رحلة العذاب من جدة الى الرياض بسم الله الرحمن الرحيم بعد التحية ..................... يوم الاربعاء الساعة 6 صباحا انطلقت من جدة بعد ما غيرت زيت وصلحت الكفر الاحتياطي وانطلقت بعد 400 كيلو الكفر الامامي انسلخ وطار الرفرف والمراية اليمنى معاه غيرت الكفر وكملت وصلت الى الرياض عند طلعة اظن اسمها الجتية وتوقفني دوريه ويحجز السياره واطلع المرور اقلهم انا من جدة ومحتاج السيارة يقولوا مالك الا السبت تطلع السيارة كلمت الرائد جلس يحش وانا ساكت قسم لو اني ماني محتاج له لا ارد له الكلمه الف لو من كان المهم اعطاني ورقة اطلاق للسيارة دفعت 900 للمخالفة و100 للرجال الي سدد المخالفة لان ماعندي صراف الراجحي و100 للسطحة + البنزين 200 ==1300 طلعت السيارة العصر جلست عند واحد من الشباب الى وقت المبارة طلعت الملعب زحمة ووصلت على دخول اللعيبة الملعب لقيت مكان خلف الباب حق الوحه الشوط الاول دخل هدف مطر ضاع البلنتي العارضة العارضة هدف التائب الصافره النهائية زعلت وحلفت ما اروح الرياض ثاني ماقدرت اجلس للصبح واطلع جدة بعد المبارة على طول طلعت جدة وانا مانمت وصلت الساعة 9 الصباح والى الان ماني مصدق ان الحلم اصبح سراب ان زعلان على شيئين الكرسي الي في المعب والخروج المر قدر الله ماشاء فعل |
الله يعينك والحمد الله على السلامه |
الله يسلمك |
ماتستاهل على العموم جت سليمه واحمد ربك على كل حال |
الحمد لله على السلامة ياليتك رحت خذت لك عمره اصرف لك دين ودنيا والحمد لله على سلامتك مره ثانيه |
الله يكون في عونك بس لاتحضر المباريات الي في الرياض يكفي الي في جده اذا كان كذا |
وانا جاي من الجبيل والهلال خذلني والله خذلني |
حمد لله على سلامه ياخوي والله قهر |
الحمدلله على سلامتك وان شاء الله الهلال يعوضها بالكثر وانا متفائل بالهلال بس لو يفكونا من مخرج 17 |
الله يصبرك |
لاتقول منت حاضر انشالله تحضررر بس لو يروح المفرج ان راح لك مني اسيا بالمخبى بس خله يضف ويفكنا.. والحضور ثم الحضور حب الهلال بالقلب |
الحمد لله على السلامه وتراك تقصد القديه اللي قبل الرياض (( التسديه )) :d :d ثاني شي اللي صار لك مقدور ومكتوب واحمد ربك على كل حال .. والعوض ان شاء الله في الجايات ياالغالي ... |
شكرا على المرور والله الكاس كان قريب جدا الفريق الايراني ضعيف يعني النهائي مضمون قهر |
الحمدالله على سلامتك.....وقدر الله وماشاء فعل |
وانا جاي من الطايف وسفر وصيام وجوع وقلة نوم وطلعت من الملعب ابكي من القهر ورجعت للطايف وانا سهران وراسي مصدع ونفسيه زفت والله يسامح من كان السبب بسسسسسسسسسس معاك ياهلال على الحلوه والمره وربي نحبك نحبك ياهلال |
الوقت المعتمد في المنتدى بتوقيت جرينتش +3.
الوقت الان » 01:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd