|
تعالوا ندردش معكم يالمغتربين .. سوالف ومناقشات السلام عليكم ورحمه الله وبركاته .. كيفكم ؟ كيف الغربه معكم :cry:؟ ان شاء الله انكم مستانسين وفالينها .. الله ييسر امركم ويفرجها عليكم .:) المهم .. ===================== موضوعي يتمحور في ثلاث نقـاط .. وأرجو المشاركه فقط من المغتربين فقط فقط .. وارجو منكم يا اهل الغربه الرد على هذه المحاور .. ================== أولا / التقنيه وما أدراك ما التقنيه ,, - كم سرعه الاتصال عندكم ؟ - ماهي الاشياء التي استغربت من وجود هذه التقنيه ؟ - كيف الأسعار للمشتريات التقنيه ؟ بحكم الحرميه الموجوده عندنا .. - الاتصالات :upset: نبي نشووف الفرق ؟:rolleyes: ================ ثانيا / - كيفك مع العيشه هناك ؟:cry: - هل واجهت مصاعب ؟:cry: -هل واجهت مشاكل دينيه ؟:sick: ..أعانكم الله .:cry:. وكيفكم مع الدعوة للأسلام ؟:rolleyes: الله ييسر امركم .. ================ ثالثا / سؤال واحـد بس .. أطرف موقف مر عليك هناكـ ؟ في الدراسه في الشارع في أي مكان هناك .. حدثونا عن أول ما وصلت الدوله كيف كان الوضع ؟ وش المشاكل والطرائف التي تحدث معكم ؟! =================== في النهايه .. ما أقوول الا الله يوصلكم الى بلدكم سالمين غانمين s13s والى اللقاء ..s13s ملاحضه جاوب على اللي تراه مناسب لكـ وأنتظر تفاعلكم .. |
1) سرعة الإتصال عندي 256 ,,, وركبوه لي بعد ماطلبت بإسبوع ... وبــ 30 دولار إسترالي بالشهر = 94 ريال تقريبا ... 2) العيشة هنا من جد صعبة ,,, و أول شي فقدته هو صوت الأذان ... وبالنسبة للأستراليين فهم أكثرسوأل عن اللإسلام عندهم هو صحيح إن الرجال يقدر يتزوج عندكم 4 زوجات ....و هل هذا الشي قانوني .. 3) المواقف كثيرة و واحد منها في أول إسبوع دوام طلعت للأستيشن عشان أخذ الترين للكلية ...... و أركب ترين غلط ... و طبعا من زود الدجة دريت أن الطريق هذا غير الطريق الاول بس قلت في نفسي يمكن شوي و يديورون بالترين :) ويوقف ... و يمشي ... ومن ستيشن لستيشن .... وأنا أقول للحين ماديور ... إلا ماوصل إلا السيتي ... عاد قلت ما بدهاش وانزل وأغير الترين و و صلت الكلية الساعة 11.. و مشكور يا هلالي 1313 و آسف على الإطالة ... |
سرعة الاتصال عندي 265 2 سكنت عند العاله والمودم موجد عندها 3 انا والعائله متطاطين النص بنص يعني علي 500 ربيه مايساوي 50 سعودي في الشهر 1 العيشه حلو ومره اكيد المصاعب موجده بس الحمدالله كان وضعي كويس اما امشكله اللي ماله حال قلت المساجد في الهند الموقف كثيره واوله عندما خرجت من المطار وركبنا التكسي ومشنا شوي ولقينا زحمه غير طيعيه نزلنا نن نزلنا ننظر وش في لقنا الله يكرمك بقره تبول والهندوس جلسين يتباركون ببول البقره ومشكور ياهلالي |
أبشرك السرعه 540 ومادفعت ولا شي الحمدالله ساكن مع العائله وعندهم من زمان - أبشرك كل شي الحمدالله تمام ,, البلد مرررره غاليه وقاعد احاول ادبّر أموري قد ما أقدر ,, العائله مرررره يحترموني ونا احبهم ,,من ناحية الدين بقوللك شي تخيّل إني والله العظيم أشرحلهم عن دينهم ,,من جد مايدرون وين الناس رايحين يشوفوني أصلي و أصوم ومطيرين عيونهم ما اتكلملهم عن الاسلام الا اذا سالوني وهم كل شوي جايين يسألوني والحمدالله ما قد رديت بشي واتحسّفت عليه ,, ولا قد بينت إني احببهم فالاسلام لان منطق الاسلام لحاله يخليك تحبه - من أهم المواقف صار أمس بعد العشا إستغربت أم العائله دقة الباب تقوللي تقدر تسويلنا قهوه عربي و تعطينا شوي تمر , قلت ماطلبتي شي يا أم لوووك <<لووك ولدها الكبير ,المهم توني بروح المطبخ الا واسمع إزعاج حريم يمو طليت لقيت 13 حرمه بغى يوقّف قلبي وشلون بسويلهم الحين قهوه والدلّه ما تكفي الا ل 2 أو 4 ,, المهم طلعت القدر وسويتها وحطيت شوي فالدله وشوي في إبريق من عندها وخذت التمر ورحت قهويت الضيوف ,وعلى فكره هذا كلّه كان مصوّر فيديو وكلمه بالعربي و كلمه بالانجليزي حتى علمتها تصرخ من بعيد تقول القهوه يا ولد ,, وسلامتكم |
إقتباس:
أعانك الله ويسر أمـركـ .. أجل بعد أسبوع جاك الانترنت !:upset: الله ياخذهم هالاحتيالات ومشكور على تفاعلكـ:thumbup: |
إقتباس:
الله ييسر امركـ أجل هالهندوس يتبركون ببول البقرة ؟:eek: الحمدلله على نعمه الاسلام ..s13s وشكر لكـ:) |
إقتباس:
ماشاء الله .. الله يديم السعاده اللي انت فيها . وييسر امرك وترجع لنا سالم غانم .. اجل 13 حرمه !!! خخخخ:d والقهوة بالقدر :d من جد انت فلاوي s13s موفق .. |
السلام عليكم يعطيك العافيه على هالموضوع وما قصرت :) أولا / التقنيه وما أدراك ما التقنيه ,, - كم سرعه الاتصال عندكم ؟ الاتصال عندي 5 ميقا وجدا سريع ... يفتح معك الموقع بالنيه قبل ما تضغط انتر الاسعاء مناسبه جدا وادفع حوالي 50 دولار في الشهر ================ ثانيا / - كيفك مع العيشه هناك ؟:cry: العيشه الحمدلله تمااام ... صحيح في غربه وقلق ودراسه لكن الحمدلله اذا توفقت في ناس طيبين راح ترتاااح كثير والاهم من هذا كله ان اخوياك على نفس هواك :) - هل واجهت مصاعب ؟:cry: المصاعب الوحيده اللي واجهتها هي استخراج الفيزا و الاشتراك في الدش العربي هههههههه لانهم يحتاجون رقم مدني امريكي وطبعا اخوكم سعودي خخخخخخخخ ولا معي هذا الرقم -هل واجهت مشاكل دينيه ؟:sick: الحمدلله ما فيه اي مشاااااكل بالنسبه للمكان اللي انا فيه .. يوجد مسجدين ..أعانكم الله .:cry: ويييييييياك يا رب ومن يقرا وكيفكم مع الدعوة للأسلام ؟:rolleyes: ما أظن انه مكان مناسب للدعوه ولا أظن اني مهيئ للدعوه لكن اذا سنحت الفرصه ليش لا :) الله ييسر امركم .. وييييييييييييياك يا رب ================ ثالثا / سؤال واحـد بس .. أطرف موقف مر عليك هناكـ ؟ في الدراسه في الشارع في أي مكان هناك .. حدثونا عن أول ما وصلت الدوله كيف كان الوضع ؟ هو موقف خطير اكثر من انه مضحك :) كنت مع شباب ورايحين نختبر اختبار التوفل وكان الكلام هذا اول الاشهر تقريبا بعد اربع اشهر من تواجدنا في امريكا ... المهم كان واحد من الشباب يسوق والكل يقترح طريق اللي يقول يمين واللي يقول يسار ... حووووووسه :upset: المهم ... تلقف واحد من الشششششششباب وقال يمييييييييييييييييييييييييييييين وكانت الاشارة خضراء يعني تماااااااااام لكن :sick: تفاجئنا بقطار جاي من اليمين بعد ما لفينا :eek::eek::eek::eek: ربي الهم اللي يسوق انه يدعس ولا هو وقف لثواني قليلة ومر شريط الذكررررريات بس بعد ما دعس شوي وقف على اليمين على طول ونزلنا وكلنا جتني ام الركب :::معاني كلمات::: ام الركب: حالة يصاب بها الشخص عندما يواجه موقف مخيف وعنددها فقط تقوم الركب بالرجف ويصاب الشخص بعدم التركيز مع قليل من السعابيل هذا وصلى الله وبارك على محمد وشاكرين على هالموضوع الحلو :) |
والله في الغربة مافي شي حلو بس نقول الحمدالله والله واجهت مشاكل في السكن البلد حلو مره بس الشعب مره تعبان اوكرانيا |
أولا / التقنيه وما أدراك ما التقنيه ,, - كم سرعه الاتصال عندكم ؟ السرعه 9 ميجا وبالنسبة للاسعار انا ما ادفع شي للنت العائلة يتكفلون ثانيا / - كيفك مع العيشه هناك الحمد لله مرتاح مرة صحيح اشتقت للاهل بس ما يمنع اني استانس - هل واجهت مصاعب ؟:cry: الحمد لله ما واجهت اي مصاعب بس اول ما وصلت ماكنت متعود على الغربة هل واجهت مشاكل دينيه ؟:sick: ابدا ولله الحمد وكيفكم مع الدعوة للأسلام ؟:rolleyes: الصراحة زي ما قال احد الاخوان صعبه ثالثا / سؤال واحـد بس .. أطرف موقف مر عليك هناكـ ؟ في الدراسه في الشارع في أي مكان هناك .. حدثونا عن أول ما وصلت الدوله كيف كان الوضع ؟ بالنسبة لاطرف موقف هم هنا في كندا لازم تفصخ الجزمة\\الله يكرمكم\\عند الباب وانا ماني متعود على كذا في السعودية فكان اول اسبوع مرة صعب لهذا الشي اجي من الجامعة وادخل غرفتي وانا لابسها تشوف العائلة منهبلين والله يعين |
الله يوفقكم ويرجعكم سالمين غانمين حفظكم الله من كل شر |
السلام عليكم ادري اني خاشه عرض بس والله مت ضحك على/ إقتباس:
الله يخلف علينا DSL و بطئ بعد :upset: وبحكم ان الموضوع فيه نقاشات .. بسألكم بحكم خبرتكم بالغربه.. تأيدون الزواج مع بداية البعثه للدراسة ؟ يعني اشوف العالم هابه تزوج عيالها قبل مايبتعثون والسبب على قولتهم استر لهم وانا من رايي يمكن يكون اكبر خطا يرتكبه الشخص لانه بيسافر لوطن بعيد عن وطنه و زياده على كذا ماحوله اهل و جماعة ويمكن يشوف اشياء للمره الاولى بحياته يشوفها فما يقدر يتحكم على شهوات نفسه .. وتكون الضحيه هنا الزوجه..! كلامي مايعم الجميع..وهو وجه نظر لا أكثر ولا أقل اتمنى اشوف آرائكم بكل صراحه وتفاعلكم لان الموضوع جدا مهم وحساس دمتم بخير .. |
:cry:بصراحة الغربة مافيها شي حلو :no: :schmoll: :thumbdown بس ما نقول إلاالله يعين و الحمدالله على كل حال ...واجهت بعض المشاكل والله يعين:crybaby: :cry: والله مافي أحسن من :clapping: :thumbup:الديرة:thumbup::clapping::toot::toot: s13s s13s s13s |
والله موضوع راااائع يصف لنا حااال الغربة وانا من اهل الديرة ترااااا والله يفكنا من الغربة |
السلام غليكم انا مغترب في مصر بسبب الدن اللي اثقلتني السرعه عندي 256 باشتراك شهري 90 جنيه في الشهر وادعوا لي اني ارجع لوطني واطفالي مع التوفيق للزعيمفي جميع بطولاته |
الله يسر امركم لكن عندكم اجازه في الاعياد ومشكور |
هاااااااااااااي السلام عليكم اشحالكم ؟؟؟ شخباااااااااركم ؟؟ يا مرحبا الساااااااااع فيكم >>>>:D حبيت اسلم عليكم بس ورده |
إقتباس:
بصراحة الزواج قبل الابتعاث له سلبيات وفوائد ،،، وأكبر فايدة هو إحساس الطرفين بحاجتهم لبعض ... وكل واحد فيهم يعتمد على الثاني ... وهذا الشي يقربهم لبعض ويجعل علاقتهم في قمة الجمال والقوة. |
شباب ..,:surprised: انا قلت المغتربين فقط :naughty: يالله نبي سوالفكم .. منها نوسع صدوركم وتوسعون صدورنا:d ننتظركم من جديد:smilie47: |
إقتباس:
|
الله يعين الجميع وباذن الله ترجعون لاهاليكم سالمين غانمين |
سليمان الله يرجعك بالسلامه واطفالك انشاء الله انت واخوانا المغتربين جميعاً ويجمعنا بالجنة وياكم وكل مسلم يارب . الله يسهل عليكم امور حياتكم ويرزقكم ويوفقكم بإذن الله تعالى |
موضوع رائع من قلم مبدع والله يعين جميع المغتربين مع التحيه / مهند |
أولا / التقنيه وما أدراك ما التقنيه ,, - كم سرعه الاتصال عندكم ؟ 7.2 ميقا والسعر تقريبا ب 80 ريال - كيف الأسعار للمشتريات التقنيه ؟ والله الدول الاوربيه معروفه بغلاْ الاسعار ================ ثانيا / - كيفك مع العيشه هناك ؟:cry: الحمدلله تمام بس الشوق للاهل والوطن ذباح :( - هل واجهت مصاعب ؟:cry: لا ولله الحمد -هل واجهت مشاكل دينيه ؟:sick: اذا تقصد من ناحية اني مسلم وهم كفار لا والله ,,, لكن احتجت لكثير من الفتاوى لبعض المسائل اللي تمر علي وكيفكم مع الدعوة للأسلام ؟:rolleyes: يكون هناك بعض النقاشات والحمدلله السفارة موفره لنا مصاحف مترجمة اذا بغيت تهديها لاي شخص ================ ثالثا / سؤال واحـد بس .. أطرف موقف مر عليك هناكـ ؟ والله واجد اذكر مرة بنزل من الباص ونشبت لي عجيز تقول نزلني والدنيا ثلج المهم وامسكها وانا نازل وتزلق رجلي بالثلج واطيحها معي ولا خلصت من منافخها والعالم كله يناظر فيني :( حدثونا عن أول ما وصلت الدوله كيف كان الوضع ؟ والله اذكر اذا بدت تغرب الشمس كنت اروح ركض للماركت متعود عندنا عشان الاذان ههههههه بيني وبينك اذا وصلت للسعوديه وسمعت الاذان احس براحة نفسيه عجيبه وش المشاكل والطرائف التي تحدث معكم ؟! المشاكل اني اول ماوصلت كنت اتكلم بلغة الاشاره ههههههههههههه الله يبيض وجهك اخوي وشاكر لك دعواتك الجميلة ونسئل الله ان لا يحرمك الاجر |
أولا / التقنيه وما أدراك ما التقنيه ,, - كم سرعه الاتصال عندكم ؟ 1ميقا بايت وسرعته 100 في الثانيه وكل ما كبرت السعه زادت السرعه.. - كيف الأسعار للمشتريات التقنيه ؟ غاليه مره وتعتبر اغلى دوله في العالم ================ ثانيا / - كيفك مع العيشه هناك ؟:cry: والله تمام لكن الديره يكرهون شي اسمه اسلام والا اول يحبون المسلمين حب غير طبيعي لان في شيشان فجروا مسرح بأسم المسلمين وكان مهم حريم وكان كلهم متحجبين ولذلك خربت السمعه طبعا مهوب الكل يكرهون الاسلام لكن اذا كان يبغاك في مصلحه.. والعرب اغلبهم من الشام والعراق..الخ كلهم حراميه ويأكلون بعض في التجاره..الخ ... :( - هل واجهت مصاعب ؟:cry: والله مهوب مره -هل واجهت مشاكل دينيه ؟:sick: والله مهوب مره لان البعض يكون من المسلمين وتلقاه يستفسر مني ويقولون لي عندهم بدع غير طبيعيه منها بدعه الصفا والمروه...الخ اما الغير مسلمين فا مهوب مره يمكن يعني اكرر واقول ان السبب هم الشيشان اللي فجروا والا اول يحبون حب اما اللحين يكلمك بطرف خشمه وهذا بنسبه كبيره.. وزي ما تعرفون ان اللي ماسك الاعلام في العالم اليهود وهم بكثره يعرضون هذا البرنامج مصور (تفجير المسرح).. وكيفكم مع الدعوة للأسلام ؟:rolleyes: والله ما نقدر لان ما فيه احد يمثلنا من التجار وغيرهم وكلهم حراميه فا ماتقدر لكن انا بالنسبه لي اللي يبغا مني اعطيه اذكار..الخ.. ================ ثالثا / سؤال واحـد بس .. أطرف موقف مر عليك هناكـ ؟ والله واجد خخخخخخخخخخخخخخخخخخخ... كنا نلعب في الثلج حنا والشباب ومسوين فريقين وكان في حديده مغطييها الثلج وكان واحد قدامي ويتطاروحون علشان نوكله ثلج واجيك مشوت واشوت ام الحديده وانا ما دريت وتشوف قبعي طاير في السماء وثلجتي ظابطها وامصط على كرشتي وانواع الضحك.. :( حدثونا عن أول ما وصلت الدوله كيف كان الوضع ؟ والله كان فيه قروشه في الوقت كان في الشتاء نفس توقيت السعوديه اما في الصيف النهار عشرين ساعه والليل اربع ساعات بس وانا اذا جاء رمضان اروح لسعوديه واذا خلص رمضان ارجع لان النهار طويل... وفي الصيف طبعا في عصابه اسمها (نسكنهيد) هذي ما يجون الا في الصيف في يوم مولد هتلر اي واحد مو من اهل البلد الاصلين يقتلونه.. وش المشاكل والطرائف التي تحدث معكم ؟! والله الطرائف اني كنت اهجول في الديره مع واحد وما درينا الا في خشه(تفحيط) والمعزز غير هم بنت وحنا ولد ويا شنب حظرناها والله بدع الشنب خخخخخخخخخخخخخخخخخخخ يمشي عشرين في الثلج ويسحب جلنط عند الدوار ويأخذ نص لفه والمعززه تدهر تعزز له.. المشاكل انهم يعيشوون على البخشيش يعني كل شي بالبخاشيش... روسيا الاتحاديه(موسكووووووو) الله يبيض وجهك اخوي وشاكر لك دعواتك الجميلة ونسئل الله ان لا يحرمك الاجر |
