21/01/2002, 12:11 PM
|
زعيــم نشيــط | | تاريخ التسجيل: 06/08/2001 المكان: الرياض
مشاركات: 524
| |
قصة واقعية لشهريار 2000 ........!!! هذه قصة واقعية جرت أحداثها في هذا القرن
كان يا ما كان في حديث الزمان
شخص والذي سوف أرمز لأسمه بشهريار
هذا الشهريار رجل بسيط مستور الحال لكن يوجد عنده عيب واحد فهو إنسان (( ملول )) يعني بمعنى أدق كنه (( بزر )) يطفر بلعبته شوي ثم (( يذبها )) ..!!
طلب من عائلته يوما من الأيام البحث له عن شريكة لحياته فهو شاب قادر على البأة ويريد أن يكمل نصف دينه ...!!!
بحثت والدته عن بنت الحلال التي طلبها ولدها وهو بالمناسبة لم يحدد شروط تعجيزية لمواصفات تلك الفتاة بل أعطى والدته الحرية الكاملة لإختيارها
المهم تم الزواج وعاش هذا الشهريار فترة من الوقت مع هذه الفتاة وطبعا كما ذكرت سابقا إنسان ملول وأول خطأ صدر منها (( صفقها )) بالثلاث يعني طلقها ...!!!
تزوج ثانية وثالثة ورابعة وهو شغال زواج وطلاق زواج وطلاق . . . . .!!!!
وفي يوم من الأيام خطبوا له فتاة من أحسن فتيات الحي جمالاً وخلقاً بنت متربية أحسن التربية يتمناها شباب الديرة كلهم بس هي تشاور ...!!!
خطبها شهريارنا وطبعاً أهل البنت عارفينه رجال مزواج ومطلاق بعد المهم قالوا له خير إن شاء الله نبي نشاور البنت ونرد عليك ..!!
المهم شاوروا البنت وجتهم المفاجأة اللي ما كانت على البال والخاطر ... البنت وافقت حاول معها .. قالوا لها تعرفين إن هذا الشهريار رجال يعرس ويطلق وأنه كيت وكيت ... ما خلوا شيء !!!
قالت ما (( يخالف )) أنا موافقة عليه ... ضاق صدر الأب والأم قامت تتحسر على بنيتها وعلى بختها المايل ...!!!
تزوج شهريار بشهرزاد وأسمحوا لي أسميها شهرزاد وعاش معها فترة وتعرفون أبوطبيع ما يخلي طبعه ... حاول يمسك عليها شيء عشان يطلقها ما لقى شيء ..!!
شهزاد كانت خادمته بعيونها وماتقصر عليه بشيء .. وكانت من عادتها قبل مايطلع من البيت تقول وش تبي أسوي لك اليوم على الغداء .. ؟
في مرة من المرات (( تفتق )) ذهن هذا الشهريار على خطة جهنمية تجعل هذه الشهرزاد ((تخطيء)) ويصيده عليها ثم يطلقها ....!!!
قام شهريار يوم الأيام من فراشه (( بخفه )) وحذر بدون ما تشعر به شهرزاد وطلع من البيت وهذا أول مرة ما تسأل عن غداه اليوم ... (( تشقق )) شهريار هالحين مسكت عليها شيء !!
قامت شهرزاد من نومها مذعورة .. ياربيها وش أسوي هالحين .. لكن هالشهرزاد طلعت ((مصيبة)) لقت الحل بسرعة ..!!
راحت لجاراتها وقالت لكل واحدة منهن تسوي لها غداء شكل يعني مثلاً وحدة تسوي جريش والثانية مرقوق والثالث مطازيز وهكذا ...!!
وقبل مايجي زوجها من الدوام جابن هالجارات السنعات كل اللي طلبته . . وكان آخر وحدة جايبه معها (( بزرها )) قام ذا البزر وأنتم بكرامة (( وز..)) على الفرشة تفشلت أمه وتأسفت لها .. قالت شهرزاد عادي بس بسرعة روحي قبل يجي زوجي من العمل وكانت حزته في الجيه
جابت شهرزاد كرتون وشالت (( الز...)) وحطته بالزبالة . . وكان مع دخلت زوجها والإبتسامة الصفراء على محياه ...!!!
قال بسرعة وين الغداء . . قامت شهرزاد وجابت الغداء وكان (( مرقوق )) .. قال من قالك إني أبغى مرقوق ... أنا أبغى (( جريش )) قامت وجابت له جريش . . قال أبغى معه مطازيز قامت وجابت مطازيز . . . المهم شهريار ثار بعصبية وبان عليه القهر . . . وصرخ بقوة ...
وقال أنا أبغى (( ز....)) قالت بس غالي والطلب رخيص .. راحت للزبالة وطلعب (( ز..)) البزر وقالت له تفضل ....!!!!
أحمر وجه شهريار وأزرق وأخضر وجميع ألوان الطيف من الفشيله والخجل ... ومن عقبها تأدب وعاش معها سنين طويله ورزقهم الله (( ببزران واجد )) ...!!!
فهذه الشهرزاد فعلت ما عجز عنه اللي قبلها ... وأنا أقف لها إحتراما وتقديرا فهذه الزوجة الكل يتمنها ... !!
ورأي الخاص ((( حسافه والله عليه ))) ....!!
THE END
اخر تعديل كان بواسطة » جاكم الذيب في يوم » 21/01/2002 عند الساعة » 12:19 PM |