25/09/2007, 12:41 AM
|
| زعيــم متألــق | | تاريخ التسجيل: 20/04/2006 المكان: بيروت - جالس بالسوليدير
مشاركات: 1,457
| |
|
معاكسات وغزل وفتنة في بيت الله الحرام ..!!
بسم الله الرحمن الرحيم السلام عليكم ورحمة الله وبركاته مساكم الله بالخير جميعاً .. وكل عاام وأنتم بخير وصحه وسلامه  ظاهرة المعاكسات في المسجد الحرام وفي أطهر بقاع الأرض أصبحت منتشرة وبشكل كبير بين الشباب والفتيات .. أنا كنت اسمع من فترة إن الحرم المكي أصبح ملتقى وملجأ للعشاق .. وماكنت أصدق وكنت أتجاهل هالكلام من باب الثقة في شبابنا وبناتنا وإنهم مستحيل ينتهكون حرمة المسجد الحرام لكن الحين أبصم بالعشره إن هالظاهره موجوده في المسجد الحرام وأصبحت أمام الأمر الواقع إما أن أصدق .. وإلا أكذب عيوني واترك أمرهم لله ..!! كنت قبل يومين في مكة المكرمة لأداء مناسك العمرة أنا وبعض الشباب وعند دخولي للحرم أصبح لساني يتمتم ما بين الأستغفار والتلبية لبيك اللهم لبيك لكن انقطعت تمتمة لساني عند رؤيتي للكعبة المشرفة ..!! وأصبحنا نطووف حول الكعبة بين جموع المعتمرين منهم من خاشع ويدعي ويبكي خوفاً وخشية من الله ومنهم من تفرغ ( للقزقزة ) والأحتكاك في أجساد محارم المعتمرين والعياذ بالله لكن يوم وصلت لمقام إبراهيم لفت سمعي أدعية غريبة من الأجانب منهم اللي يدعي برأس أمه وبرأس أبوه ومنهم اللي يقوول (وحيات النبي ) (والحسن والحسين ) .!! طبعاً هالأدعية المشركة كلها من ألسنة الأجانب الله يهديهم ..!! لكن اللي لفت نظري في المسجد الحرام كثرة الفتن بين النساء منهم اللي يزاحم الرجال على مقام إبراهيم ومنهم اللي يفترش الأرض وتظهر جزء من عورتها وماتستحي لامن الله ولامن جموع المصلين ..!! وجاء وقت السعي وقررنا إننا نفترق وكل اثنين مع بعض ونتواعد إننا نتقابل عند حلاقين الحرم .. !! وياقلب لاتحزن اللي صاير في السعي ترقيم عيني عينك .. ونساء يسعون ولابسين ملابس ضيقة من الجنز والبرمودا والعطورات تشق الخشم شق ..!! وفوق كذا المكياج والكحل والعباية المخصرة واللثمة لاعبه أدوارها على أكمل وجه ..!! وفووق كذا البلوتوث له نصيبه من هالمواقف وياقلب لاتحزن يعني والله العظيم شي يقهر ويبكي في نفس الوقت ..!! أشغلونا عن طاعة الله في مسجده .. وأشعلوا الفتنة في نفوس الشباب والرجال وهم صايمين ومتعنين من ديارهم لأجل أداء هالفريضة .. !! فبعد ماخلصنا وقضينا من السعي تقابلت مع خوياي عند حلاقين الحرم ويحلفون بالله إنهم طلعوا سطوح الحرم بعد ماخلصوا من السعي وشافوا شابين وبنتين بكامل زينتهم المزيفة على موعد غرامي في سطوح الحرم ويتبادلون الورد الأحمر .. !! يمكن هالنوعية اللي ماخافت من الله توقعت وتطمنت إنها راح تبتعد عن عيون الناس .. !! لكنها ماابتعدت عن عيون خالقها سبحانه وتعالى وراح يجي يومهم ..!! لكن ماقوول إلا ..(ربنا لاتؤاخذنا بما فعل السفهاء منا ) بصراحه انا انصدمت من الغزل والفتن اللي تصير بالحرم .. !! يعني بالأسواق وبالأماكن العامة وبلعناها لكن بالحرم هاذي مصيبة عظيمة يعني مايخافون من سخط وغضب الله عليهم ينتهكون حرمة مسجده وفي أفضل الشهور شهر رمضان ..!! اخوكم / الغدير الأزرق
اخر تعديل كان بواسطة » الغدير الازرق في يوم » 25/09/2007 عند الساعة » 03:23 AM |
الوضع الشجري
