقين بديت أحب يوم الثلاثاء اشكرك على هالتنبيه

شكلي بحب يوم السبت عشان بعده بـ3 أيام الثلاثاء

إقتباس


	بس الحمد لله,,طلعت معي كلمتين,,كانت السبب بعد الله,, في حصول قسم الوالده على طابعة ملونه,,كنت أنا الأحق فيها,,<<بالله مو ظلم,,

مبروووك الفوز وهارد لكل الأقسام الباقيه

بس ما معتس حق وانا اوخيتس المفروض انتس تنزلين لنا هالكلمتين

(خن) نشوف إبداع سحالينا

إقتباس


	ووووووووووووووووووبس,,

ياربي وش كثر أقدر هالكلمه

إقتباس


	قال تعالى( يا أيها النمل ادخلوا مساكنكم لا يحطمنكم سليمان وجنوده وهم لا يشعرون ) سبحان الله,,وُجد أن جسم النملة يحتوي على نسبه كبيره من الزجاج,,!! لذا وردت لفظة يحطمنكم,,(والتحطيم للزجاج),,في حين لم يقل يقتلكم,,

سبحان الله

تسلمين على هالمعلومه

إقتباس


	حدث في13 رمضان 1428هـ,,الثلاثاء.. وحرر في صباح الاربعاء الساعه الثانيه,, دمتم في حفظ الرحمــــــــن,,

وتم الرد في ظهريه يوم الخميس

السابع والعشرون من سبتمبر (أيلول) 2007

سبتك بعافيه

وبـــس

هلالي مدريدي 10 · #6 27/09/2007, 04:57 PM

مشكوووووووورين

بنت عز ماتنهز · #7 27/09/2007, 05:04 PM

هلا والله بالتميميه

يوم رمضاني مميز

يعطيك العافيه

الهنوووف · #8 27/09/2007, 05:21 PM

وعليكم السلام ورحمه الله وبركاته

وانتِ بخير

شريتي للعيد

إقتباس


	يوم الثلوث,,أحسوه يوم وذيف وش حليلوه,,لو تنكرف فيه لين تقول آمين,, عادي,,تتقبل بكل أريحيه,,وبصدر رحب,,!! مو عشانه,,(مابوه زود) بس مجاملةً له,,لأن بعده الإربعاء,,

الثلوث ذكرتيني بناس يضحكون علي اذا قلت الربوع

وه يالاربعاء

بس ااااااااه من هالاربعاء

خساره تحرق القلب >>

إقتباس


	سبب السرور,,ان هالمسابقه تسأل عن أمنياتك تجاه وطنك,,وشي زي كذا,,! طبعاً,,أمي ورطتني,, تبيني اكتب لها,,<<يااادفع البلا,,أخبر البنت تقول لأمها تكتب لها,, مو العكس,,<<يالله يا أميمتي تمونين,,

صادقه هالايام انقلبت الحاله
يجيني شي لمن تقول امي سوي شي لي وغالبا يكون تنسيق جداول ومدري وشو

هي ماتقصر تكتب بس انا اكمل التنسيق

المشكله لو انه لهاا عادي بس لهم وشدخلني فيهم

دايم هوشه مع امي

اقول متاكده انه لك فاضين لهم

لان امي الله يحفظهاا مخلصه للشغل

إقتباس


	يا أيها النمل ادخلوا مساكنكم لا يحطمنكم سليمان وجنوده وهم لا يشعرون ) سبحان الله,,وُجد أن جسم النملة يحتوي على نسبه كبيره من الزجاج,,!! لذا وردت لفظة يحطمنكم,,(والتحطيم للزجاج),,في حين لم يقل يقتلكم,,