بسم الله الرحمن الرحيم السلام عليكم ورحمة الله وبركاته الله يعطيك العافية على الموضوع اللي بصراحة كنا محتاجينه عشان نفضفض شوي ================== أولا / التقنيه وما أدراك ما التقنيه ,, - كم سرعه الاتصال عندكم ؟ أخوكم مغترب في الولايات المتحدة الأمريكية سرعة الاتصال 5 ميغا بايت سرعة التحميل بين 500 ك.ب الى 680 ك. ب تقريبا - ماهي الاشياء التي استغربت من وجود هذه التقنيه ؟ أولا سرعة توصيل الكيبل رحت لهم يوم الخميس العصر قالو بنجيك الجمعة الصباح قلت خلوها الاثنين لان عندي كلاسات الصباح ثانيا الاسعار تعتبر رخيصة 39 دولار امريكي شهريا مقارنة بالخدمة يا بلاش - كيف الأسعار للمشتريات التقنيه ؟ أنا أسكن في منطقة تعتبر بشكل عام رخيصة لذلك فالاسعار رخيصة ================ ثانيا / - كيفك مع العيشه هناك ؟:cry: اللهم لك الحمد نستعين بالصبر وبالصلاة الوضع مختلف جدا بس الحمد لله ربك ييسرها - هل واجهت مصاعب ؟:cry: بالطبع واجهت مصاعب خصوصا في التواصل مع الآخرين لأني متغرب من شهرين فقط فاللغة حقي باقي ضعيفة واجهت مصاعب في المطار عند مغادرتي من واشنطن إلى المدينة الموجود بها حاليا قابلت لي واحد من زنوج أمريكا شغال في المطار طبعا انتو عارفين أن السود في أمريكا لهم لهجة خاصة صعبة شوي يتكلم معي وأنا ما أدري وين الله حاطني فيه ما ادري وش يقول حتى تكلم معي واحد ثاني علمني وش يبغى أثاريه يبي الضريبة على الشناط حقي -هل واجهت مشاكل دينيه ؟:sick: لا لم أواجه أي مشكلة ولله الحمد وكيفكم مع الدعوة للأسلام ؟:rolleyes: والله وأنا أخوك إلى الآن لا أملك اللغة الجيدة لكي أدعو للإسلام لكن ولله الحمد أقوم بتصحيح الكثير من المعلومات الخاطئة عن الدين والمملكة بشكل خاص خصوصا بشأن المرأة وحقوقها وحريتها وتعدد الزوجات كنت متوقع مثل هالشيء لذلك مجهز نفسي ومجمع لي معلومات بشأن هالموضوع والحمد أكثرهم يقتنعون بوجهة نظري ================ ثالثا / سؤال واحـد بس .. أطرف موقف مر عليك هناكـ ؟ هناك العديد من المواقف لكن لا يحضرني حاليا أحدها حدثونا عن أول ما وصلت الدوله كيف كان الوضع ؟ مـــــــــــــــــــــــــــــــــــــــــــــرعب حسيت بالغربة أول ما صعدت الطائرة في مطار الملك خالد كنت أتوقع بأن الغربة شيء عادي لأني عشت بعيدا عن أهلي في المملكة لثلث سنوات لكن اكتشفت بأنها لم تكن غربة وش المشاكل والطرائف التي تحدث معكم ؟! المشكلة الكبرى حاليا اللغة لأن المدينة اللي انا فيها كلامهم صعب جدا بعض الشباب السعوديين هنا لهم أكثر من سنة ويعانون من هذه المشكلة لأن اهل المدينة شايفين أنفسهم ويكهرون الأجانب يعني ما يحتكون باحد لذلك تجد لغتهم صعبة كذلك لا يفهمون المتحدث =================== آسف للاطالة تقبلو تحياتي إدعوا لاخوانكم المغتربين بالثبات على الدين القويم فهم في أمس الحاجة لدعائكم فلا تبخلوا عليهم |
طيب ياشباب بالله تبغون ترجعون للديره ولاتبغون تطولون؟ |
| الوقت المعتمد في المنتدى بتوقيت جرينتش +3.
الوقت الان » 12:54 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd