بعد أن هدأت نفسك..أرجوك أبتسم فأنت لازلت تشجع الهلال....!!! - نادي الهلال السعودي - شبكة الزعيم

الهلالاب · #1 27/09/2007, 04:36 AM

بسم الله الرحمن الرحيم

الأخوة الاعزاء..

ياجماهير زعيم نصف الأرض..

يااغلى جمهور..

وياملح المدرجات

هل جربت أن تقول

الحمد لله على كل حال ؟

نعم قلها...

ليش ساكت

يااخي قلها الحمد لله على كل حال..

نعم الهلال خرج وطارت احلامنا للمونديال..

طارت كل أمنياتنا..

برضو أبتسم..

أنسيت قوله تعالى
(وعسى أن تكرهوا شيءً وهو خير لكم)

حنا بشر مشكلتنا نحزن لما يكدرنا ونفرح لما يفرحنا..

ولكن مانعلم وش حكمته رب العالمين؟

طيب يمكن رب العالمين جعل هالهزيمة مفتاح لإنتصارات قادمة..

حتى لو أخطأ المدرب في تشكيلته..أو أخطأ فهد المفرج أو الدعيع أو ياسر..

الله مااراد لنا الفوز..نقوم ونعترض؟

والله يااخوان اني اكثر حرقة على خروج الهلال..

ولاتحسبوني بارد من كلامي..

لكني ولله الحمد اتفائل حتى في اضيق الامور..

ياعالم فريقكم لازال زعيماً..

صدقوني الهلال يمرض لكن لايموووت

تفهمووون لايمووووووووووت

رسائل أوجهها لكل من:

1- ابو سلطان : بيض الله وجهك ماقصرت..ووالله مهوب هزيمة اللي تنسينا
جمايلك انت ووالدك

2- فهد المفرج: برغم تواضع آدائك..لكن ماقصرت واللي يفهم الكورة صح
يدرك انه مالك دخل في الهدف..

3-ياسر القحطاني: انت أمل الزعيم..تفداك البطولة بكبرها ..بس اوعدنا
انك ترجع ياسر الكاسر الحقيقي..

4-كوزمين:تشكيلتك كان لها سبب في هزيمة الهلال..مقبلين على اربع
بطولات فأجعل من اخطائك دروسا..

5- جمهور الزعيم في مدرجات الاستاد: الله يخليكم لنا وقسم بالله انكم ملح
المدرجات..وجمالها..لاتهزكم هزيمة..ولكم في عشاق ريال مدريد اقرب مثال
انحرموا من البطولات سنين وفريقهم زعيم اوروبا ولازالوا سند لهم..حتى حققوا
بطولة الدوري..

6- الاخوان في نادي الوحدة جماهير ولاعبين وادرايين..جماهير الزعيم الحقيقية
تقول لكم الف مبروك يااصحاب السعادة..ولانرضى لكم الا نشوفكم رافعين الكاس
بإذن الله تعالى..فأنتم من تمثلون الخليج بأكمله وفقكم الله لما يحبه ويرضاه

ختاماً

اذكروا هذا اليوم وهذا الموضوع وهذا اليوزر
بيجي يوم من الايام وبرفع الموضوع..وحنا نحتفي
بالبطولات القادمة..واذا ماخاب ظني..فأتوقع
ثلاث بطولات قادمة هالسنة هي للزعيم..

واللي بيضحك ويستهزأ حلال عليه وخذ راحتك

لاتنسى
الحمد لله على كل حال