نادي الهلال السعودي - شبكة الزعيم - الموقع الرسمي - خلاص ياجماعه .. يجب الان عمل الآتي:

راح شئ اسمه حلم كأس العالم .. مع اني كنت اشك اني صاحي ... لكن هذا اللي صار..
لنا سنة كاملة نتغنى فيها والمشكلة الفرق مستواها اضعف من الهلال بمراحل ..

طبعا الكل شاف المهزلة اللي صارت في استاد الملك فهد الدولي بالرياض والتي انتهت
لأصحاب السعادة بفعل فاعل .. يستحقها الوحده واخذها من امام 70 الف متفرج المغلوب على
أمرهم ... على العموم ياشباب كلنا هلاليين وكلنا لازم نكون مع الهلال
قلبا وقالبا .. صح انه رفع ضغطنا شوي .. لكن ما يخالف ..

يا إدارة الهلال :
آن الان وقت تنظيف الفريق من اللاعبين غير النافعين للنادي .. امثال المفرج ، العنقري،
الزوري ......... الخ من هاللاعبين الذين نتمنى ان يعيروهم للاتفاق والا الوحده يطورون
مستواهم شوي الين ما يجون في مستوى نادي آسيوي مثل نادي الهلال ..
لأنهم الان لا ينفعون بل بالعكس يضرون .. اما بالنسبة للمفرج فالاعتزال افضل له .. ليس
حقدا عليه وإنما صبرنا عليه اكثر من مره وما عندنا استعداد نخسر بطولات لعيون فهد المفرج

الشئ الثاني والأهم / نبي لاعبين محليين يغطون مكان اللاعبين اللي نسقناهم فوق ..
نبي ظهير ايمن ( الله يذكرك بالخير يالدوخي ) ،، واثنين بالدفاع لأن تفاريس لا تحلمون
فيه مره ثانيه هو ماجدد الا عشان العالمية يساعد الهلال فيها .. نبي مثل اسامة هوساوي و
وحمد المنتشري او واحد منهم على الاقل مع ماجد العمري .. ونبي مهاجم مثل مالك معاذ ..
تقولي من وين الفلوس وما احد يدعم ... اقولك لو عرفت كيف تستغل فلوس موبايلي
كان ما احتجت لأعضاء الشرف .. لكن الملايين ما ادري وين راحت ..

الشئ الثالث والأخير / لاعبين اجانب زي العالم الناس .. مهو برونو .. بالله برونو
هذا من صدقكم بتلعبون فيه بطولة اسيوية .. ولا ماشاء الله استفدنا منه بمباراة اليوم
بدع وامتع .. رجعوه وزيدوهم فلوس عليه بس لا عاد يقرب النادي ..
نريد لاعبين اجانب محترفين بمعنى الكلمة .. تقولي الان اقولك ايه .. ما عندنا استعداد
نستنى لما نفوز بالدوري هذاك الوقت نقرر نجيب مين بالاسيوية .. نبيهم الحين بالدوري ..

والله يعين الجميع ويوفقنا ويوفقكم ويعينا ويعينكم على ضياع البطولات اللي تبكي الواحد..
وتقهر الواحد .. ااااه بس اااااه..

ودمتم بود ..