<><> يوميات الأعضاء في رمضان مع اليزابيث هيرلي <><> - نادي الهلال السعودي - شبكة الزعيم

المنتدى الاستشاري · #1 25/09/2007, 11:55 AM

فكرة وإعداد ومتابعة : المنتدى الاستشاري
تصميم : عاشق بو يعقوب

مرحباً بكم احبتي مع ضيفتنا الحادية عشر في يوميات الأعضاء في رمضان
وضيفتنا هي اليزابيث هيرلي وهي عضوة متميزة في المجلس العام

بسم الله الرحمن الرحيم ..

السلام عليكم ورحمة الله وبركاته ..

يومي هو يوم الأحد اليوم الوطني للمملكة >>> فكم يوم يوجد بالجملة

كانت البداية صباحيه مشرقه ... من بعد ما تسحرت ما نمت من فرحتي انه إجازة وما فيه دوام

..

جلست ع النت الصبح ورجعت نمت الظهر لحد ما صحوني للفطور .. صحيت

ونفسي ع راس خشمي >> طبيعي

دردبت من القهوة لمين قلت بس ... اقترحت أختي نروح لمكة الخميس الجاي أو اللي بعده .. طبعا أمي وافقت ودايركت قالوا لي دقي احجزي قلت :خير ان شاء الله !!.. تحسبون الدعوى خذني جيتك .. اللي بيروح مكة يحجز من قبل .. العالم كلهم هناك و الدنيا زحمة

..
عاد استانسوا قالوا خلاص اجلسي انتي عند المبزرة وحنا نروح دامك ما تبين الزحمه

..

قلت .. وشو

.. هذا اللي ناقص بعد ... ما والله تطبونه إلا رجلي ع رجولكم

.. عاد حنا نتناقش و المحرم اللي عليه العلم ما سألناه

..

لعلهم في الأخير هونوا .... >> أزين

بعدها قمت لغرفتي اصلي و قريت قرآن شوي ... ثم طلعت جلست مع أمي

وخواتي .. صرنا نسولف والسولافه اللي أخذت الحيز الأكبر هي عن مكرمة الملك بنداوم ولا لا ؟؟

ياعمري يا حنا مره مشاوفين

... بعد كذا بدأ الأحساس بالكآبه ينتابني لأني تذكرت الدوام و التحضير والهم

...

بس قلت الهي عمري بأي شي لحد منتصف الليل و بعدين اكتئب

..

دخلت غرفتي احوس به ويوم جت 8 ونص رحت اتابع ((قلب إمرأة )) للسوداء

إلهام شاهين ع دريم ..

ولما طلعوا من التروايح جتنا زوجة أخوي و أم ريري هكتور .. فرشنا بالحوش وقعدنا >> يقالنا نغير جو

جلسنا نتجاذب اطراف الحديث .. كانت سهرة و تعليلة ممتعه

.. مليت راس أم ريري عليها .. قلت له انتبهي له و هي 24 ساعه ع النت لا ليله ليل ولا نهاره نهار .. ادبيه .. خليه تنام جنبتس و تصحى معتس

.. تراه خراب السفينة

.. >>الله من النجاسه

ومن هالكلام .. بعد كذا فتحت الشبكه لأفاجئ بموضوع لبقايا حرف !!!!!

رحت وكلمتها و غسلت شراعه .. قلت لها : تسيف تسطين تنزلين موضوع ولا تقولين لي

.. يا كبر قلبتس .. الله من الجحاده

..

وملبده الأيام اللي راحت ما قلتي شي و لا لمحتي تسيف تسطين ؟؟

جحيد و بعيد .. لا ومنسقه ماشاء الله .. هذاتس مابتس بلا تعرفين .. ويوم خاطرتي ((أغلق السجل)) وانتي حتى الصورة ما طلعتيه وتنسيقتس مثل وجهتس اثرتس حسوده و انانيه

شوفي أختس ريري ما تشك خيط بأبرة إلا وهي معلمتن>>> فضحته .. من زينتس انتي و خاطرتس يااليزابيث هيرلي ع غفلة .. هين ما أصير ليز أنا ما خليتس تندمين على اليوم اللي سجلتي فيه

!!

