#1  
قديم 27/09/2007, 05:45 AM
زعيــم فعــال
تاريخ التسجيل: 10/05/2004
المكان: الـريــاض
مشاركات: 469
Talking وجه الشبه بين المفرج والتحكيم + شكر للاعبي الهلال

السلام عليكم ورحمة الله


مباراة رائع وكان الأروع الحضور الجماهيري

ولكن الحق يقال

كان من الخطأ اللعب بمهاجم واحد وكما شاهدنا كيف تم عزل ياسر بـ 3 لاعبين

أما الأطراف كانت شبه معطاه خصوصاً من الجهه اليسار ( الاعب الجديد الزوري ) الله يعطيه العافيه بس هذي أول مباراة يلعبها أمام جمهور بهذا الحجم

الذياب ( الله يعطيك العافيه ما قصرت ) ولكن المباراه كانت حاسمه وهذا خطأ من المدرب وليس منك

القناص ما قصرت وسويت إلي عليك بس بيني وبينك أنت تبي تسجل هدف وبس والله يعطيك عافيه ما قصرت

نواف التمياط الله لا يلوم إلي يلومك اللعب كان خشن عليك خصوصاً في الإمارات ومن حقك تخاف على رجلك وسويت إلي عليك وزياده


عزيز والله أنت تذكرني بلزقة الظهر ( الله يعطيك الصحه والعافيه ) ذكرتني يوم تمسك محمد نور وشفناك تمسك إسماعيل مطر والله أنت رائع لكن تكفى وأنا أخوك عندك حل من أثنين

يا تتمرن على التسديد من خارج المنطقه أو تمرر غير كذا تكفى لا تتهور ( سلمت لنا )

آآآآآه يالشلهوب ذكرتني بالثنيان أول ما يرجع من الإصابه ( ثقيل شوي بس يطربك في الملعب ) عظم الله أجرك وما قصرت

الغامدي روق المنقا لعبت اليوم عن ثلاث مباريات الله يعطيك الصحه والعافيه ما قصرت والله يحفظك

الخثران أنت الاعب المظلوم في الهلال مراوغ وتمريرات رائعه وبعض الأحيان تتسلط على لاعبين الفريق المقابل تسلم يالغالي وما قصرت

الدعيع ضحكت في أخر المباراة رغم حزني على التعادل ( الله يقطع شيطانك أنت وطمرتك إلي داخل منطقة الجزاء ) قسم بالله إني أضحك كل ما تذكرتها ولا طمرة سنوكا أيام عزه
ياخي ودي أشوفك راس حربه لو مباراة وحده رسميه
لله يعطيك الصحه والعافيه وما قصرت

التايب أنت بالذات ما راح أتكلم عنك ويكفيني هدوئك داخل منطقة الجزاء

الصويلح أنت الورقه الرابحه دائماً بعد توفيق الله ( مشاغب منطقة الجزاء )


المفرج لا يهمك أحد وخلك واثق من نفسك ( ياخي سبحان الله دايم تجيب العيد ويعصبون عليك وإذا سويت شيء رائع في المباراة ما تشوف ولا واحد يقولك شكراً )

( بقولك شيء بس لا تزعل )
ترى ما ودنا نشوفك في كل مباراة يا فالق أحد أو أحد فالقك أنتبه لنفسك وأنا أخوك
ترى القتاليه والحماس ما يشوفونها إلا إذا أهتوو



ما أدري الهدف إلي يقولون إنك السبب فيه ( ما أدري يبغونك تصفق إسماعيل على وجهه وإلا تكسره وإلا تجحد أم الكوره وتروح لوسط الملعب ؟

ما أدري بس إلي أذكره إن إسماعيل جاي من خانة العنقري ثم وصل لخانة تفاريس ( إلي صاير راس حربه في الهجمات المرتده )

فـ جاوبنا بصراحه ليه تفاريس متقدم هو والعنقري

أكيد أنت السبب ليه تقول لهم روحوا

شر البليه ما يضحك


العنقري الله يعطيك العافيه بس تكفى وأنا أخوك أول ما توصل الكوره أرجع مكانك لأنك تنسى خانتك وأطول لاعبين في الفريق متقدمين على شان رفعتك النازله فـ تنكبهم وتنكم معهم .



سؤال حلو





وش وجه الشبه بين فهد المفرج والتحكيم ؟؟؟؟











إذا إنهزم الهلال نقول المفرج السبب


أما التحكيم فهو سبب هزيمة الفريق الجار




في الختام أتمنى من الجمهور الهلالي الواعي

عدم الإعتراض على قضاء الله وقدره

و ( لو ) تفتح عمل الشيطان يا أخوان

والله ما كتب لنا التأهل

الاعبين ما قصروا ( الشوط الأول فقط 3 أهداف ضائعه ) ياسر + الغامدي + تفاريس ( بعد إرتداد كرة نواف من العارضه )


هذه هي مشيئة الله فلا إعتراض الاعبين قدموا كل ما يستطيعون ونحن أيضاً قدمنا ما نستطيع

إحترامي للجميع

أخوكم

كماند
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:20 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube