هذا سبب الخسارة وأتحداكم...لو المدرب !!! - نادي الهلال السعودي - شبكة الزعيم

شــاهــيــن · #1 27/09/2007, 04:29 AM

سلاااام

هاردلك

كلمكم مستغربين وتقولون ليش خسرنا

أنا أقول لكم

أول شي كم تغيير طرأ على تشكيلة الفريق ؟؟

الزوري مكان الخثران والخثران مكان الغامدي والغامدي مكان التايب والذياب مكان الشلهوب والتمياط مكان الصويلح

والشلهوب والتايب برى

أنا دخت وأنا هنا وشلون اللاعبين

يعني قلب أم الفريق فوقاني تحتاني

لو إنه لعب بالصويلح من البداية جنب ياسر

وبالوسط نواف وواحد من الإثنين التايب ولا الشلهوب (إذا ماكانوا جاهزين) على قولهم

والدفاع الرباعي المعتاد

وإذا يبي يبدل في الشوط الثاني يبدل بين التايب والشلهوب

أخخخخخخ لو أصير أنا المدرب

أتوقع مايبيلها صناعة صاروخ

لكن قدر الله وماشاء فعل

وش رايكم

طيار هلالي · #2 27/09/2007, 04:31 AM

بالعكس الخثران موقعه الأساسي ترى محور
والذياب موقعه الاساسي وسط أيسر
التميـاط من قال انه مكان الصويلح لا التمياط خلف ياسر يلعب

التايب والشلهوب معروف ما يقدرون يلعبون من بداية المباراة

المدرب تحركاته ممتازة والدليل كل التغييرات جنت ثمارها مو مثل مدربينا أول الي الخصم يتقدم علينا ويطلعون مهاجم ويدخلون مدافع

رائع · #3 27/09/2007, 04:32 AM

ماكتب الله التوفيق لنا

B@NDER · #4 27/09/2007, 04:33 AM

مدري المدرب وش يبي

من الربع ساعة الاولى متاخر بهدف

وماسك التائب والشلهوب على دكة الاحتياط ليه؟؟

شــاهــيــن · #5 27/09/2007, 04:37 AM

إقتباس

الرسالة الأصلية كتبت بواسطة طيار هلالي


	بالعكس الخثران موقعه الأساسي ترى محور والذياب موقعه الاساسي وسط أيسر التميـاط من قال انه مكان الصويلح لا التمياط خلف ياسر يلعب التايب والشلهوب معروف ما يقدرون يلعبون من بداية المباراة المدرب تحركاته ممتازة والدليل كل التغييرات جنت ثمارها مو مثل مدربينا أول الي الخصم يتقدم علينا ويطلعون مهاجم ويدخلون مدافع

أنا أقول لو إنه لعب بواحد من صناع اللعب الأثنين ياالشلهوب ولا التايب

على الأقل لو إنه لاعب بخطه هجوميه زي الأوادم وجايب قووول وبعدين يدافع زي مايبي

قل لي من اللي ميوله هجوميه من ال11 لاعب غير ياسر والتمياط ؟؟؟

أقنعني ياذكي

ولا تقولي إن الخثران كان محور قبل 10 سنين

سي يو حبيب البي

شــاهــيــن · #6 27/09/2007, 04:40 AM

إقتباس

الرسالة الأصلية كتبت بواسطة B@NDER


	مدري المدرب وش يبي من الربع ساعة الاولى متاخر بهدف وماسك التائب والشلهوب على دكة الاحتياط ليه؟؟

داسهم للمباراة النهائية

ليفربولي & هلالي !! · #7 27/09/2007, 04:42 AM

والله الخثران اليوم مبدع في المحور

والغامدي مايصلح وسط أيمن

وصراحه مفروض يخلي شوط للشلهوب وشوط التائب

شــاهــيــن · #8 27/09/2007, 04:50 AM

إقتباس

الرسالة الأصلية كتبت بواسطة ليفربولي & هلالي !!


	والله الخثران اليوم مبدع في المحور والغامدي مايصلح وسط أيمن وصراحه مفروض يخلي شوط للشلهوب وشوط التائب

حنا ما نقول أبدع ولا ما أبدع

حنا نقول ليش مالعب كل لاعب في مركزه؟؟

وش حادنا على اللخبطه اللي مالها داعي؟؟

يعني لو كان في مركزه كان سلمنا من الزوري

شــاهــيــن · #9 27/09/2007, 05:07 AM

إقتباس

الرسالة الأصلية كتبت بواسطة رائع


	ماكتب الله التوفيق لنا

التوفيق قدام إن شاء الله وكل دقه بتعلومه ..

هلاليه وقلبي ازرق · #10 27/09/2007, 05:35 AM

عدم التوفيق من الله ثم الحظ هما من هزم الهلال

والا الهلال لاعبين كويس ومسيطرين ع اللعب مرره

واعتقد الكل شاف انه من هجمه وحده جاهم هدف

واليوم الحظ معاند الفريق والدليل البلنتي والفاول اللي في العارضه وهجماااات كثيره

بس الخيره فيما اختاره الله

L E A D E R _ 9 · #11 27/09/2007, 05:41 AM

تبوووووووون العلم عاد المغربي نادر الحارس حقهم مدنبش الباب وبس ههههههههههههههههههههه

دودوود الهلالي · #12 27/09/2007, 05:50 AM

إقتباس

الرسالة الأصلية كتبت بواسطة رائع


	ماكتب الله التوفيق لنا

بعدين الفريق كلو كان رائع طبعاً ماعدا فلتة زمانو الاخ فهد المفرج
الغلطة الوحيدة للمدرب هي عدم وجود الصويلح بجانب ياسر من بداية المباراة لان الفريق يعتبر مهزوم في المباراة الاولى وكان لابد ان يهاجم من بداية المباراة . لكن

قدر الله وماشاء فعل

دودوود الهلالي

شــاهــيــن · #13 27/09/2007, 07:00 AM

إقتباس

الرسالة الأصلية كتبت بواسطة هلاليه وقلبي ازرق


	عدم التوفيق من الله ثم الحظ هما من هزم الهلال والا الهلال لاعبين كويس ومسيطرين ع اللعب مرره واعتقد الكل شاف انه من هجمه وحده جاهم هدف واليوم الحظ معاند الفريق والدليل البلنتي والفاول اللي في العارضه وهجماااات كثيره بس الخيره فيما اختاره الله

الحظ لعب دور

لكن المدرب مقصر باللخبطه اللي سواها في اللاعبين ونكبهم

بنت الزعيـــــم · #14 27/09/2007, 07:05 AM

انا ماقهرني الا المفرج والعنقري والزوري

اما باقي اللاعبين ماقصروا

abuanwar · #15 27/09/2007, 07:13 AM

عدم التوفيق من الله ثم الحظ هما من هزم الهلال

والا الهلال لاعبين كويس ومسيطرين ع اللعب مرره

واعتقد الكل شاف انه من هجمه وحده جاهم هدف

واليوم الحظ معاند الفريق والدليل البلنتي والفاول اللي في العارضه وهجماااات كثيره

بس الخيره فيما اختاره الله