نادي الهلال السعودي - شبكة الزعيم - الموقع الرسمي - يا مفرج أنت ناوي تدق ريوس إلين باب بيتكم

السلام عليكم
أخواني أقسم بالله العظيم أنه طفح بنا الكيل
خلاص ماعاد فينا صبر
صبرنا عليه من سنوات ومازال نفس مستواه
من نكبه لنكبه وياقلب لاتحزن
الله يطول عمره اليوم في هدف الوحده بدل ماينزل على اللاعب او يضايقه او يشتت تفكيره
دق الريوس لين دريت أنه هدف قبل يجي !!
مدافع لك تاريخ بالملاعب ماتعرف تنزل على مهاجم وتخلص الكوره؟؟!!
ياخي على الاقل ضايقه لو يصير فاول قبل يدخل لخط الـ 18 !!
على الاقل قل له ((هش)) !!
سو شي ياخي يقنع الجماهير انك مدافع!!
فتح الباب قدام مطر كنه يقول له تفضل طال عمرك!!
من نهائي 1418 الشهير وطيحة المهلل وانا داري انك ياطويل العمره ماتنفع بالكوره!!
والله يامفرج تعبنا والله تعبنا وحنا نتكلم خلاص عاد
ياإداره منهو واسطته؟؟!!
والا على قولتهم من جاور ((سعيد)) يسعد؟؟!!
والله ماذبح الفريق الا المجاملات
من نكبه لنكبه وخصوصاً في مباريات الحسم ولين الحين صابرين عليه؟؟!!
المدربين يتغيرون وهو ثابت!!
معقوله المدربين مايشوفون اللي حنا نشوفه من نكبات؟؟!!
يكفي مجاملات
يامفرج يابطل ياأحسن مدافع بعد مالديني الله يطول بعمرك ويجزاك بالجنه أعتزل!!
ربيع موسى يبلغ من العمر 21 سنه ومدافع رائع وبنية جسمانيه قويه ومع ذلك يتم تنسيقه!!
وهذا الان الاهلي يفاوضه وبمبلغ ماهو سهل,,
والمدافع اللي من لعب عندنا وهو ناكبنا مافيه امل يطلع اسمه في قائمه التنسيق!!
يحتري اخوه عبدالعزيز يجي يمسك الخانه بداله!!
ينسقون ربيع موسى ويروحون يفاوضون هوساوي!!
ربيع موسى تذكروا هذا الاسم جيداً لانه في السنوات القادمه ستشاهدونه في فريق كبير
ومع المنتخب ووقتها سنقول ياادارة فاوضيه ترانا نبيه!!
هوساوي كان احتياطي للمرشدي والان يحطون المرشدي في الاحتياط ويفاوضون هوساوي!!
والله تنيكت!!
لو أعطي المرشدي نصف الفرص اللي أعطيت للمفرج لأصبح المدافع الاساسي بالمنتخب
بدون أدنى منافس,,ولكن!!المسكين ماجاور ((سعيد)) عشان يسعد!!
وش نسوي عشان نبعد المفرج عن التشكيله؟؟!!
نتظاهر عند النادي؟؟!!
نقاطع؟؟!!
نحب راسه ونقول تكفى اعتزل؟؟!!
تكفون عطونا حل!!
أما العنقري فهو مفرج آخر
أتمنى يتم أبعاده ولا يعطى نفص فرصة المفرج لكي لايستمر مسلسل ضياع البطولات بأخطاء دفاعيه
ساذجه!!
صدق من قال ان دفاع الهلال يجعل من المهاجم ((الكديش)) ((نجم)) !!
استخسروا على الدوخي كل سنه مليون وراحوا دفعوا للياس والعنقري ونامي ومازالوا يرقعون الشق!!
وش فيها لو عطيناه مليون عن كل سنه وارتحنا من خانه صارت في الهلال بعده كنها طريق
القصيم السريع!!
هذا الغامدي عن كل سنه مليون!!
التمياط عن كل سنه مليونين!!
وعزيز لما ينتهي عقده بيطلب نفس الشي!!
آآآآه يادوخي,,
وشكراً