#1  
قديم 27/09/2007, 05:29 AM
زعيــم متواصــل
تاريخ التسجيل: 02/03/2007
مشاركات: 144
Icon16 فليحترف ياسر


السلام عليكم ورحمة الله وبركاته


بعد مافطرت قمت صليت التراويح ورحت القهوه انتظر المباراه...مو عشان احجز مكان بس متحمس

وبعد مابدأت المباراه تحسفت اني رحت قهوه للمبزره اللي شفتهم اشكال تقطع الرزق

المهم ويبدأ الشوط الاول بحماس وترتسم الابتسامه على وجهي

لم تطل الابتسامه طويلاُ

سرقها اسماعيل مطر

وقبله المفرج

تحاملت على نفسي وقلت فيه رجاجيل بيردون المباراة لك

وفعلاً تنطلق كوره من تفاريس الله يهديه الى الاسلام الى القناص ياسر الكاسر

ويعمل لك كم حركه ويجيب بلنتي

بس امس قريت خبر هنا يقول ان لاعبي الوحده يتدربون على امتصاص حماس الجمهور

وشفت الحارس فصخ جزمته وجلس يضيع الوقت

ايقنت وقتها ان الكوره ضاعت خلاص

وفعلاً صدق حدسي

وضاعت الكوره

ورجعت التكشيره على وجهي

وجلسنا ننتظر

وطال الانتظار

ونزل حبيب قلبي الصويلح وكان ان يفرح قلبي بقروشته قدام الباب ...ولكن!!

وانتهي الشوط الاول


وانتظرت الشوط الثاني على احر من الجمر

فعلاً بدأ الشوط الثاني

بس قلت شكلي احلم

وين الشلهوب!!

وين التايب؟؟

مو معقوله متأخرين متى بيلعبهم

قلت اصبر يارجل الحين خمس دقايق ويطبون

وطال الانتظار

والعارضه تشكي

والحظ منحاش

وتسقط دمعه من عيني

وينزل التايب

شفته متحمس

فرحت

قلت خلاص فزنا

ولكن اليد الواحده لاتصفق

نجح الوحداويون في امتصاص الحماس زي ماكانو يتدربون قبل المباراه بيوم

وتمر الدقائق

والضغط يرتفع

وينزل الشلهوب (الله يرحم والدينه ويسكنهم في جنات النعيم...ويحسن خاتمناا جميعاً)

ولكن قلت في نفسي وش بيسوي معد بقى شي

وضفيت اغراضي وشغلت السياره ورجعت للغرفه حقتي في الجامعه وقفلت الباب والانترنت خربان

وهارد لك للجميع

ويالمفرج اتقي الله في الجماهير ترا في ناس عندهم ضغط وسكر وامراض قلب

وسلام

قبل انسى الموضوع اتمنى ان يتاح الاحتراف لياسر وخلاص طلعنا قيمة عقده بعقد موبايلي واتوقع بنطلع كمان لو اعرناه او بعناه لأي نادي اوربي

مع اطيب الامنيات لولدنا ياسر بالتوفيق في حياته الكرويه خارج اسوار السعوديه واسياء


وسلام

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:07 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube