جاي من الشرقيه و.....تكفون!!! - نادي الهلال السعودي - شبكة الزعيم

الشلهوب10 وبس · #1 26/09/2007, 02:41 AM

السلام عليكم ورحمة الله وبركاته ...
انا ياجماهير زعيم نصف الارض جاي لملعب الملك فهد ان شاء الله ((الله لا يعوق بشر))....ولكن ما اعرف وين الملعب بالظبط ..اللي اعرفه هو انه اول ما ادخل الرياض بس من وين بالظبط ما ادري وياليت تفيدوني بالتوصيف الصح والقريب عشان ما اضيع وبعدين ما القا مكان في المدرج الهلالي ...... وان شاء الله بكره الفوز ...ياااااااااااااااارب.
دعواتكم...

هلالي الطايــف · #2 26/09/2007, 02:43 AM

الله يوفقك

وان شاء الله توصل بالسلامه

وعلى الوصف ان شاء الله اهل الرياض مايقصرون معك

بس الله الله في السرعه 140 لا تعداها وانا اخووووووووك

عاشق الزعيم!! · #3 26/09/2007, 02:43 AM

ياطويل العمر اول ما تدخل الرياض خلك ماسك كلمة وسط الرياض وامش معه وتلقى الاستاد عاى يمينك وفيه لوحات

بدر 14 · #4 26/09/2007, 02:55 AM

وانت جاي من طريق الدمام استمر لين تدخل الدايري الشمالي اول ماتدخل تنبه بيجيك مخرج ماادري والله وش اسمه

لكن يسمونه كبري الفحص

ادخل من عنده وخذ من تحته يسار واستمر طوالي بيجيك كذا دوار عديهم كلهم وبتشوف الاستاد واضح يسارك

عالموم يجيك احد يوصفلك احسن مني

احس وصفي لك عليه

وبالسلامه توصل اهم شي

ه..ل..ا..ل..هلال · #5 26/09/2007, 03:00 AM

ان شاء الله يساعدونك لأني مااعرف الطرييي هدر نروح جماعي فم اعرف...

تفاريس الشمري · #6 26/09/2007, 03:02 AM

الاستاذ يشووفه العمى اخووووي
وانت جاي بتشوف الزحمه وتعرف وقتها انك بجنب درة الهلال << درة الملاعب

الشلهوب10 وبس · #7 26/09/2007, 03:02 AM

يعطيكم الف الف عافيه ...على الردود وعلى التوصيف وان شاء الله بالتوفيق لزعيم نصف الارض.......
يارب يفوز الهلال يارب يفوز الهلال ونتأهل لدور الاربعه..يااااااااااارب ....ياااااااااارب.... يااااااااارب
مع السلاااااااامه.

T U R K I _ 15 · #8 26/09/2007, 03:04 AM

انت جاي من الشرقيه أكيد بتشوفه ..

قبل ما تدخل الرياض بـ 25 كيلو تقريبا بتجيك لوحه فيها أستاد الملك فهد ,,

وعلى فكره أصلا الاستاد واضح وضوح الشمس وانت جاي من طريق الدمام ..

لا تشيل هم الوصف لان الاستاد بيكون منور وواضح ..

alking 20 · #9 26/09/2007, 03:06 AM

جاي من ( القصيم ) لعيون الزعيم

هلالي@انتراوي · #10 26/09/2007, 03:10 AM

إقتباس


	انت جاي من الشرقيه أكيد بتشوفه .. قبل ما تدخل الرياض بـ 25 كيلو تقريبا بتجيك لوحه فيها أستاد الملك فهد ,, وعلى فكره أصلا الاستاد واضح وضوح الشمس وانت جاي من طريق الدمام .. لا تشيل هم الوصف لان الاستاد بيكون منور وواضح ..

^^^^^
ماقصر اخوووي ووصفلك

تاصل بالسلامه ان شاءالله ياغالي

وترفق بالطريق ولاتسرع

قمدان · #11 26/09/2007, 03:19 AM

تكفى انتبه من السرعة

عموما الاستاد واضح جدا وبتشوفه قبل ماتخش العاصمة

ليتك قلت لي كان خاويتك

هلالي صريح 00 · #12 26/09/2007, 03:24 AM

ماعليكـ يارجال انت اول ماتدخل الرياض راح تلقى مخرج الاستاد ومكتوبه بعد البوابات
توصل بالســلأامهـ

i L a L i }{ · #13 26/09/2007, 03:31 AM

قبل الرياض بــ 10 كيلو راح يجي لكـ مفرق الخرج والثمامة على اليمين اتركــه

بعدهـ راح يلف فيكـ الشارع

كمل سيدهـ

لين تشوف الملعب على يساركـ

عاد انت خلكـ على اليمين عشان تطلع من الكبري حق الفحص مثل ما قالوا الأخوان

وبتشوف على اليسار أستراحات

وفيه شارع كبير اسمه شارع الشيخ جابر على ما اعتقد

ادخل فيه

هو الشارع الرئيسي

توصل بالسلامــة

وترى نص الشرقية جايين للرياض

انا كنسلت روحتي لظروف خاصة

الله يوفق الهلال

(GERRARD) · #14 26/09/2007, 03:31 AM

توصل بالسلامه

الكبيتانو · #15 26/09/2007, 04:22 AM

الشباب ما قصرو والاستاد واضح وضوح الشمس ولا تشيل هم وانا اخوك
بس احضر مبكر ترى الشباب كلهم معزمين يروحون ...!!