عــجائـــب وغـــرائـب شفناها في مباراة الوحدة ... واعتقد انها واااضحه !! صبـــاح الـــخــيـر جمهور الهلال الكبير احب اواسيكم على ما واجهتوه اليوم و واجهته انا شخصيا .. ماراح اطول عليكم او اضيف كلام كثير >> لان اعضاء المنتدى ماقصروا . الــــــمــهــم اول شي عجيب هو دخول الهلال مباراة اليوم بمهاجم واااحد !!! المباراه اياب وعلى ارضنا وتستوجب ضغطنا عليهم وتشكيله تناسب الوضع .. ثاني شي دخول التايب في الشوط الثاني >> اذا كان التايب يقدر يلعب ليش مايدخل اساسي او يدخلونه بدري (( واعتقد شفنا كيف اثر في الفريق بتصليحاته ولعبه وهدفه )) ونفس الكلام ينطبق على الشلهوب .. مع ان والده متوفي (( الله يرحمه )) لكن الضروره واحتياجنا له المفروض تجبرنا على اشراكه اساسي او ادخاله بدري .. ثالث شي واعتقد انه اكثر شي قهرني هو حضور الجمهور الكبير ودعمه وتشجيعه للاعبين .. والنتيجه ماردوا اللاعبين الجميل للجمهور .. (( والله لو اني لاعب وكل هذا الجمهور حاضر عشان فريقي والله احرق نفسي حرق )) ونفس الوضع صار يوم مباراتنا مع الكويت الكويتي في استاد الملك فهد قبل كم شهر .. ورابع شي هو المفرج.. مع احترامي له وش كان يحتري يوم كان يمشي مع اسماعيل مطر وش كان يفكر فيه !! خطأ واحد ممكن يكلف الفريق الخروج من البطوله او الخساره .. وهنا اقول للاخوان اللي يدافعون عن المفرج معليش مالكم حق واحنا لازم نحل مشكلته ونناقشها بدون اي تجريح او غلط عليه لان غايتنا هي في النهايه الافضل للهلال مو الاساءه للمفرج .. وخامس شي هو معقوله نلعب مباره زي ذي في بطوله كبيره بلاعبين اساسيين وواحد منهم هو المحترف الاجنبي .. وين اللاعب العالمي وين اللي بجيبه ... (( وين التخطييط السليم )) تساؤلات تنتظر اجابات وافيه .. |
سلم لي على برونو حقهم الحلو .. جايبنه يكشخون فيه الظاهر |
للاسف وين برونو ... وش فايدته !! الله يسامحهم بس |
الله يكون بالعون بس |
مشكورين اخواني على المرور |
يارجال وش نقول ووش نخلي |
قهررررررر والله قهرررررررررر أنا نفسي اعرف وش كان يفكر فيه المفرج وهو يمشي جنب اسماعيل .. والقناص للاسف خذلنا .. ليش ياياسر ليش في كل مباراة مصيريه تخذلنا .. والله انك غالي بس قهرتنا اليووووووم .. تكفووووون ياادارة نبي حل .. الزعيم صار يخذلنا في كل مباراة مصيريه والبطولات صارت تروح من الزعيم واحنا واقفين مكتوفين الايادي .. الله يكون في العون .. |
إقتباس:
مشكور ياخوي على الموضوع وياما حتشوف غرائب وعجائب اصبر اصبر وتشوف |
صادق اخوي لكن لاحياة لمن تنادي الله يعين وعلى درب النصر سائرون وضاعت بطولات الهلال |
لا تقول ليش وليش وليش لانها ماراح تنفع المباراه خلصت وطلعنااااااا من اسيااا اخ بس ياليت ما يستمر حال الفريق كذااا |
يعني بجد برونو ذا وش فايدته والله لو الفلوس اللي اندفعت فيه وجددنا مع رودريجاو الغبي كان ابرك |
الهلال ولله في خطر والسبب التخبط الاداري مافيه لاعبين اجانب ولا فيه اعاراة ولافيه انتقالات مثل الناس ولله الهلال يحتضر والله يستر من الجاي |
مع محمد بن فيصل مش حتقدر تغمض عنيك |
برونو يبون يشخصون فيه بمباراة الحزم |
نـــورتوا الموضوع بــوجودكم .. تحياتي |
الوقت المعتمد في المنتدى بتوقيت جرينتش +3.
الوقت الان » 09:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd