|
الاسيويه رااااااااحــــت ... بس الهلال باقي وقادم على البطولات ومنصات التتويج السلاام عليكم الكل غاضب الكل منقهر الكل متنرفز الكل مرتفع ضغطه الكل ضايق صدره وكل هاذا بـ سبب خروج الهلال من الاسيويه ... ولـ المعلوميه ترانا طلعنا منها مرفوعين الراس لان اللاعبين ما قصرو شرفونا بـ نتيجه ايجابيه الحمدلله تعادلنا ما خسرنا ... وكل مشوارنا في هالبطوله ماذقنا طعم الخساره وطلعنا منها ولا جربنا فيها الخساره بس انا عارفه انكم شرهانين على ياسر انه ضيع البلنتي <<< مو مشكله هو مو اول واحد ولا اخر واحد يضيع بلنتيات .. لاعبين كبار يضيعونها مو بس هو والسبب اللي خلى ياسر يضيع البلنتي هو الجمهور :eek: ايه نعم الجمهوووور ... الخوف والارتباك من الجمهور باين في عيونه قبل لا يشوت البلنتي وياليت انكم رفعتو من معنوياته بعد ما ضاع البلنتي عشان يعوضها مثل البلنتي اللي ضاع منه في مباراتنا مع الاتحاد في الدور الاول الموسم اللي راح .. مو يسمع كلام المفروض ما ينقال من الجمهور :( بس مانبي نسمع احد يقاطع حضور المباريات .. بالعكس نبي حضور يهز الملعب هز نبي نشوف الموج الازرق يوم الاحد <<< عشان نثبت للاعبين اننا معهم في الحلوه والمره وخلااص انسو الاسيويه وخلونا نفكر في البطولات الثانيه ونبدا صفحه جديده ... لاننا تونا في بداية المشوار نبي نركز على الدوري عشان نتاهل للبطوله الاسيويه الموسم القادم <<< لانها هي المفتاح للهلال للبطوله العالميه باذن الله ... راحت بطوله بس ماتوقف الهلال عند كذا باقي له بطولات ثانيه ومشاركات داخليه وخارجيه والسبب اللي ضيع الهلال امس هو حجم البطوله مو الجمهور الحاضر <<< تفكيرهم كان كله منشغل في العالميه وهاذا اللي ودانا في خبر كان ... لو ما يسبقون الاحداث كان احنا بخير وانا ابغى اقول خلااص انسو الاسيويه لانها قضاء الله وقدره وحنا راضين بما كتبه الله .. واذا كنتم مع الزعيم نبي نشوفكم يوم الاحد مالين مدرجات الملعب <<< لا تنسون اذا اخذنا الدوري بنتاهل للاسيويه ومن بعدها للعالميه باذن الله :wink: |
يابنت الحلال ياسر كفى ووفى ماضيعنا الا المفرج والعنقري لابارك الله بالواسطه والله حرام مئات الالوف يزعلون بسبب 2 يلعبون بالغصب اه على هلال سامي وهلال الثنيان وهلال التيماوي تحول الحال واصبحنا هلال العنقري وهلال المفرج وهلال الزوري |
سلامو عليكوم بعد التحيه يعطيكي العافيه خيتو ع الموضوع الرائع وأتمنى إنه تكون عقلانية الجمهور الهلالي في نفس عقلانيتك وحسن الكلام والتصرف وإعطاء الرئي السليم وأنا كلي ثقه وأمل من زعماء نادي الهلال بأنهم راح يردون لنا هذا الخروج من البطوله الاسياويه بالأفضل وسيعودون مرهـ أخرى لهذهـ البطوله وشكرآ |
اختي انا معاك بأننا نوقف مع الفريق بس لازم نشوف تغييرات وما نسكت على الأخطاء الواضحه واذا استمر الفريق على هذه الحاله فمستحيل يجيب اي بطوله |
والله يا اختي باقولها بكل امانه ماعاد تهمني بطولة الدوري ولا ولي العهد ولا خادم الحرمين ولا الامير فيصل صار لنا تقريبا 6 سنوات او اكثر ماذقنا طعم بطولة خارجيه هذا اللي مزعلنا بطولات خارجية نسينا طعمها اسياء اللي تزعمناها عشر سنوات وحققنا المستحيل فيها اصبحنا عاجزين عليها الان هذا اللي حارق دمي انا عن نفسي ما افكر بالهلال حاليا مع اني من اشد المتعصبين لكن ماراح ارضى على الهلال الا ببطولة اسياء ياهلال حقق اسياء وابشر باللي تبي لكن مادمت عاجز عن اسياء فأنا عاجز عن الحضور للمدرجات شكرا اختي لكن هذي وجهة نظري |
إقتباس:
ياسر ضيع بلنتي وكل واحد يضيع بلنتي وش دخل الجمهور بالموضوع :cry: تبين 70 الف ينزل ويشوت :cry: حنا صفقنا وصارخنا وسوينا كل شي بس للاسف الحظ سئ |
^ ^ شكلك فهمت كلامي غلط ياسر كان خايف من الجمهور اللي حاضر لانه عارف ان الناس كله بتتكلم عنه ويبغى يرضيهم |
وسيعودون مرهـ أخرى لهذهـ البطوله |
إقتباس:
سامي اذا سبب البلنتي ما يشوته وحتى لاعبين اوروبا وهذا مهب دليل على ضياع ياسر لان اصلا مكتوب هذي غلطه بيفهما ياسر واتوقع الحارس سوا ربكه لياسر من خلال تعطيله اللعب ..الحارس أذكاء من ياسر الحمد لله على كل حال ... يعطيك العافيه عالموضوع وتقبلي مروري للمره الثانيه :) |
بالتوفيق لزعيمنا وياليت نمشى نحو هذا التفكير ....... |
| الوقت المعتمد في المنتدى بتوقيت جرينتش +3.
الوقت الان » 07:29 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd