بسم الله الرحمن الرحيم
السلام عليكم. في البدايه احب اني اعزي جماهير الزعيم على ذهاب الاسيويه واقولهم كل عام والبطوله تروح . حقيقه من قبل ماتبدا المباراه وبعد ماشفت وجيه لاعبينا قلبي عورني حسيت ان فيهم كسل وخمول وشوية نوم . ياسر كان تحركاته ثقيله وكانت الثقه الزايده باينه عليه يمكن كثر من السمبوسه واللقيمات .نواف وما ادراك ما نواف تحركاتك السريعه في بداية الشوط الاول لم تقنعني لانك لم ترفع راسك اذا استلمت الكوره .والكوره تنوخذ منك بسهوله يعني كل محاولاتك مبتوره . عمر الغامدي . وش بلاك ماتعرف تستقبل الكوره بقدمك والفرصه الخطيره قدام المرمى اكبر دليل وكل كراتك المرسله مقطوعه وبدون تركيز . وهمك بس الاحتكاكات العنيفه مع الخوال الاماراتيين. اما انت يالعنقري كيف اللبن معاك . اما تفاريس حكايته حكايه مايعرف يضغط على حامل الكره ولا يعرف يقطعها من اسماعيل مطر الي يجي طول ولدك . اما انت يا مفرج صدق من سماك ( مخرج 17 ) صراخ وانفعال وتحركات على الطل .وانت يادعيع كوره من على قوس ال18 ماتعرف تستقبلها صح . انا تألمت من منظر الجماهير الغفيره وكيف تطلع وهي زعلانه . حتى جدتي تابعت المباراه وتفاعلت معها وضحكت على المفرج ياما قالت بس .والمدرب ليه مانزل التايب من بدري وليه مانزل الشلهوب على الرغم اني كنت ما احب انه يلعب ( احسن الله عزاك وعظم الله اجرك ) اما انت يا خالد عزيز لايكون ما طعمت عن شلل الاطفال وانت صغير كم كوره استلمتها وطحت من اقل احتكاك . بصراحه عبدالعزيز الخثران ماقصر وتحركاته كانت مؤثره وصدق من سماك ( الجندي المجهول ) وهااااااااااارد لكم جميعا