تكفون يااهل الريااض دلوني طريق الملعب - نادي الهلال السعودي - شبكة الزعيم

سامي يحب سامي · #1 25/09/2007, 04:35 AM

ياشباب انا جاااااي الاربعاء الصباااح للرياض وودي احد يوصف لي الملعب انا جاااي من المدينه ومااعرف احد بالرياض ولا اعرف الرياض نفسها انا عارف اني في ذاك اليوم ابتمرمط لكن كله يهوون لعيون الزعيم........ تكفون يااهل الرياض النشامى

الهلال فريق الابطال · #2 25/09/2007, 05:04 AM

اوكي حبيبي بعطيك الوصف
وانت جاي من الغرب تمسك طريق الملك عبدالله رايح للشرق امسك الطريق لين يجيك دوار تاخذ يمين طريق الشيخ جابر وبتشوف الملعب على يسارك بس حبيت اقولك طريق الملك عبدالله كله اشارات وفيه لوحات توصف لك الملعب

زعيم نصف ألارض · #3 25/09/2007, 05:16 AM

راسلني على الايميل واطلع لك في الطريق ماعليك
[email protected]

al_wafeeeee · #4 25/09/2007, 05:19 AM

أول لموزين تشوفه تربس فيه
لاتخليه الا وهو موصلك عند الملعب
وقله الحساب على الواااااافي

أمزح معك أخوي العضو الهلال ابطال، ماقصر
في الوصف بس صدقني راح تشوف أي شاب سعودي
أول ماتدخل الرياض وتسأله راح تلقاه هلالي

وهم امزح معك راح يوصفون لك شباب الخير شباب المملكه
الطيبين راح يدلونك على الملعب
ومن سأل ماتاه

عادل الروضة · #5 25/09/2007, 05:20 AM

ياخي راسلني علي الايميل مالك الاواحد يجيك علي مدخل الرياض القصيم ويسقبلك

انا دمي أزرق · #6 25/09/2007, 05:23 AM

اللي اعرفه انه في السعوديه ...

واذا ماني واهم .. في الرياض تحديداً ..

نمزح معك ..

الاخوان ماقصروا ... وان ضاقت عليك .. مالك الا ليموزين .

موفق يا زعيم

Ricky 8 · #7 25/09/2007, 05:24 AM

استاد الملك فهد يقع شرق الرياض

وانت جاي مع دربك اقبض طريق الملك عبد الله واتجه شرق

لين يجيك كبري الفحص ( او تقاطع طريق الشيخ جابر الصباح ) خذ يمين

اول دوار تعداه

ثاني دوار اذا حبيت لف يسارواذا بغيت فيه الدوار الثالث تطلع معه يسار

ولاتنسى

هد السرعة وروق وامش على هونك اهم ماعلينا روحك يالغالي

ركـود..ركـود · #8 25/09/2007, 05:26 AM

اذا ماكفاك الشرح حق الشباب .. راسلني خاص ويصير خير ..

أبـوكـــادي · #9 25/09/2007, 05:28 AM

متى يجي اليوم اللي انشغل الجارمن ونكتب استاد الملك فهد الدولي
وبعدين start

شف وأنا اخوك هو حول طريق خريص وقريب من مستشفى الحرس الوطني .

هلالكوم · #10 25/09/2007, 05:33 AM

إقتباس

الرسالة الأصلية كتبت بواسطة al_wafeeeee


	أول لموزين تشوفه تربس فيه لاتخليه الا وهو موصلك عند الملعب وقله الحساب على الواااااافي أمزح معك أخوي العضو الهلال ابطال، ماقصر في الوصف بس صدقني راح تشوف أي شاب سعودي أول ماتدخل الرياض وتسأله راح تلقاه هلالي وهم امزح معك راح يوصفون لك شباب الخير شباب المملكه الطيبين راح يدلونك على الملعب ومن سأل ماتاه

احسن طريقه

الزعيم!قاهر الأصفرين · #11 25/09/2007, 05:33 AM

أخوي ، اسأل عن الدائري الشرقي وإذا نزلت فيه إسأل عن مخرج 13 اللي يسمى طريق خريص واطلع من عنده ولازم تكون متجه شرق وطول إلين تشوف الملعب على يسارك واضح وضوح ملعب استاد الملك فهد
<<<<<مسوي خفيف دم
أول اتبع كلام أخوي ( الهلال فريق البطولات ) بس لازم تكون متجه شرق سواء مسكت طريق الملك عبدالله بمخرج (10) أو طريق خريص بمخرج (13) ولك تحياتي وتوصل بالسلامة وإذا بغيت تخاويني
أرسل رسالة على البريد الالكتروني التالي[email protected]

كـحـيـلان · #12 25/09/2007, 05:34 AM

لاحول ولاقوة الا بالله

هذا موضوع يطرح ؟ ؟ ؟ ؟ !!!!!!!!!!!!!!!!!!!!!!!!!!

اخي الكريم اتمنى ان تطرح مواضيع تفيد الأعضاء فهذا منتدى نادي الهلال

عاشق الأزرق20 · #13 25/09/2007, 05:36 AM

ياهلا باهل المدينة الكرام !

عندي لك حل ونا خوك بيريحك . .

أول ما تدخل الرياض كبس للموزين وعطه بالكثير 25 أو 30 ريال يوديك للإستاد ولو بغيت ترجع للمدينة بنفس اليوم أبعد عن الأستاد شوي ووقف ليموزين وقله يطلعك للخط وريح نفسك بفلوسك وأنشهد اللي تزهلوا رجال !

بمان الله

أَبُـو فِـيـصَــل 10 · #14 25/09/2007, 05:40 AM

إقتباس

الرسالة الأصلية كتبت بواسطة كـحـيـلان


	لاحول ولاقوة الا بالله هذا موضوع يطرح ؟ ؟ ؟ ؟ !!!!!!!!!!!!!!!!!!!!!!!!!! اخي الكريم اتمنى ان تطرح مواضيع تفيد الأعضاء فهذا منتدى نادي الهلال

فــآئـدة المنتــدى مـن فـآئـدة الهــلآل .. وفــآئـدة الهــلآل أن يحضــر الجمهــور

والرجــآل يبي يضــرب مشــوآر مـن المدينـــه عشـآن المباراة وعشان الهلال

..

ومـآ في أحد غاصبكـ تدخل للموضوع .. وهو باين من عنوانه

والمره الثانيه (( قٌـل خيراُ أو إسكــت ))

::::::::::
وتااااصل بالسلامه يالغااالي

وما يقصرون معك الأعضاء إن شاء الله