المهم خانقته وسكرت ..

ثم بدأ شعور الكآبه يطغى علي

.. قلت يهديني ربي أروح اشري لي دفتر تحضير واحضر ماورا خلاص عاد>>من دون نفس

..

و بينما أنا على هذا الحال إذا بإتصال يأتني من بنت أختي ....

ما أسخف منها إلا السبب اللي خلها تدق

... شوفوا قلة الأدب تقولي : خاله ودي أسجل بموقع العالمي وكل ما أحط اسم يقول لي موجود !! تكفين عطيمي نك نيم ... أنا اخذته ع قد عقله هالتعبانه فقلت له : سجلي ((نصروايه وانرحم)) هعهعهعهع

.. واقلبي و جهتس ...

وبعد كذا .. هداني ربي وقلت يا بنت لزوم تشرين دفتر تحضير رحت لأخوي قالي ما معي سيارة ودقيت ع الثاني قال لي مشغول ما أقدر كان قلتي لي بدري ..

بعد ما سكرت منه سجدت سجود شكر .. الحمدلله سويت اللي علي و كنت ناويه اشري بس للأسف مالقيت أحد يودين >>>>> مستانسه بقووووة

وفي تلك اللحظة .. روادتني نفسي أني اغيب ... جت الساعه 12 و أنا متردده 12 وخمس قررت >> مير ابطيتي

بعد كذا حليت الواجب حق الإنجليزي لأخي الفاضل ... و أنا أحل و تجيني اختي الصغيره تقولون جراده إلا غابه

... كل شي به أخضر .. تسوي بروفة لبكرا ... >>> يا حليلهم المبزره

...مير ما عطيتها وجه >>> لا رحوم ماشاء الله عليتس

وثم يوم جت 1 و أنام .... صحيت اتسحر و أرسلت للمساعده أقولها اني بغيب >> أجمل شعور

...

وهنا أذن المؤذن قصدي أبوي

ليعلن عن بزوغ فجر جديد .. فغدا يوم آخر ...

أتمنى أن يحوز يومي على رضاكم واستحسانكم

ول عام و الوطن بخير ...

كل الشكر للمتميزة اليزابيث هيرلي وانتظرونا غداَ مع ضيف آخر

.

أرق التحايا وأطيبها من
مشرفي واستشاري
المجلس العام

<><>أرشيف يوميات الأعضاء في رمضان لعام 1428 هـ <><>

كاريزمـا · #2 25/09/2007, 12:35 PM

هلا والله ليز أم ..........

كل عام وانتي بخير >> أحلفي

ندخل ليومتس بالتفصيل مع أني عارفته

إقتباس


	يومي هو يوم الأحد اليوم الوطني للمملكة >>> فكم يوم يوجد بالجملة

إقتباس

تستخفين دمتس حصلتها5 جمل

إقتباس


	كانت البداية صباحيه مشرقه ... من بعد ما تسحرت ما نمت من فرحتي انه إجازة وما فيه دوام ..

قسم بالله ترحمون بس انا أرحم أكثر منكم

بس أرحم الطالبات الضعيفات جالسات بالفصل 24 ساعه

والا أنتن يالمعلمات مابكن بلا سواليف وتنامن وتطلعن لبيوتكن

>> عكس كلامها اللي البارح

إقتباس


	جلست ع النت الصبح ورجعت نمت الظهر لحد ما صحوني للفطور .. صحيت

إقتباس


	ونفسي ع راس خشمي >> طبيعي

يالله صباح خير أصبحنا وأصبح الملك لله على طول نت أعنتوس أستحي

وراه ماتقومين ياملا الصلاح تسوين الفطور

إقتباس


	دردبت من القهوة لمين قلت بس

عاد مصيبه اذا مادردبتي منها ..>> ماأنساها ..

إقتباس


	.. قلت .. وشو .. هذا اللي ناقص بعد ... ما والله تطبونه إلا رجلي ع رجولكم .. عاد حنا نتناقش و المحرم اللي عليه العلم ما سألناه ..

كعادتكم السنويه آخر من يعلم المحرم عساه بس المحرم اللي تخانقوا عليه

خلاص مااقدر أكمل ميته ضحك

الله يرجتس كل مااتذكر السالفه وتعليقنا اتقطع ضحك عليكم

إقتباس


	بعدها قمت لغرفتي اصلي و قريت قرآن شوي ... ثم طلعت جلست مع أمي

إقتباس


	وخواتي .. صرنا نسولف والسولافه اللي أخذت الحيز الأكبر هي عن مكرمة الملك بنداوم ولا لا ؟؟

بس أضحك عليكم تصدقون هالأشاعات بسرعه

وانا اللي مالي دخل مااصدق مثل هالأشاعات >> ايه هين

إقتباس


	دخلت غرفتي احوس به ويوم جت 8 ونص رحت اتابع ((قلب إمرأة )) للسوداء إلهام شاهين ع دريم ..

مايجوز ياأختي تشوفين مسلسلات مصريه برمضان ..حدتس باب الحاره ..

إقتباس


	ولما طلعوا من التروايح جتنا زوجة أخوي و أم ريري هكتور .. فرشنا بالحوش وقعدنا >> يقالنا نغير جو

يالبى قليب أميمتي أجل أقولها تعالي نحتفل باليوم الوطني

تقول سوري حبيبتي بطلع >> ترى ماقالت لي أقلبي وجهتس

إقتباس


	جلسنا نتجاذب اطراف الحديث .. كانت سهرة و تعليلة ممتعه .. مليت راس أم ريري عليها .. قلت له انتبهي له و هي 24 ساعه ع النت لا ليله ليل ولا نهاره نهار .. ادبيه .. خليه تنام جنبتس و تصحى معتس .. تراه خراب السفينة .. >>الله من النجاسه

إقتباس

أجل تتجاذبون أطراف الحديث >> فقاشه الفقيني ببلكه ياشيخه

أصلاً جلسه بدوني ماتنفع وقلتوها لبى قليبي ماتحلى الا بي

مير مادقيتن علي تعالي تعالي >> نشبتن لي

أجل مليتي رأس أمي

أقول درسي أختس وأنتي ساكته ولايكثر ..

>> ترى الباقي على لساني

إقتباس

إقتباس


	جحيد و بعيد .. لا ومنسقه ماشاء الله .. هذاتس مابتس بلا تعرفين .. ويوم خاطرتي ((أغلق السجل)) وانتي حتى الصورة ما طلعتيه وتنسيقتس مثل وجهتس اثرتس حسوده و انانيه شوفي أختس ريري ما تشك خيط بأبرة إلا وهي معلمتن>>> فضحته .. من زينتس انتي و خاطرتس يااليزابيث هيرلي ع غفلة .. هين ما أصير ليز أنا ما خليتس تندمين على اليوم اللي سجلتي فيه !!

هيه أنتي هيه مين اللي أختي

>>أختي من الأسلام

منهي بقايا حرف

ريري تفصل وأنتي تلبسين هههههههههههههههههههههههه

وبعدين الأخت بقايا حرف موضوعها جميل وأنساني

وش جابها لخواطرتس لبى قلبتس

إقتباس


	ثم بدأ شعور الكآبه يطغى علي .. قلت يهديني ربي أروح اشري لي دفتر تحضير واحضر ماورا خلاص عاد>>من دون نفس ..

خلاص مني هديه تفتر التحضير ماتقومين اليوم الا وهو عند راستس

إقتباس


	و بينما أنا على هذا الحال إذا بإتصال يأتني من بنت أختي ....

إقتباس


	ما أسخف منها إلا السبب اللي خلها تدق ... شوفوا قلة الأدب تقولي : خاله ودي أسجل بموقع العالمي وكل ما أحط اسم يقول لي موجود !! تكفين عطيمي نك نيم ... أنا اخذته ع قد عقله هالتعبانه فقلت له : سجلي ((نصروايه وانرحم)) هعهعهعهع .. واقلبي و جهتس ...

ياحليلها النصراويه هذي كيف طلعت من العائله

ياحبي لها ذاك اليوم قلت لها ماراح احادثك لحد ماتغيرين شعار النصر

إقتباس


	وبعد كذا .. هداني ربي وقلت يا بنت لزوم تشرين دفتر تحضير رحت لأخوي قالي ما معي سيارة ودقيت ع الثاني قال لي مشغول ما أقدر كان قلتي لي بدري ..

ههههههههههههههههههههههههههههههههههههههههههههههه

أجل مشغول

إقتباس


	وفي تلك اللحظة .. روادتني نفسي أني اغيب ... جت الساعه 12 و أنا متردده 12 وخمس قررت >> مير ابطيتي

ماشاء الله مااسرع ماقررتي

أجل أقولك غيبي تقولين لا ويوم قلت لك روحي قلتي بأغيب

إقتباس


	بعد كذا حليت الواجب حق الإنجليزي لأخي الفاضل ... و أنا أحل و تجيني اختي الصغيره تقولون جراده إلا غابه ... كل شي به أخضر .. تسوي بروفة لبكرا ... >>> يا حليلهم المبزره ...مير ما عطيتها وجه >>> لا رحوم ماشاء الله عليتس

ياحبيلها يااناس

أرحم حالتس متى عمرك عطيتيها وجه درسيها بس أزين لتس

إقتباس


	أتمنى أن يحوز يومي على رضاكم واستحسانكم

هذا أفشل يوم قرأته من يوميات الأعضاء

إقتباس


	ول عام و الوطن بخير ...

وكل عام وانتي والأعضاء بألف خير

عزيزتي اليزا

يومك جميل بس مو غريب علي

حفظك الباري ...

هامور البورصه · #3 25/09/2007, 01:07 PM

اليزا هووني

الله حيها صباح معطر باجمل احاسيس اليزا

ماشاءالله وش هاليوم الي كله نووم وسوالف

عااد قصمان الله من كثر الحتسي

والحش

والقرقره

والكرااث

الله يجيرنا بس

سؤال

إقتباس


	جلسنا نتجاذب اطراف الحديث .. كانت سهرة و تعليلة ممتعه .. مليت راس أم ريري عليها .. قلت له انتبهي له و هي 24 ساعه ع النت لا ليله ليل ولا نهاره نهار .. ادبيه .. خليه تنام جنبتس و تصحى معتس .. تراه خراب السفينة .. >>الله من النجاسه

الحين ريري ولد ولا بنت

الله يعطيكم العافيه يالاستشارين ع الاستضاافه ويعطيكم الف عاافيه

اليزابيث هيرلي · #4 25/09/2007, 07:24 PM

إقتباس

الرسالة الأصلية كتبت بواسطة هامور البورصه


	اليزا هووني الله حيها صباح معطر باجمل احاسيس اليزا ماشاءالله وش هاليوم الي كله نووم وسوالف عااد قصمان الله من كثر الحتسي والحش والقرقره والكرااث الله يجيرنا بس سؤال الحين ريري ولد ولا بنت الله يعطيكم العافيه يالاستشارين ع الاستضاافه ويعطيكم الف عاافيه

هلا بهامور ... الله يحيك ويبقيك .. تسيف تسطي

كله إلا القصمان يا لبى قلوبهم

شوف ريري ع كيفك تشكله تبيه ولد بنت عادي وهاذي ع فكرة من مميزات السيامي

كفو والله يا ريري فديتس والله مادروا عنتس الديوان انتي والشرح ولا تسان

يعينونتس ع طول

...
...
...

The bast ,,

شكرا ع مرورك الكريم ..

لا عدمتك

اليزابيث هيرلي · #5 25/09/2007, 07:16 PM

أبو ناصر ...

جراتسي ع المرور

...

[quote=ريري هكتور;6339587]

إقتباس


	هلا والله ليز أم .......... كل عام وانتي بخير >> أحلفي ندخل ليومتس بالتفصيل مع أني عارفته تستخفين دمتس حصلتها5 جمل قسم بالله ترحمون بس انا أرحم أكثر منكم بس أرحم الطالبات الضعيفات جالسات بالفصل 24 ساعه والا أنتن يالمعلمات مابكن بلا سواليف وتنامن وتطلعن لبيوتكن >> عكس كلامها اللي البارح يالله صباح خير أصبحنا وأصبح الملك لله على طول نت أعنتوس أستحي وراه ماتقومين ياملا الصلاح تسوين الفطور عاد مصيبه اذا مادردبتي منها ..>> ماأنساها ..

هي مصيبه وبس إلا انجلط إذا ما دردبت

إقتباس


	كعادتكم السنويه آخر من يعلم المحرم عساه بس المحرم اللي تخانقوا عليه خلاص مااقدر أكمل ميته ضحك الله يرجتس كل مااتذكر السالفه وتعليقنا اتقطع ضحك عليكم

شوفي احترمي نفستس عاد كلش إلا محرمنا .. طايرة الـ ..... و البساط يالبى قلوبنا

إقتباس


	بس أضحك عليكم تصدقون هالأشاعات بسرعه وانا اللي مالي دخل مااصدق مثل هالأشاعات >> ايه هين مايجوز ياأختي تشوفين مسلسلات مصريه برمضان ..حدتس باب الحاره ..

علمي نفستس الله يهديس ..

إقتباس


	يالبى قليب أميمتي أجل أقولها تعالي نحتفل باليوم الوطني تقول سوري حبيبتي بطلع >> ترى ماقالت لي أقلبي وجهتس

وشوله التسذب إلا خامدتن لا دريتي عن أمتس ولا عن اليوم الوطني ... الله يصلحتس بس

إقتباس


	أجل تتجاذبون أطراف الحديث >> فقاشه الفقيني ببلكه ياشيخه أصلاً جلسه بدوني ماتنفع وقلتوها لبى قليبي ماتحلى الا بي مير مادقيتن علي تعالي تعالي >> نشبتن لي

من زينتس اقولتس تجين لاحقتن لا حقتن خل افتك منتس شوي تسيف لزقه

إقتباس


	أجل مليتي رأس أمي أقول درسي أختس وأنتي ساكته ولايكثر ..>> ترى الباقي على لساني

مالتس دخل هي أختي ولا أختس خوا جنب العدو

إقتباس


	هيه أنتي هيه مين اللي أختي >>أختي من الأسلام منهي بقايا حرف ريري تفصل وأنتي تلبسين هههههههههههههههههههههههه وبعدين الأخت بقايا حرف موضوعها جميل وأنساني وش جابها لخواطرتس لبى قلبتس

وين أروح أنا .. يا حظه انتس أخته

إقتباس


	خلاص مني هديه تفتر التحضير ماتقومين اليوم الا وهو عند راستس

ان تسانه مثل هداياتس ومفآجاءتس اللي أنا خابره أدخل على الله ما ابيه

..

إقتباس


	ياحليلها النصراويه هذي كيف طلعت من العائله ياحبي لها ذاك اليوم قلت لها ماراح احادثك لحد ماتغيرين شعار النصر

تسليلة حياء .. شكلي بعطيه بلووك كفوه هالنادي

إقتباس


	ماشاء الله مااسرع ماقررتي أجل أقولك غيبي تقولين لا ويوم قلت لك روحي قلتي بأغيب

تعرفين يعني أنتي أدرى بي وش أكثر أشتاق و أموت ع الدوام

إقتباس


	ياحبيلها يااناس أرحم حالتس متى عمرك عطيتيها وجه درسيها بس أزين لتس

تسلمين أرسله لتس تدرسينه بدالي .. أنت عند الهرج ماشاء الله ولا جيتي للصز ما عندتس أحد وطوووووه

إقتباس


	هذا أفشل يوم قرأته من يوميات الأعضاء وكل عام وانتي والأعضاء بألف خير

والله ما بوه أحد فاشل على وجه الأرض غيرتس يالعاطله

إقتباس


	عزيزتي اليزا يومك جميل بس مو غريب علي حفظك الباري ...

يسلمو ع مرورك الظريف يا غلاهم

تفداتس أم عمر ..

كاريزمـا · #6 25/09/2007, 01:32 PM

888888
أسمع ياأخ العرب

في اللهجه القصيميه للحديث عن الفتاة
تنطق الهاء مفتوحه فقط دون الف زائده
مثلاً
ليلهَ _نهارهَ_لهَ...الخ
وليس
ليلها_نهارها..الخ

اما للحديث عن الفتى
فتنطق هاء مضمومه
مثل
ليلهُ_نهارهُ...الخ

أتمنى بأنك أستوعبت الدرس جيداً

مدري وش جاني اليوم على اللغه العربيه

ڪـيــف الـζــآل ؟ · #7 25/09/2007, 02:07 PM

يوميات رائعة ..

يعطيك العافية ..والاخوة الاستشاريين..!!

صدى الامس · #8 25/09/2007, 02:21 PM

ماقصرتي اليزابيث هيرلي ...

ماظنتي احد بالقصيم ينطق اسمتس صح ..!!

انا اخبر الناس تغيب السبت .. بس ما توقعت ان فيه احد عكس العالم يحضر السبت ويغيب الاثنين .

<< على الاقل ازين من اللي يغيب الثلاثاء ويحضر الاربعاء

!!

إقتباس


	ومن هالكلام .. بعد كذا فتحت الشبكه لأفاجئ بموضوع لبقايا حرف !!!!! رحت وكلمتها و غسلت شراعه .. قلت لها : تسيف تسطين تنزلين موضوع ولا تقولين لي .. يا كبر قلبتس .. الله من الجحاده .. وملبده الأيام اللي راحت ما قلتي شي و لا لمحتي تسيف تسطين ؟؟

صدز الحين البنات وش هاللقافه اللي بهن .. !!
تزعل اذا شافت وحده تعرفها نزلت موضوع وما قالت لها ؟؟!!
يعني الا لازم تنشر انها تبي تنزل موضوع ؟؟!! << الله واكبر يا مواضيع صدى الامس كلن ينقل الخبر اني نزلت موضوع

إقتباس


	نا اخذته ع قد عقله هالتعبانه فقلت له : سجلي ((نصروايه وانرحم))

ههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههه

إقتباس


	وثم يوم جت 1 و أنام .... صحيت اتسحر و أرسلت للمساعده أقولها اني بغيب >> أجمل شعور..

اجمل شعور ان الساعة تدق عشان الدوام وتسكتها همن تكمل النوم بلا دوام بلا وجع رأس ..
وبلا رسالة للمدير والا احد .. اذا جيت باتسر دز لك المدير المراسل ومعه ورقة مسألة عن الغياب

مير من تالي المدير صاير مهوب يرسل شي خلاص حفظ السبب

إقتباس


	ليلهُ_نهارهُ...الخ

قصدتس ليلوه ..

..!

عوافي اليزابيث هيرلي << اقسم بالله ياهو صعب .. << جالس اتخيل نطق الاسم مع مط الحتسي بالقصمنجي وش يبي يطلع

هلاليه@ميلانيه · #9 25/09/2007, 02:38 PM

ياللهـ حييييهـ لييز ..

يوميــات رهيبهـ واللهـ .. وفيها من الآكشن الشي الكثييير ..

<<<تتطنز بالي بيعيدون إحياء اللغهـ العربيهـ الفصحى

شكراً ليز .. وسلمي لي على بنت أختس النصراويهـ ..

اليزابيث هيرلي · #10 25/09/2007, 07:43 PM

إقتباس

الرسالة الأصلية كتبت بواسطة صدى الامس


	ماقصرتي اليزابيث هيرلي ... ماظنتي احد بالقصيم ينطق اسمتس صح ..!! انا اخبر الناس تغيب السبت .. بس ما توقعت ان فيه احد عكس العالم يحضر السبت ويغيب الاثنين . << على الاقل ازين من اللي يغيب الثلاثاء ويحضر الاربعاء !!

هلا بعمدتنا ... والله تعرف القصمان تسيف يكون الوضع عندهم لا صار الأمر يتعلق

بالإنجليزيه

.. بس اتوقعهم ينطقونه تسذا : اليزابتس هيرلي

لا تجملت السبت يقالي بصير حركه و معلمة مجتهده بس عوضت بالأثنين

وشوله تحضر الأربعاء تسان شبكتهن و ديعته .. اغتنم الفرصه دامك شباب

إقتباس


	صدز الحين البنات وش هاللقافه اللي بهن .. !! تزعل اذا شافت وحده تعرفها نزلت موضوع وما قالت لها ؟؟!! يعني الا لازم تنشر انها تبي تنزل موضوع ؟؟!! << الله واكبر يا مواضيع صدى الامس كلن ينقل الخبر اني نزلت موضوع

أجل بالله عنده الأيام اللي قبل و عاصبتن راسه و ما فتحت افمه يقالي تعبانه و القاه منزله موضوع تسيف تسطي

ولا منسقته بعد يا جحده

هاذي ضريبة الشرهه

إقتباس


	اجمل شعور ان الساعة تدق عشان الدوام وتسكتها همن تكمل النوم بلا دوام بلا وجع رأس .. وبلا رسالة للمدير والا احد .. اذا جيت باتسر دز لك المدير المراسل ومعه ورقة مسألة عن الغياب مير من تالي المدير صاير مهوب يرسل شي خلاص حفظ السبب

ليته ساعه البلا لا صار جوال وهالغفوة تدهر عما تعجز

بس ع قولتك دواه من

يطرمه و يسحب عليهم

يا حليلكم انتم تسذا .. كشخه .. لا لزوم نرسل إلا تسانه مرضي دواهم التقرير ولا يفتحون افامهم ..

عاد أعلمك يوم رحت اليوم لقيت المديره والمساعده و الكاتبه غايبين معي

إقتباس


	عوافي اليزابيث هيرلي << اقسم بالله ياهو صعب .. << جالس اتخيل نطق الاسم مع مط الحتسي بالقصمنجي وش يبي يطلع

يعافيك ربي ع الإضافه الحلوه .. لا يطلع ما نصير قصمان أن ا طلعناه >>> كفو والله

هلالي مدريدي 10 · #11 25/09/2007, 02:36 PM

مشكوووره على اليوميه

عسيريه · #12 25/09/2007, 02:39 PM

هلا وغلا ليـــز
ماشاءالله وش هاليوم قمة النشاط بالحكي والبربره

وأحسن شي سويته انك غبتي انتوا ماتتعبون

يالمدرسات فكونا
شوي ..!

والله العظيم اننا نرقص من الوناسه اذا غابت الـ مدرسه

شكرا ليــز ع اليوميات

مع التحيه

AL BRENS-14 · #13 25/09/2007, 03:09 PM

يوميات خطيرة

والله يا اليزبيث هيرلي >>>>> له ساعه وهو يكتب اسمس مضع الاخ

يوميات خطيرة ولكن تخلوا من الاكشن والهبال وهذا شيء غريب

بدام اني من القصيم

البنت لا يخلو يومها من شيء خطير او مضحك

والف شكر لمشرفين واستشارين المجلس على الافكار الخطيرة

ودمتم هلالين

G o L d E s T · #14 25/09/2007, 03:04 PM

قعدت أصيح يوم قريت اليوميات

تذكرت الاجازة والنوووم يا حبي للنوم بس <<< له يومين ما نام زين

إقتباس


	سجلي ((نصروايه وانرحم)) هعهعهعهع .. واقلبي و جهتس ...

ههههههههههههههههههههههههههههههههههه

إقتباس


	أسمع ياأخ العرب في اللهجه القصيميه للحديث عن الفتاة تنطق الهاء مفتوحه فقط دون الف زائده مثلاً ليلهَ _نهارهَ_لهَ...الخ وليس ليلها_نهارها..الخ اما للحديث عن الفتى فتنطق هاء مضمومه مثل ليلهُ_نهارهُ...الخ أتمنى بأنك أستوعبت الدرس جيداً

والله يا واحد بالمسن أبلشن بمثل هالكلمات كل شوي يعدل لي

أقوله هذا كلامي من يوم ما انولدت يقولي لازم تغيره والله حاله

المعلومات صحيحة بس حرف اللام هو المقصود وليس الهاء

هذي لغة اقليم كامل نرجو التأكد من المعلومات في حال نقلها الى الأقاليم الأخرى

♥ N E V E S ♥ · #15 25/09/2007, 03:07 PM

يوميات حلوه......
..بالتوفيق..