|
ابشركم افطرت اليوم,,آآآه وينك ياثنيان وينك ياغشيان وينك ياسامي وينك ياتيماوي وينك يابوثنين][ياسرعرفت الأستعراض والتطبيل وش يسوي][؟؟ الله يعفوا عنا .. والله العظيم اني من زمان ما تنفرزت بمثل هالشكل اول مره اشوف الهلال ضايع ما يدري كيف يصنع فرصه والله العظيم اني احاول استوعب نفسي كيف فريق مسيطر على المباراه ولا يقدر يجيب قول .. يالله التوفيق ويالله لك الحمد بالقضاء والقدر .. اعرفوا شي واحد ان اللي صار كله عقابا ً لنا من الله سبحانه وكله بسبب التفرقه بين الناس .. وتهميش اخوانكم المسلمين مهما قالوا جهالهم تدرون ؟؟ انا طبعا ً مغترب ولا عندي وسيله اتفرج في المباراه الا ثنتين .. يا البالتوك والبالتوك خلاص شطبت عليه بعد ان تولى كم واحد الاشراف في الروم وصارت الدعوه احزاب وشوفة نفس .. والطريقه الثانيه اللي اتفرج فيها عن طريق jumptv.com وهي اشتراك بنفس سعر البالتوك وتقدر تفرج في نفس الوقت بأكثر من عشرين قناه .. المهم ان كل قتاه لها شات جنبها .. وكنت اتفرج في قناة ابو ظبي الرياضيه ومعنا اماراتيين كثير .. فيهم الجاهل وفيهم النصراوي وفيهم اللي يرفع الضغط وفيهم العاقل .. بس قبل المباراه بساعه يمكن كان فيه كم هلالي استغرب منه تصرفه مع العلم انه من نفس طينة اكثر من واحد هنا .. جعل من الهلال بتاريخه فريق لا يقهر وهو يظن انه التاريخ هو اللاعب الـ12 للفريق رد عليه واحد اماراتي وقال له بذوق (ما جعلني اشجع الهلال بعد الوحده الا تاريخه) ولكن الذي نراه هلال زمان .. ليس هلال الثنيان والغشيان والتيماوي وابو ثنين سامي .. وبدت المباراه وفي اثناء المباراه قال المعلق هذا الهلال فاقد للنعيمه الى الأن ومع الوقت وبدأ الشوط الثاني ردد وكأنه عارف بوضع الفريق قال كان هناك لاعبين كبار في الهلال وذكر منهم الثنيان والتيماوي وابو ثنين حتى المسعري قاله وسامي .. اقسم بالله العظيم اني على طول تذكرت الاماراتي اللي قبل شوي .. قارنت على طول الوسط الموجود الأن والوسط اللي كان .. اقسم بالله ما كان الهلال في فتره من فتراته يعتمد على لاعبين اجانب في الوسط .. كان هناك منتخب عربي وليس مجرد نادي .. كان هناك خط دفاع يحمله لاعب واحد على متنه ولاعب لا يقارن بالموجودين في الكره العربيه الان وزمان .. صالح النعيمه والان تفاريس وهو لاعب اجنبي وسيرحل بعد اشهر .. والمفرج الذي كان احتياط حتى تعدا عمره الـ 28 (ربيعاً) بعد سجن عبدالله سليمان .. لي في خط الدفاع حديث طويل .. ولكن دعونا نرى ماذا ستفعل الأداره .. وماهي حكمتها بعد هدفها الأول الذي فقد بسبب (تعادل) وليس هزيمه واستهتار في المباراه الأولى .. اعتقد اننا ادينا مباراه كبيره .. نجمها الأوحد نواف التمياط وعمر الغامدي والصويلح .. وبالتووفيق للزعيم في بطولة الدوري .. ولكن لي نصيحه للأداره اذا تريد اسيا مره اخرى حتى لو انها لن تستمر لأنها اعتقد انها هلاليه وستدعم الفريق بعد استقالتها .. اذا اردتم الدوري والعوده لأسيا .. انظروا لفريقكم بأكثر من منظار .. ومن الأن وليتكم اخذتم من ماضيكم عبره ودروس .. ولكن .. (التاريخ) لا يلعب اثناء المباراه :no: |
متى يعيدون باب الحاره |
^^ رح ارقد امك تقول لا تأخر :d |
غيث الخروج الكل يتحمله مسألة انك تحمل المفرج لا الهدف جاء بعد تقدم تفاريس يعني المفروض اللي يغطي بدال المفرج العنقري بحكم ان اللاعب من الجهة اليمنى ثانيا من يتهم المدرب فـ هو ..... الشلهوب صعب جدا انك تلعبه وبالنفسية ذي التايب ايضا يعاب عليه فقط اشراك الذياب كان من المفترض الهجوم ووضع الخثران وسط ايسر ياسر عليه علامة استفهام الفريق اليوم ماكان بالمستوى المطلوب ككل أتمنى النظر للبطولات الجاية عل وعسى ان تكون احدى البطولات هلالية كل الشكر لك |
التاريــــخ لايلعب أثناء المباراة ولكن عقدة التاريخ تزال موجودة |
قدر الله وما شاء فعل. |
واقول وش قاعد تقول انت ياخي لعبنا اليوم لعب يمكن اطلق مبارات لعبه الهلال في هالبطوله بس ربك ما وفق ربك ما كتبها لنا ياخي لازم تقتنع ان الكوره فوز وخساره واذا لم يحالفك الحظ والتوفيق ما راح تفوز لو تحفر لو معك اطلق لعيبه فالعالم المدرب اخطاء في عدم وضع صانع لعب في بداية المباراة المفروض يخلي الشلهوب الشوط الاول والتايب الثاني او العكس مو يتفرج على المباراة ويدخلهم في منتصف الشوط الثاني والهلال يحتاج لهدفين للفوز تقولي المفرج هو سبب الهدف الجهه الي جاء منها الهدف جهة تفاريس اخينا في الله صاير مهاجم متراجع وايضا! عزيز بنسبة 50 % لانه مهمته مراقبة إسماعيل على العموم الف مبروك للوحده عقبال التاهل للعالميه <-- مع ان مافيه امل الا ذا كان فيه حظ مثل حظهم اليوم |
ياسر لم يحسم أي نهائى للهلال لكن مع المنتخب يبدع ومع الفريق مستواه في هبوط مخيف وبالنسبه لضربه الجزاء كل العالم عارفين وين الزاويه اللي راح يسدد فيها ويبدو أن كان غير جاهز نفسيا" وبالنسبه لمستوى الفريق حتى لو فاز اليوم صدقوني صعب يواصل لأن نصف الفريق أنصاف لاعبين ومعروفين ...........لكن عليه العوض ومنه العوض والحمدلله على كل حال |
صاحب الموضوع وربي كلامك عين العقل وكل اللي ردوا اللي فوق تلاقهم مواليد 1412هـ ويحبون القصات والسكسوكه يحابهم للموضات بالله كم ياسرلعب نهائي وكم حققنا بطوله مع ياسر الكاسر القناص |
إقتباس:
اتووقع تنـ ع ــاد 3 العصر <<الحقيقهــ افضل من موضوعكــ الحين يااسر ماسووى شيئـ..؟؟ ههههــ نسيت وش سووى ياااسر للهلال الظاهر تعرف ماله داعي اذكركــ والحين يااسر همهــ الأستعرااض واكثر وااحد يستاانس من استعرااضه انتــ |
اذا اعتزل ياسر تعالو وتندمو على تاريخه مع الهلال |
إقتباس:
|
صدقت في كل كلمه ياسر ليس لاعب حسم والمبارايات الحاسمه يضيع فيها ولا يتحمل الظغط الجماهيري ولايهون مخرج 17 واداري لايفقه اي شي في مناقشة المدرب هالاحمد وجه النكبه وابونيااااااان الفاشل وخسارة الملايين والخثران لو يصفي حساباته ويعتزل هو ومخرج 17 والنعقري نبي ريس يهمه في المقااااام الاول الزعيم ولاغيره ويصرف على النادي بلاعود بلاهم نبي فريق ينشد فيه الظهر ياكل الفرق اكل مش فريق خوااااف حتى على ارضه حرااااااام هالجمهور يحضر لفريق ولاعبين لايقدرووون الشعااااااار اللي يلبسووونه الا التايب والشلهوب وعزيزوتفاريس فقط والبااااااااقي ؟؟؟؟؟؟؟؟؟؟؟ |
إقتباس:
لن يعود الزمان للوراء فالثنيان اعتز حامل آخر كأس آسيويه ليته يعود ..!! :cry: |
والله أنك صدقت ياخوي غيث |
| الوقت المعتمد في المنتدى بتوقيت جرينتش +3.
الوقت الان » 12:17 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd