بسم الله الرحمن الرحيم
جمهور الزعيم العزيز ارق التحايا لكم
في يوم من الايام وتقريبا قبل 4 سنوات كنت اتصل فيني احد الاصدقاء وطلب مني ان اهذب معه للجوازت بالدمام كان صاحبي يبغى يطلع جواز او شي من هذا القبيل المهم رحت معاه للجوازت وكالعاده نعطيهم الاوراق وننتظر الى ما تخلص امورنا . وانا جالس الا القى واحد جنبي اشبه عليه انا شفت هالادمي وين ما ادري
وشوي الا واتذكر ان هذا لاعب نادي القادسيه الحقوي وكان وقتها اعتقد مع المتخب او شي من هذا القبيل او بمعنى اصح كانوا في مهمة وطنيه وبيسافروا للكويت سلمت عليه طبعا سلام بارد يعني خبركم ماهو باللي يحرص عليه الواحد وانا اسولف معه قال انا هنا مع اللاعب ياسر القحطاني على طول سألته وين ياسر ابغى اسلم عليه قال موجود ياسر بالصاله ما ادري وينه فيه ... المهم شوي الا ياسر جاي قمت وسلمت عليه وجلس معي وقمنا نسولف قمة التواضع بكل امانه بعمري ما شفت شخص مثله الا خالد عبدالرحمن ( وانا من جمهور خالد طبعا) سولفت معه عن اشياء كثير وعن شلتي كانوا بنادي القادسيه وكانوا يلعبون معنا في العمل امثال زيد المولد وهاني العويض وسلطان بورشيد وعادل نجم ومع سوالفنا دخلنا في الهلال والانتقال للهلال قال لي وقتها ان اللاعب يطمح للافضل وان الهلال مطلب الجميع وانه يشرفه اللعب للهلال ولكن يحب القادسيه وسولفنا عن سامي الجابر وقلت له يعني وقتها على سبيل المجامله قلت تصدق عاد انك تقريبا بمستوى سامي رد علي وقاطعني لاااااااااا حرام عليك وش جاب لجاب كلنا بمدرسة ابو عبدالله وصار يمدح بسامي ويقول ان ابو عبدالله قدوة لكل اللاعبين جلسنا من الساعه 12 تقريبا الى الساعه 2 الظهر واحنا نسولف وبكل امانه ما شفت بيوم حد مثله يعني مبتسم ومو ملول مع اني كثرت عليه الاسئله عرضت عليه يكون ضيف لموقع لي على الانترنت وعرضت عليه اني اصمم له موقع وقتها وقال انه ماهو بوقته الان يكون له موقع خاص وقال مستقبلا يعني ممكن يكون هذا الشي .
والان مشاء الله كل اللي تمنيناه صار
ولاعب مميز وهلالي وهذا هو الاهم
ما عليه يا شباب الفطور مطول وقلت اكتب لكم هالقصه اللي صارت لي معه
يعني بس حبيت اوضح لكم جانب مهم وهو التواضع عنده وكنت اتكلم معه بكل حريه وهو يتكلم بكل حريه
وصدقوني ان الحقوي شايف نفسه اكثر وكانه هو النجم
الله يوفقه امين ويوفق الهلال
الوضع العادي
