نادي الهلال السعودي - شبكة الزعيم - الموقع الرسمي

السلام عليكم
اول شيء بدايه رسالتي هذي اعزي جماهير الهلال الوفيه بخروجنا من بطوله آسيا وانشاءالله الجايات اكثر .
حان الوقت بأن نقول لرئيسنا الامير محمد بن فيصل كفيت وفيت اترك الهلال انا اخترت الوقت هذا لانه هو المناسب كنت اتمنى من رئيسنا بعد نهايه الموسم اللي فات ان يغادر لان المرحله هذي اهم مرحله للهلال بحاجه لرئيس داعم وداعم بقوة تخيلوا الهلال داخل بطوله آسيوية بمحترفين لو الهلال تعاقد مع محترف كبير مهاجم بجانب ياسر والله الهلال ماغادر البطوله شف البلطان يدعم الشباب بسخاء مو محتاج اعضاء شرف عندكم البلوي الاتحاد بالبطوله اللي فاته محمد كالون تشيكو يدعم بسخاء ما انتظر اعضاء شرف صح عندنا التايب وتفاريس من احسن المحترفين بس حنا بحاجه محترف ثالث بمستوى الهلال مومثل برنوالمصاب حنا بالهلال محتاج رئيس يدعم بسخاء مو رئيس يطلب من اعضاء الشرف ان يدعمون اللي سواه رئيسنا بس جاب ياسر وانتم بعد تعرفون منهو اللي جاب ياسر وجاب لنا كوزمن (مدرب فاشل ) ونا اعتقد السبب الرئيسي لخروج الهلال المدرب بعده الامير محمد بن فيصل حرام عليك بين ارضك وجماهيرك تلعب بثلاث محاور ياخي طلع الخثران بلشنا فيه لا ينفع ظهير ولا محور ونزل الصويلح الهلال ياجماعه بحاجه مهاجم قولولي من مع ياسر مهاجم مافيه اذا راح ياسر مع المنتخب الهلال راح فيها .
الخثران ، المفرج ،الهليل، العنقري لا هجوم ولا دفاع ، اطالب بقوه بابعدهم وتنسيقهم.
عبدالعزيز عبدالسلام وينه احسن من العنقري بمليون مره .
الجري والله لاعب مضلوم ارجعوا وشوف منتخب الناشئين وش سوا الجري حط العبود احطياطي بس حرام الهلال بالواسطه ضيعوه .
رسالتي هذي والله مو على شان الهلال خرج من البطوله الهلال خرج بشرف بس الحظ خذله لان قبل البطوله ماينفع الهلال بل يضره وهذا احسن وقت له .
رئيسنا معتمد على اعضاء الشرف واذا مادعموا النادي قاعد يشرشحهم بالجرايد ياخي جزاهم الله خير اللي يدعمون انت رئيس نادي المفروض انت اللي تدعم مو هم بس لمن ترفع الشكوى .