#1  
قديم 27/09/2007, 08:52 PM
زعيــم متواصــل
تاريخ التسجيل: 25/11/2006
المكان: الـريــــاض
مشاركات: 111
Arrow تــعــالــو وأنــتــقــدو أنــتــقــاد مــحــتــرفــيــن

السلام عليكم ورحمة الله وبركاته












أخواني وأخواتي الزعماء هاردلك خروجنا من البطوله الاسيويه









والله ياحبايبي فيه كذا حاجه ابغى اتكلم فيها طبعاً بعد ردات الفعل من الجمهوروتعالو نتكلم باالعقل مو كل واحد يتكلم ويحط كلام من عنده وخلاص لا فيه كذا نقطه لازم نتكلم فيها عشان نعرف وش الاخطاء الي صارت في المباراة ونتكلم بوضوح والي هي كاالتالي :








أولاً / ألاحظ ان بعض الاعضاء حطو الوم على رئيس النادي الي هو محمد بن فيصل ويقولون له ارحل او اترك الرئاسه خلاص ما نبيك الحين صرتو ما تبون ابوسلطان عشان بطوله ضاعت من الزعيم انا عارف ان البطوله الاسيويه مهمه لنا ولكل هلالي بس وينكم يوم جاء ابوسلطان رئيس للهلال وجاب للهلال 6 بطولات وجاب لكم الاعب / ياسر القحطاني وجاب لك الاعب / طارق التايب وجاب الاعب / تفاريس وجدد عقد التايب وتفاريس بعد ما طلبتو ان عقودهم تتجدد وجدد مع اكثر من لاعب هلالي وكنتم تطالبون الاداره انها تجدد معهم وسوا لكم الي تبون يعني قولو وش تبون اكثر من كذا غيركم ما حصل ربع الي يسويه محمد بن فيصل لكم تبون اداره ماتسمع الكلام تبون اداره تضرب جماهيرها تبون ادراه تقول لكم لا تحضرون مباريات الهلال تبون اداره تقولكم مالكم فضل على الهلال حضرتو او ماحضرتو كله واحد , أحمدو ربكم ان فيه اداره تسمع كلامكم وتسمع اقتراحاتكم وتشترتري التذاكر عشان تحضرون مهوب مثل الانديه الثانيه ما تصدق على الله ان جمهورهم يحضرون عشان تأخذ فوائد التذكر وتحطها في جيبها الى متى وحنا نتكلم عن الاداره ويقولون ليش ابوسلطان مايتدخل في التشكيله اعتقد ان فيه مدرب جايبينه للفريق ولو ابوسلطان بيتدخل في التشكيله كان ما جاب مدرب وجلس هو الي يدرب الفريق وين الكلام الي اول ماأستلم ابوسلطان الرئاسه وجاب لنا 6 بطولات قلنا هذا هو الظاهره وهذا هو الرئيس الذهبي كل هذا راح نسيتوه او عشان الزعيم السنه الي راحت ما أخذ بطوله زعلانا صح والزعيم وجمهوره متعود على كل سنه انه يأخذ كم بطوله في الموسم , يا حبايبي لا تحملون محمد بن فيصل كل شيئ .










ثانياً / المدرب هذا غبي غبي غبي اجل الزوري والذياب في مباراة مهمه ومصيريه زي هاذي وعنده الشلهوب والتايب طيب نقول ماعليه انا اول مره اشوف الغامدي يلعب ظهير لا والخثران يلعب وسط والخثران يرجع مع عزيز في المحور يعني باالعربي الزعيم يلعب بدون وسط مافيه الا نواف ويد وحده ما تصفق بالله عليكم من تبون يصنع العب قولو عزيز او تفاريس او الذياب والعنقري وهذا الي صار ما فيه صنع لعب وضاع الوسط انا ما انكر ان الزعيم ما لعب لعب حلو لا انا اقول ان المدرب قاعد يجرب في مباراة مهمه وفيه كم لاعب ما حطهم في مكانهم الصحيح شوفو معد ما طب التايب والشلهوب تحرك الوسط بشكل غير طبيعي لكن من تعلم .








ثالثاً / المفرج وما ادراك ما المفرج قسم بالله العظيم انه رفع الضغط عندي اجل جالس يتفرج على اسماعيل وهو عنده وقريب منه لا وياليت انه قدامه لا على الجنب يعني شوت يا اسماعيل ليش ما خش عليه والله قهر يا ناس فيه المرشدي ليش مايلعب والله انه افضل من المفرج حتى تفاريس قالها يقول انه يتطمن اذا صار خلفه المرشدي لكن اذا صار خلفه المفرج يقوم بدفاع عنه وعن المفرج يعني وش تبون اكثر من كذا المفرج طق عمره 33 سنه والى الحين متمسكين فيه من زين لعبه ويالله الحين تفاريس بيروح يالله عاد رقعوها المصايب توها ما بعد جت القادم افضل مادام المفرج فيه .








رابعاً / الاداره ماقصرت وسوت كل الي عليها وحتى الاعبين سوو الي عليهم بس امس ما حالفنا الحظ اجل طول المباراة واحنا نلعب على باب واحد يالله شيئ ومكتوب انه يصير اللهم لا اعتراض ( قدر الله وماشاء فعل ) بس الي بقوله خلاص خلو ننسى الي راح وقدامنا 5 بطولات ( الدوري / والخليجيه / وكاس فيصل بن فهد / وكاس ولي العهد / كاس خادم الحرمين الشريفين ) كل هاذي قدامنا وخلاص الي راح راح وخلو نفكر في الي جاي .











وفيه أشياء ثانيه أتمنى من الاداره أن تعدلها قبل البطولات الاخرى









وأتمنى أني أشوف الزعيم في البطولات الجايه افضل من الي راحت
اضافة رد مع اقتباس
  #2  
قديم 27/09/2007, 09:16 PM
زعيــم متواصــل
تاريخ التسجيل: 25/11/2006
المكان: الـريــــاض
مشاركات: 111
وين ردودكم
اضافة رد مع اقتباس
  #3  
قديم 27/09/2007, 09:54 PM
زعيــم متواصــل
تاريخ التسجيل: 25/11/2006
المكان: الـريــــاض
مشاركات: 111
كن ما عجبكم الموضوع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:23 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube