|
السلام عليكم اول شي الف الف الف مبروك (ولو انا تعودنا على التباريك عسى الله لايغير علينا) ثاني شي بغيتكم تقولونلي وشو رايكم بمحمد النزهان الي يلعب في مركز غير مركزه ويأدي دور كبير جدا وحسن العتيبي الي قاعد بالاحتياط صارله سنه تقريبا وانقذ هجمه في اخر المباراة كانت راح تصير هدف وشكرا ------------------ مع ارق التحيات لكل هلالي |
الله يبارك فيك ...... بالنسبة لمحمد النزهان لاعب مكافح يطمح انه يقدم اي شي للهلال ، ولكن الهلال يحتاج الى ظهير ايسر افضل وبستوى ثابت ... اما حسن العتيبي فغلطاته بعشرة.. |
النزهان لا عب جيد ياجماعه بس مهضوم حقه هذا اللاعب من اللاعبين الغير محضوضين اعلا ميا اتمنا له التوفيق والله ماهو اول مره يبدع ويقدم هلمستوى الرائع اتمنا ان يستمر على هذا المستوى شكرا |
أولا الله يبارك فيك بالنسبة لمحمد كلنا شفنا بثوب جديد هذا الموسم و هو مختلف هذا الموسم عن الموسمين الماضيين اللي شارك فيهم مع الهلال و بالنسبة لحسن العتيبي ، هو حارس مجتهد و مثابر ولكن يعاب عليه شيئين هو الخروج الخاطئ جدا و لو راجعت أهداف مسابقة كأس الاتحاد الاخيرة لوجدت أن أكثر الاهداف التي و لجت مرماه كانت بسبب الخروج الخاطئ و يعاب عليه أيضا الاخطاء القاتلة في المباريات المهمة وربما تكون هذه الاخطاء بسبب الرهبة . و لو قدر حسن يتخلص من العيبين اللي تكلمت عنهم ربما يكون أداءه موازي لأداء الدعيع . ------------------ خلك هلالي وأنا بوهلالي <font face="MS Dialog">تم تعديل الموضوع بواسطة بوهلالي (بتاريخ 05-01-2001) </font> |
في مباراة الأمس عشرة على عشره عموما النزهان يتطور مستواه باستمرار . العتيبي مافيه كلام لكن فعلا غلطته بعشره . ------------------ مسكين الي ما يحب الزعيم |
كلهم فنانين النزهان والعتيبي اللي اثبت انه ثاني أفضل حارس في المملكة..... ------------------ لالاتضايقونه النمر لاتضايقونه....... |
النزهان نكبة ثم نكبة ثم نكبة والدليل الهدف اللي جاء من خانته اما حسن فمن سوء حظه انه والدعيع بنفس الفريق وحسن 3 افضل حارس سعودي بعد الدعيع والنتيف ------------------ اذا لعب الهلال فخبروني فان الفن منبعه الهلال |
شكرا لكل الي ردوا وعطونا رايهم بس ابغا اقول لاخوي سامي الذئب النزهان قدم مستوى افضل من الموسميين الي فاتو وقدر يغطي مكان لطف هو صحيح انه يخطى بس مافيه احد مايخطي بهالكون وشكرا على رأيك ------------------ مع ارق التحيات لكل هلالي |
برأيي ان النزهان هو نجم المباراة و حسن ما قصر وسد بعض من الفراغ الذي احدثه الدعيع و لكن على الاقل فانه كان افضل من الخوجلي مستوى و(اخلاق) |
النزهان قلتوها يلعب في غير مركزه بس هو مجتهد والله يوفقه وبعدين لآتنسون انه صاحب اول هدف في كاس المؤسس اما الحسن العتيبي فهو حارس شاب واعد المستقبل قدامه ويحتاج بس الى توجيه واعتقد انه استفاد من غلطاته خصوصا في مباراة النصر فلم اشاهده يتقدم على الإطلاق واحارس بشر يخطئ وافضل الآعبين هم اقلهم اخطاء ------------------ ومسائكم ورد http://WWW.7LOO.COM/ |
النزهان يلعب في غير مركزه والآن أصبح هذا المركز مركزه وأبدع ونتطلع الى المزيد منه. والعتيبي لم يوفق بالأمس وكان يجيب العيد بس الله ستر. وشكرا لك ياأبوفيروز ------------------ ياكايــــدهم ياســـامي |
والله محمد النزهان ماقصر ومن أفضل الى افضل اما حسن شوى شوى علية ماتحكم الحين |
انا اقول لازم الهلال يجيب مدرب زي الناس عشن نحكم على النزهان وانا اشوفه مجتهد ويبغاله توجيه وبالنسبه للكبتن العتيبي فقد كان نجم المباراة. <IMG SRC="http://mypage.ayna.com/smile_time/Moon-02.gif" border=0> |
| الوقت المعتمد في المنتدى بتوقيت جرينتش +3.
الوقت الان » 10:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd