أغلب إللي يرقصون في الشوارع ويحتفلون ما همهم لا يوم وطني ولا شي
بس كانوا فاضيين ويبون يستانسون

لو ما يكون فيه احتفالات مثل أول يكون أحسن
بس أهم شي العطلة لا يلغونها :d

صدقـ المفرووضـ الشبابـ نفسهم مايسوون ذي الحركاات يحتفلون ماقلنا شي بس مب بذي الطريقه هبال ورقص وأغااني والله أمس والمساجد يصلون الترويح سيااره تدور ومعلييه المسجل على أخر شي والله حرام المساجد يصلون وبعدين قصر المسجل مب كل الناس يسمعون أغاني لازم الواحد يحترم غيره

المشكلة إن بعـض هالشباب مفهوم الوطنية عندهمـ "صارخ بأعلى صوتكـ شغل ياسلامي عليكم يالسعودية وعلهااا على أخر شي وارقص بوسط الشارع وخل العالم يتفرجون عليكـ"وإذا جيت للجد تلقاهم مانفعوا وطنهم ولاعندهم إستعداد إنهم يقدمون له شي ,لو تقوله المطب اللي عند بيتكـ يحتاج له تعديل عدله يرفض ويقول أصرف على الحكومه أنـا!!!

والله المرور صادقيين بلاكم يالشباب تقهروون بثااره أجل تنزل وترقص الحمد لله
أحتفل وسوو الللي تبي بس مب تطلع من الدرايش وتعلي المسجل يعني هذا الأحتغال عندكم ؟!

أعرف واحد الحين في الحجز لين يخلص اليوم الوطني
تدرون ليه بخ السياره اخضر بس ,,..
المشكله انه جاي من الطائف

بالله هذا يوم وطني----نقاش جاد---خلونا نفرح زي خلق الله؟!!
 

بسم الله الرحمن الرحيم



ياشباب كلكم شفتو الفوضى اللي صارت في اليوم اللي مزعوم انه -يوم الوطن-

ماخلو الشباب يتهنون بيومهم الوطني

طيب بعضكم يبي يقول لي اجل تبيهم يشغلون اغاني ويرقصون .

انا قصدي مو يرقصون ويشغلون اغاني بالشهر الفضيل

انا قصدي على الاقل يفتحون لنا ساحة العروض اللي بالرياض بمخرج 10

ويسون لنا احتفالات وعروض سيارات

موب يوم وطني اسم بس

نبي نعيشة مثل ما يعيشة غيرنا.

والمشكلة ان الشرطة اي واحد يشوفونه يحتفل يمسكونه ويصادرون سيارتة ويودونة للحجز

بالله هذا يوم الوطن؟؟؟؟؟؟؟؟

أترك لكم التعليق

يابن الحلال ماعندكـ احد

وسع صدرك واناخوك



واذ تبي الصدق ماسبب الزحمه امس خصوصا (التحليه) الا المرور

من جد صح كلامك اخوي

المفروض يحدون اماكن للاحتفال

عشان تخف الزحمه اللي بالشوارع

في ناس مشغوله في ناس معزومه وش ذنبها تنقطع عن مشاويرهابسبب الاحتفال بيوم الوطني وقله الحياه من هالشباب الصايعين

وبين وبينك يقولون الاحتفال باليوم الوطني لا يجوز (كلام المشايخ)

وشاكر لك هالطرح اخوي

والله بالنسبة لي انا ماطلعت يعني مأقدر أحكم..!!

والله فيه شباب ضائعون وعن الحق زائغون أسمع أخي العزيز

لانريد أحتفال والله ليست حاله انا امس معي سياره ابي حفظه الله تعالى واوقفوني المرور وكالعاده الرخصه والاستماره ويقولون لي لماذا تضع علم السعوديه قلت لهم انه يوم وطني قالو بلا وطن بلا بطيخ ازله هيا بسرعه والى ذهبنا بك للحجز!!بالله هذا يوم وطني؟؟

تحياتي

!!هلالي الرس العربي الفصحاوي!!<!-- / message --><!-- sig -->

^^^^^^^^^^

والله لو تروح لشارع العروبة


كان يرتفع الضغط عندك لـ Hاللي مشغل الاغاني على الاخر

ولا سوارية يرقصون

وبنات يمشون ويتمخطرون

يعني ناس ما تدري وصل تفكيرهم لحد وين


عقليات بالارض

يعطيكم الف عافية على المرور

ومثل ماقلتو المرور هو سبب المشاكل

أنا اذكر العام الماضي كان اليوم الوطني برمضان

وقامو شباب الرياض أحتفلو قبل اليوم الوطني بيوم واحد

والله ما انسى هذاك الأحتفال:thumbup:

وبعد الساعة العاشرة بدأت الشرطة تجي

يعني يوم خلصنا جو:thumbup:

والله ما انسى ذيك الأيام والأحتفالات اللي صارت:thumbup:

مساء الخير ....... أنا من ناحيتي فكنت والله دازها من الرياض الى أبها .......... صحيح أني شقت بعض الهيصه ......... في الخرج ..... الدواسر ........... الخميس ........ حتى أبها .....لا وفي أخر الليل ... الناس تبي تتسحر ........ وهذولي ماعندهم الأ الدجه بالشوارع ..............

مشكور أخوي على موضوعك ..........

الأعياد الوطنيه حراااااااااام ولو غير أسمها لانريد أعياد وثنيه بدعيه

شـارع العليا من الورود الى شارع الملك عبدالله امس FULL
قسم بالله اللي صاير هالسنتين ما يخليك تشتهي تطلع بهاليوم :) ,,