سبحان الله

يعطيك العافيه تم تم

الله يعافي هالمسابقه واليوميات خلتكم تطلون علينا

الهنوووف

كانت

هنا

ورحلت

دلع-20 · #9 27/09/2007, 05:24 PM

الله يجعل ايامك كلها خير

ويحفظ لك الوالده وتنجح أختك بالتفصيل

وتتخرجين من الجامعه باعلى المعدلات

عسيريه · #10 27/09/2007, 07:45 PM

ماشاءالله على هـ اليوم الملئ بالكسل والخمول

كله نوم

ماتحسين بـ طعم رمضان أبد

هلا وغلا بالتميميه

منووره

ومبروك فوز مامتك

روحي خذي منها الهديه

إقتباس

الرسالة الأصلية كتبت بواسطة المنتدى الاستشاري


	هذي معلومة مرت علي اليوم,,حبيت تشاركوني الفائده,, قال تعالى( يا أيها النمل ادخلوا مساكنكم لا يحطمنكم سليمان وجنوده وهم لا يشعرون ) سبحان الله,,وُجد أن جسم النملة يحتوي على نسبه كبيره من الزجاج,,!! لذا وردت لفظة يحطمنكم,,(والتحطيم للزجاج),,في حين لم يقل يقتلكم,,

مرت علي هالمعلومه

الله يالتميميه ذكرتيني بـ ماده كانت عندنا العام
فيها باب يتكلم عن هذي الأشياء من جد كانت غرائب وهـ المعلومه كانت
من ضمنها

يوم حلو .. الله يعطيك العافيه
شكرا لكِ

مع التحيه

هامور البورصه · #11 27/09/2007, 08:48 PM

هلا والله بالتميميه

انتي اسمك التميميه ولا التميمية

المهم والله يا عليك يوووم صغنوووني

كله دراااسه يالداافوره

بالرمضان حتى المبزره مايذااكرون

وانتي نمتي وقمتي ع كتبك

على العموم استمتعنا ومافهمنا وانلحسنا صراااحه

يعني تدخلينا بموضوع وتطلعينا من موضوع

حتى مافهمت سالفت امك

بس الي فهمته انك كتبتي لها امنيه وهي فاازت بجاازه

إقتباس


	كل انسان المفروض ماينتهي يومه إلا وهو مستفيد شي,,لو بسيط,, هذي معلومة مرت علي اليوم,,حبيت تشاركوني الفائده,, قال تعالى( يا أيها النمل ادخلوا مساكنكم لا يحطمنكم سليمان وجنوده وهم لا يشعرون ) سبحان الله,,وُجد أن جسم النملة يحتوي على نسبه كبيره من الزجاج,,!! لذا وردت لفظة يحطمنكم,,(والتحطيم للزجاج),,في حين لم يقل يقتلكم,,

كح كح توك تعرفين هالمعلوومه

هذي الله يحيك

كان فيه عالم الظاهر فرنسي تحدى المسلمين وقال بطلع اشياء غلط في القران

لما قراء الايه هذي قال كيف النمله تتكسر لما حللو جسم النمله سبحان الله صاار

فيها نسبة من الزجاج

النمله ثروه لا تكسرها

وفيه اي ثاانيه الي انا ناسيها ان البعووضه فوق جسمها حاجه

وتوقف هالعاالم قال كيف بعوضه وما فوقها !! شلون فوق البعوضه الصغيره هذي شي

لما حللو البعووضه لقو ان فيه كائن حي يعيش فووق ظهر البعووضه

سبحااان الله وعلى فكره بعدها اعلان اسلاامه العاالم

الله يعطيك العاافيه يا التميميه ع اليوم الحلو والمعلومه الحلوه

ـــــــــــــــــــــــــــ

يا شين الفلسفه يا غلا روحي

إقتباس


	يالله ان تحيي التمامّيه كلهم << جمع تميمي

التمامي قبيله تختلف عن تميم

لا عمرك تتفلسفين مره ثاانيه

هلاليه كووول22 · #12 27/09/2007, 11:20 PM

وعليكم السلام ورحمة الله وبركاته

وكل عام وانتِ بألف صحه وسلامه

يوم حلو وخفيف

وأحلى مافيه ان امك فازت

ويعطيك العافيه

badori999 · #13 27/09/2007, 11:52 PM

يعطيك العافيه اختي التميمه على هاليوميات الرائعه...
دمك خفيف ما شاء الله عليك<< تراه صادق...

تقبلي مروري...

التميميه · #14 28/09/2007, 04:51 AM

شكـــــــــر خــــــــاص لكــــل من عبــــرن,,

ومرئ من هوووون,,

the bast,,

الصراحه,,أحرجتني,,!

شكــــــــــراً على حضورك الراقي,,

saudi’s heart,,

ياااااهلااااااا والله وغلاااا,,

مشكـــــــــــــــــووووره يا بعدي,,

حيــــاك الله,,

][الـمـمـيـز][ ,,

لك من اسمك نصيب,,

مميــــــــــــز في حضورك,,

حيـــــــــاك الله,,

غــــــلا روحــــــي ,,

هلااااااااا بك أكثر يا بعدي,,

إقتباس


	بس احسن شي حنا نشوفهم وهم مايشوفوننا

ما فتنا شي,,!!

إقتباس


	شكلي بحب يوم السبت عشان بعده بـ3 أيام الثلاثاء

منووووووره يالغلا,,

هلالي مدريدي 10 ,,

العفوووووووو,,

أني تاااااااايم,,

بنت عز ماتنهز,,

هلاااااااااااااا بك أكثر يا بعدي,,

مشكووووووره على الحضور الحلو,,

حيــــــــــــــــــاك الله,,

الهنوووف ,,

يااااااااااااااااهلااااا والله وغلاااااااا,,

إقتباس


	الثلوث ذكرتيني بناس يضحكون علي اذا قلت الربوع

قولي اللي تبين يا بعدي,,

ما عليك من أحد,,

مشكـــــــــــــوره قلبتي على الحضور اللتيف,,

حيــــــــــــــــــاك الله,,

دلع-20,,

يااااااااااهلااااااااااا والله وغلااااااااااااااا,,

آآآآآآآآمين واياك,,

للأسف صاروا البنات يشيلون هم التفصيل أكثر من الرياضيات,,<<مشكلة اللي بيعطي مادته أكبر من حجمها,,!

مشكووووووووووووووووره يابعدي,,

حيــــــــــاك الله,,

عسيريه ,,

يااااااااهلااااااااا والله وغلااااااا,,

إقتباس


	ماشاءالله على هـ اليوم الملئ بالكسل والخمول كله نوم ماتحسين بـ طعم رمضان أبد

يا ويلك من الله,,

كلها خمس ساعات ومقطعه,,

مشكوووووووووووووره يا بعدي على المرور الكويس,,

حيــــــــــــــاك الله,,

هامور البورصه,,

هلااااا بك أكثر هامور,,

التميمه حتى لو حطوا نقطتين عادي ما تفرق معي,,

المشكله اللي يقلب اسمه بنقالي,,

إقتباس


	حتى مافهمت سالفت امك

السبب في ذلك _والله العالم_ انك متنح عقب الفطور,,

خاصه انكم مثلنا,,تحطون كل شي مررررره وحده,,

إقتباس


	كح كح توك تعرفين هالمعلوومه

أمممممممم,,!!

طيب يا أخي جامل,,وسو نفسك ماتعرفها,,!!

وقل يالله,,معلومه جديده يعطيك العافيه,,

بس الصراحه أول مره تمر علي,,<<قد تكون قلة الإطلاع هي السبب,,

مشكوووووور أشـــــــكر شي يالواصل,,

حيــــــــــاك الله,,

هلاليه كووول22,,

ياااااااااااااااهلاااااااا والله وغلااااا,,

مشكوووووووووره يا بعدي على المرور اللتيف,,

حيــــــــــــاك الله,,

badori999,,

يااااهلااااا,,

الله يعافيك أخوي,,,

شكـــــــراً على الإطراء,,<<أخجلتن,,

حيـــــــــــــــاك الله,,,

ووووووووووووووووووبس,,,

جرح يشكي · #15 28/09/2007, 05:07 AM

وعليكم السلام ورحمة الله وبركاته

هلا والله بـ التميميه

يومياتك من اجمل اليوميات اللي قريتها والله

يكفي ان منها عرفت ان جسم النمل يتكون من زجاج

سبحان الله كل يوم يكتشف العلماء عن شي ذكر القران

التميميه الله يعطيكِ العافيه والعذر والسمووحه على الرد المتأخر

في إنتظار الضيف القادم

شكراً مشرفي واستشاري المجلس

جرح يشكي