المفرج،،،العنقري،،،الخثران....!!! ونواف السلام عليكم ورحمة الله وبركاته بالبداية احب اقول لجميع الزعماء هارد لكم جميعا،، وان شاء الله انها خيره ولكن التعويض إن شاء الله في باقي منافسات نادي الهلال الدوري والخليجيه لكن اريد لكل هلالي محب لنادية الزعيم من كل قلبة أن يسأل نفسه هل المفرج والعنقري والخثران ونواف التمياط هم طموح الهلال ام لا...!؟ الاول طالبنا برحيلة من زمان ولكن لا ادري لماذا تكتم وصبر الاداره والمدربين عليه...!! والثاني جابوه ليحل محل الدوخي ،، بالله عليكم هل العنقري بيحل محل الدوخي ....!!! مع ان الياس افضل بكثير لكن ..! والخثران،، شكرا لك ماقصرت لكن الهلال اكبر من مستواك بصراحه نواف التمياط افضل لاعب بآسيا بزمانه،، لكن يانواف كنا نتمنى ان يتحسن مستواك ويرجع الى عهده السابق لكنك حاولت تفرض نفسك وبالقوة على الهلال وتلعب لاجل تاريخك وليس لاجل تاريخ الهلال،، شكرا نواف وماقصرت لكن تاريخ الهلال اهم من تاريخك،، معليش يمكن قسيت بالكلام لكنني اتكلم بحرقة وبصراحه مطلقة لاني مليت من مجاملات الاداره لهم، ولا اريد ان يتدهور وضع الهلال اكثر من ذلك،، بالنهايه ارجع وأقول هارد لك للجميع وبالتوفيق إن شاء الله في باقي المنافسات أخوكم أبـوعبدالرحمـن |
فهد فقط ارحل |
كلام سليك اطالب برحيلهم جميعا ومعهم البرقان وحسن العتيبي اما نواف التمياط لازم يركن خارج التشكيله حتى يتخلص من الفرديه ويرجع لمستواه |
ارحل يامفرج مع احترامنا الكبير لك |
الا وش رايكم نطرد كل اللاعبين ونقفل النادي مهوب احسن الحين ياخوي الخثران وش دخله بالهزيمه اللاعب ابدع وقدم مباراه كبيره وهو يلعب بمركز مهوب مركزه وتقول الهلال اكبر منه ؟؟ ترى الخثران لاعب كبير وسبق لعب كاسين عالم ولاعب يلعب باكثر من مركز ومدربينك كل ماتورطوا حطو الخثران بمركز جديد لاتبخس الناس حقهم وارجع للمباراه وشوف العله عمر الغامدي اللي حرام فيه الملايين ومسوي فيها نجم والباب فاضي يضيعها |
والله ان ما عندك ساالفه الخثران امس هو اللي محرك النص و ثاني شي ما اشوووفك تكلمت على ياااسر ؟؟؟؟ |
والله الخثـران لعـب امـس .. اللي ودك يمشـي " نواف " والله ماله مكـان في الهـلال .. |
ماعليش مع احترامي الشديد لك الخثران ابد كثير |
شكلك تشوف مباراة ثانيه غير الي نشوفها الخثران اكثر لاعب تحرك، والتمياط كان مستواه جيد. |
فهد .. أرحل الله لا يهينك .. العنقري .. أفضل السيئين .. الخثران .. أنا أختلف معك .. يا أخي الاعب لعب محور .. وماتحكم عليه بهالطريقه .. كظهير ايسر .. أنا أعتبره من أفضل 4 أضهره في الباك الايسر في المملكه والي أفضل منه مستحيل يجونك ..وهو أساساً كويس ويجي منه .. نواف .. ما يندرى عن ذا الاعب مره تقول رجع لمستواه .. مره تقول ذا خلاص أفلس وماعاد عنده شي ...لكن يمدحون الدكه الين يرجع لمستواه بحق وحقيققه.. |
معنك سالفه وشدخل نواف ورا ماتكامت عن الدعيع كوره وقول ها الشايب والغامدي امس تعبان الخثران امس كويس والمفرج العنقري من زمان دارين هم اللي بينكبونا |
إلا وش رايكم نشيل النادي احسن ما بقيتوا احد اللا سبيتوا فيه عشان خساره ترى اللاعبين ودهم يحققون كل البطولات والله مالقاها الى انتم تسبون وانتوا جالسين والي يقول نواف يلعب لتاريخه لا لتاريخ الهلال سبك في الهلال بعد كل خساره هو اللي بضيع تاريخ الهلال مونواف |
المفرج العنقري التمياط حالياً كلهم اقل من مستوى الهلال لكن الي كب العشاء اليوم هو ياسر .. |
لا والله كلامك مب سليم ولهو لم الصحه المفرج والعنقري ايه ارحلووو لاكن نواف والخثران لا والف لا انت الي ارحل يا مندس |
اول شيء اقول هاردلك بس والله الاعبين ماقصرو بس ثانيا الخثران امس احسن لاعب فالمباراه هو التايب وعزيز ونواف المفروض يحطونه على دكه الاحتياط عشان يتخلص من الانانيه الزايده اما المفرج والعنقري خلاص مالهم مكان في النادي ابد لو يحطون المرشدي والياس افضل بكثير (مع احترامي للاعبين) |
الوقت المعتمد في المنتدى بتوقيت جرينتش +3.
الوقت الان » 04:02 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd