بــــــدون عنوان .....شبكة الزعيم >> المجلس العام >> موضوع جديد .... - نادي الهلال السعودي - شبكة الزعيم

هلاليه@ميلانيه · #1 19/09/2007, 04:25 PM

السلآم عليكم ورحمة اللهـ وبركاتهـ ...

.
.
.

صباح / مساء الخير

على حسب القارئ <<<قايلة لكـ يامواصل بسرقها

.
.
.

اليوم وقفت معي أني أكتب موضووع المهم يوم جلست على الكمبيوتر وجيت بكتب

وقفت .. وقلت وش أكتب

يعني بالعربي ماعندي شي بس بكتب موضوع لو فاااااضي أهم شي بكتب موضوع

بس أتووقع هالنشاااط والوناااسه عشان اليوم الوطني قررب ....

نسيت أني صايمهـ ونسيت كل شي وأحس بنشاط غرييب ...

ماشاء الله بس لا اعطي نفسي عين ...

.
.
.

بما أني ماعندي هدف من هالموضوع بذكر موقف صار لي اليوم

اليوم اللهـ يسلمكم يوم اني في المدرسهـ كان علينا احياء المهم جت المعلمهـ

وشافت ورقة طايحهـ على الارض يوم فتحتها ماكان مكتووب عليها اسم ..

المهم قالت هذي من ورقته يابنات ؟؟ وكل بنت تقول هذي مو حقتي وأنا أقول بكل ثقه

لا مو حقتي يااستاذهـ ترا خطي شين بس مو لهالدرجهـ

وصديقتي تقول لي : لا هذي حقتك هذا خطكـ أعرفهـ وأنا أقوول لاخييير مو حقتي ...

المهم جت صديقتي هذي خذتها وشافت الورقهـ من ورا طلع مكتوب فيها الاسم ...

وطلع مكتوب فيها اسمي يعني حقتي

كل الفصل مات من الضحكـ وصديقتي تقول لي

واللهـ أني أميز خطكـ لو عندي مليوون ورقهـ

من بعد هالموقف أخذت درس أني أفكر قبل ماأتكلم ...

.
.
.

هذا الموقف صار لي أمس بس قلت خلني أذكرهـ ....

أمس كان علينا (فيزياء) وهذي المادهـ أكثر مادهـ أكرهها ....

المهم الي درستنا مدرسهـ جديدهـ المهم جت لنا الحصه الثانيه وعطتنا درس ...

بعدين جت لنا موجهه عشان تقييم هذي المدرسهـ وجت المدرسه الحصه الثالثه

وقالت بعيد لكم نفس الدرس عشان الموجهه

بعدين خلصت الحصه وبنفس الوقت

كانت جايهـ صاحبة المدرسهـ وقالت بحضر حصهـ عند هذي المعلمهـ وجت عندنا

وعطتنا نفس الدرس للمرهـ الثالثهـ..!!

قسسسم باللهـ تشبعنا من هالدرس

وكل يوم يزيد كرهي لهالمادهـ أكثر من اليوم الي قبلهـ ...

.
.
.

طبعاً أختي صارت معي بنفس المدرسهـ وكنت أحسب أني بستانس بس طلع العكس

هي أصغر مني المهم أول يوم أقول لها ياويلكـ إذا فشلتيني تراكـ الحين معي قبل يوم

كنتي لحالكـ تسوين الي تبغين لكن الحين معي ياويلكـ

المهم قالت طيب بعدين يوم بدينا ندرس صارت هي الي تقول لي لا تفشليني

والسبب هو أني مؤدبهـ وهي مشاغبهـ

تقول واللهـ فشلتيني قدام صديقاتي

ماتنحاشين من الحصص وفي الحصص مؤدبهـ ولا تستهبلين على المعلمات

أما هي العكس

الحين صار المؤدب هو الي

يفشل والمشاغب هو الي يرفع الراس <<<ياالمشاغب ترا مالي ذنب إذا اسمكـ كذا

.
.
.

أكيد كلكم عارفين أن يوم الآحد إجازهـ مكرمهـ من الملكـ الله يطول بعمرهـ عشان اليوم الوطني ...

أنا أقولكم خذوا السبت إجازهـ مكرمهـ من هلاليه@ميلانيه ...

هههههههههههههههههه

برايفت لـ طلآب و طالبات المدارس :

أنصحكم تغيبون يوم السبت اصلاً وش الفايدهـ تروحون وبعدين تغيبون يوم الآحد ...

غيـبوا وعلى مسؤليتي

<<<بتورطكم

.
.
.

مبروووكـ لفريق سلآحف الننيجا الفوووز يستاااااهلوون واللهـ

واللهـ يوفق كل فرق المجلس العام ....

إن شاء اللهـ كلنا بنرفع الكأس إذا فاز أحد فرق المجلس ...<<<<دوري كورهـ هو

.
.
.

اللهـ يتقبل منا ومنكم صيامنا وقيامنا ...

وأدري أن الموضوع موب حلو بس تحملوني هالمرهـ

.
.
.

تحياتــي
هلاليه@ميلانيه