هلالنا يحتاج الى تجديد من أ الى ي
 

مبروك للوحداويين وهاردلك لنا

اليوم راح اكتب اول موضوع لي عن رايي الشخصي في هلالنا ( ومن حق أي مشجع ان يكتب راييه وارجوا عدم الحذف )

بسم الله نبدا



اولا : المدرب والتشكيله:


السيد اولايو داخل اليوم كانه فايز 451 طيب مافي مشكله بس حط كل لاعب في مكانه ضلم كثير من اللاعبين لا وياليته كذا وكل يوم تشكيله ولاعبين .



ثانيا اللاعبين:

الدعيع : صح ماشفناه الا في ثلاث كرات لا كن من الثلاث قول
والقول يتحمل جزء منه لانه لاتقدم ولا قعد في مرماه

العنقري : لاعب ضعيف في التغطيه والهجوم ولعبه واضح أي كوره توصل له اوفر على طول ( سؤال وين العصفور والعبدالسلام والياس ) والا العنقري واسطته قويه

تفاريس : هو نجم المباره ( ولو ربع روح تفاريس عند كل لاعب هلالي كان فزنا 10 / 0 )

المفرج : اشكره على هالمستوى المبهر وخاصه الكبري ( لاعب سيء في التغطيه وضعيف بدنيا ولا يملك أي مهاره كرويه ) صراحة واسطته قويه جدا اهنيه عليها ( اعرف الواحد يتطور مو يتدهور ) عطوه فنيلته جزاه الله خير

الزوري : صعب تحكم عليه وحرام على المدرب يلعبه لاعب صغير وصعب الحكم عليه .

عزيز : اليوم عزيز لعب لاكن مو مستوى خالد عزيز واتوقع من الخطة البطله.

سعد الذياب : زي الزوري حرام يلعب هالمباره .

الغامدي : اللي نعرفه ان الغامدي لاعب محور وليس وسط ايمن ظلمه المدرب اليوم.

نواف : يحاول انه يرجع لمستواه عام 2000 ونواف من المعروف انه وسط ايمن مكان الغامدي اليوم.

ياسر : لاحظنا عليه البرود اليوم وهذا الشيء يعد ركلة الجزاء والمفروض ما نفذها ياسر لان الهلال بعد ركلة الجزاء خسر ياسر

الصويلح : نجم اليوم والمفروض يلعب من بداية المباره.

التايب : يلعب من بداية المباره وش الفايدة انه يكون اخر 15 .

الشلهوب : ماقصر ويعطيه الف عافيه والمفروض مايلعب اليوم اجل يدفن ابوه الخميس ويلعب الاربعاء .

راح اللي راح بس المفروض نتعلم من اخطائنا





ثاثا : الاداره :


الادارة متخبطه من السنه الي راحت وهي كل يوم استقالات وسحب استقالات وحالتها صعبه ووعود ولاعب عالمي وفي الاخير لاعب في دوري الشركات في البرازيل واي صفقه تدخل فيها الادارة تكون صفقه فاشله او ماتتم .



ربعا: نريد لاعبين ونريد تصفية لاعبين :

لاعبين راح عليهم الزمن لاعبين يلعبو من القرن الحجري وحرام انه يمثلوا الهلال او حتى فريق في درجة ثالثه .
نريد لاعبين على مستوى عالي اجانب ومحليين مو لاعبين نادي الرياض والانصار وياناس ادفعوا زي مالعالم تدفع.



في الختام احب اعلن عن اعتزالي للحضور لأي مباره قادمه مادام مثل هاللاعبين موجودين .


و اعتذر على الكلام الغير مرتب والكلمات غير الموزنه واللهجه العاميه
بس والله من القهر اللي في قلبي

وشكرا لكم

الهلال يحتاج الى تغيير الثلاي الواسطه المفرج والعنقري والخثران واستقالة محمد بن فيصل

وبعدها سوف ترى الهلال فريق يقارع الكباااااار الذي هو كان منهم في سنوات مضت