المفرج يعاتب الجماهير والقحطاني وبأعلى صوته يقول : لاتحطونها فيني أسألوا انفسكم !!1 - نادي الهلال السعودي - شبكة الزعيم

كريم الهلال · #1 27/09/2007, 01:24 AM

السلام عليكم 000

والله انه شي يضيق الخاطر بس وش نقول الا قدر الله وما شاء فعل 000

ولكن فيه امور ناشبه بحلقي ودي اقولها 000

1ـ جمهور الرياض ودي ترتاحون في بيوتكم والله ان وجودكم مثل عدمكم ولاحس ولاصوت

جمهور الوحدة خمسين واحد نسمعهم وانتم بس صوت الفصفص بين سنونكم000

واكبر دليل على سلبيتكم ان الهلال آخر سنتين يقدم مستوياته الحلوة خارج الرياض واقرب مثال

بطولة الخليج العام الماضي في الرياض طلع برى مع الشكر والسنة ذي ابدع في قطر000

2ـ أما الاعبين فحدث ولاحرج وحط راسك تحت الدرج 000 الله يخلي عزيز والتايب000

الشوط الاول كأنهم يسحبون برجليهم اسطوانات سرندل 000 ولا لاعب يركض واتحدى قطرةعرق نزلت منهم000

ولا عندهم فكر كروي يعني المدافعين كلهم طوال والمهاجمين عندنا قصار وما شاء الله نص لعبهم كرات عرضية

3ـ بصدق بصدق الزوري وش عنده من اساسيات الكورة 000 أبطأ لاعب شفته وهذي لازم تكون أهم صفة في الظهير

والله ان أحمد الجري أفضل منه بكثير ولكن ماعندك يا أحمد واسطة مسكين مثلي 000

4ـ ماراح أحمل المفرج الخسارة لأنة ماقال للقناص عليك والماصورة وكثرة اللف بالكورة دوخهم بس00

ولا قال للتمياط اركض اركض اركض خل الجماهير تقول ماشاء الله نشيط الرجال 000 ولاقال للذياب خل عينك بالجماهير

تراهم يعضون 000 ولا قال للعنقري متر الملعب شف من الاكبر ملعبنا ولا ملعبهم000

ولا قال للغامدي اي كورة تجيك طح وضف راسك يعني لو لحقتها كان ماسلموا مني000

أما أنا أقول يالمفرج ماعندك شغال الا الريوس ما شاء الله عليك راجع ورى من نص ملعبنا مابقي عليك الا الشبكة

لكن مطر خاف عليك لاتنشب ويضطرون لقص الشبكة وتتأجل المباراة000

5ـ خالد عزيز مع السلامة نشوفك ان شاء الله في بطولة الخليح اللي اصبحت اكبر همنا واتمنى نستعد لها في

ابو ظبي ونأجل نص مباريات الدوري عشان نروي ضمانا ببطولة خارجية000

6ـ اما المدرب يلعب وهو ضامن الفوز على باله انه يلعب مع ام صلال 000 تأخر في التغيرات كثير المفروض

دخل التايب مع بداية الشوط الثاني ==> لاتقول مصاب مادام احتياط يلعب 000

والله يا اخوان ماقلت كلامي الا من القهر 00على فكرة جميع الفرق اللي مشاركة في البطولة اي كلام

وباستطاعة الزعيم ان يتجاوزها بكل سهولة لكن فية شي غلط في الفريق والدليل مستواه في الامارات

افضل بكثير من عندنا وأعتقد انهم كانوا ضامنين الفوز ولاحسوا بالخطر الا آخر المباراة 000

عموما والله مالي نفس اتابع مبارياتهم في الدوري لأن طموحنا بالعالمية ضاع ضاع000

مشاعر هلالي · #2 27/09/2007, 01:31 AM

هجوم غير مبرر على المفرج

ليش ماتهاجم ياسر ؟؟؟؟

مو اللي ضيع البلنتي؟؟؟

عالعموم نتمنى التوفيق للهلال في المهمات المقبله

H-CrAzY · #3 27/09/2007, 01:35 AM

يا حبيبي التايب والشلهوب غير جاهزين للمشاركة في المباراة ..

والا مستحيل يكونو جاهزين وما يشركهم المدرب من البداية ..

وخذها مني بعد ...

بكرة في الجرايد والا في المنتدى بتقرأ خبر عودة الاصابة للتايب ..

وهو ما شارك الا حوالي 25 دقيقة ..

وتذكر كلامي ..

^-abode^- · #4 27/09/2007, 02:24 AM

[quote=مشاعر هلالي;6362695]هجوم غير مبرر على المفرج

ليش ماتهاجم ياسر ؟؟؟؟

مو اللي ضيع البلنتي؟؟؟

والله انك مانت فاهم شئ بالكورة هجوم غير مبرر المفرج بهدف اسماعيل اللي يشووفه يقول يتمشى بالفيصلية اعتزل يامفرج أريحلك

أما عااد عن يااسر القحطااني فيا حبيبي ماااردونا وبيليه ضيعوا بلتنيات

شكلك مااتفهم بالكورة شئ يآآخي وش راايك تشجع النصر وتحضر مبااارياات مثل جمهور النصر دليل انهم مايفهمون كورة

مشعل العبدالله · #5 27/09/2007, 04:16 AM

إقتباس