والله حتى الامريكان عرفوك يا ياسر....!!! شوف وش يقولوا عنه بعد كاس آآسيا..!! - نادي الهلال السعودي - شبكة الزعيم

عــ ياسر ــاشق · #1 21/09/2007, 05:31 AM

السلام عليكم ورحمة الله وبركاته....

قبل شوي كلمني اخوي في امريكا وقعدنا نسولف عن كم شغله ... وجا طاري الهلال...الا اخوي فاجأني بانه يقول ان فيه عدد معقول في امريكا يتابعوا الهلال عشان ياسر وخصوصا بعد كأس آسيا..!!وكانوا يتابعون المنتخب عشان اللاعب رقم ( 20 )

يقولوا : هذا اللاعب ( ملتي سيستم ) مره نشوفه في الدفاع ومره نشوفه جناح ومره صانع لعب وهداف من الدرجه الاولى... وواحد يقول : لما شفت لاعبكم اتوقعت انه يلعب لفريق كبير في دول اوروبا واتفاجأت انه لم يحترف بعد ..!!

طبعا انا اتشققت من الفرح يوم قال كذا اخوي وخصوصا انه اخوي : اهلاوي ويحب مالك معاذ ويشوف انه افضل من ياسر ( وجهة نظره ) ويقول اخوي: حاولت اقنعهم بمالك انه افضل من ياسر... ولكنهم كانوا يقولوا : لاعب جيد وخطير ولكن ليس بخطورة اللاعب رقم 20 .. يعني ياسر القحطاني...!!!

مبروك علينا ياسر القحطاني...وان شاء الله يوم الاربعاء يكونوا اللاعبين عند حسن الظن....آآآآمين ...!!!

بالمناسبه احب اوجه رساله لياسر القحطاني ان شاء الله توصله : ياسر ترى والله عارفين انك افضل لاعب في المملكه حاليا..وان اهدافك من الطراز الاول... ولكن لي رجاء خاص... جيب هدف بأي شكل مو لازم يكون هدف استعراضي... نبي هدف ان شاء الله دربكه ... واحنا عارفينك ومو محتاجين هدف استعراضي عشان نؤمن بموهبتك... الله يحفظك من كل عين لكل عين ترجيك..!!!
.
.
.

أَبُـو فِـيـصَــل 10 · #2 21/09/2007, 05:37 AM

سلمنــي عـلــى أخــوكـ ..
/

عــ ياسر ــاشق · #3 21/09/2007, 05:38 AM

يوصل يبو فيصل....

مشكور على مرورك...
.
.
.

مشجع الميلان · #4 21/09/2007, 05:40 AM

للأسف ياسر القحطاني لعبه مع المنتخب يختلف عن الهلال ...!!!

مع المنتخب تشوفه يقاتل و يضارب و ينضرب و مع الهلال يحتري الكوره ...

على العموم بنشوفه في مباراة الإياب ...

ولد مافيا · #5 21/09/2007, 05:41 AM

ان شاء الله يجيب هدف

ومشكور على الموضوع

طيار هلالي · #6 21/09/2007, 05:42 AM

صدقت والله بكلمتك الي لازم توصل لياسر وأتوقع أنها واصله من زمان والدليل المباريات الأخيره له
بس ياسر يمشي على خطـا سآمي الي دايم يردد ( يامدور الهين ترى الكايد أحلى )

ياسر لو يستمر على هالمستوى يعني أحترافه في أوروبا مسألة وقت

عــ ياسر ــاشق · #7 21/09/2007, 05:44 AM

إقتباس

الرسالة الأصلية كتبت بواسطة مشجع الميلان


	للأسف ياسر القحطاني لعبه مع المنتخب يختلف عن الهلال ...!!! مع المنتخب تشوفه يقاتل و يضارب و ينضرب و مع الهلال يحتري الكوره ... على العموم بنشوفه في مباراة الإياب ...

في المنتخب معاه مهاجم ثاني.... شوف يوم نزل 7 دقايق في الخليجيه وكان جنبه مهاجم ثاني سجل هدفين ....

ترى ياسر ما ينفع يكون مهاجم حر .. لازم يكون معاه واحد ثاني لان ياسر صانع لعب ممتاز.... جدا....
.
.
.

عشقي الزعيم · #8 21/09/2007, 05:47 AM

حتى الروس يعرفونه بعد

هلاليه خياليه · #9 21/09/2007, 05:49 AM

يستاهل ابو سعيد

دمي أزرق&أبيض · #10 21/09/2007, 05:49 AM

قلهم يقولون ما شاء الله

الله يستر من العين

هلالي مـطـنـوخ · #11 21/09/2007, 05:50 AM

سلم على اخوك وياسر لايحتاج لتعليق فهـــو كبيــر مع المنـتـخب ومـــع الـــهلال والله يحفظه من كل مكروه واللهم رد كيدهم في نحورهم ... ننتظر الأربعاء انشاءالله القناص بيمتعنا كعادته

الف شكر

هلالي في مانع · #12 21/09/2007, 05:51 AM

سلمليــ على اخووكــ.!!

الازرق المسالم · #13 21/09/2007, 05:51 AM

والله ياسر يستاهل

مشجع الميلان · #14 21/09/2007, 05:52 AM

إقتباس

الرسالة الأصلية كتبت بواسطة عــ ياسر ــاشق


	في المنتخب معاه مهاجم ثاني.... شوف يوم نزل 7 دقايق في الخليجيه وكان جنبه مهاجم ثاني سجل هدفين .... ترى ياسر ما ينفع يكون مهاجم حر .. لازم يكون معاه واحد ثاني لان ياسر صانع لعب ممتاز.... جدا.... . . .

صحيح هذا بيأثر .. ولكن وين المقاتل على الكوره ...

اذا شفته مع المنتخب تقول ما فيه أمل تنتهي المباراة وهو ما جاب هدف .. ومع الهلال ما فيه ذاك الاصرار الكبير مثل المنتخب ...!!!

AL PACINO · #15 21/09/2007, 05:55 AM

انا اشهد والله ياسر واني احب هاللاعب محبة كبيرة جدا جدا مع اني كنت اكرهه اول ماجا الفريق ولكن الحين ورب الكعبة اموت فيه
واذا شفته يلعب ارتاح قلبي راحة عجيبة
واتمنى يكون بجانبه طارق التايب او فهد المبارك لان هالاثنين سريعين ومراوغين وراح يريحون ياسر ويخلونه غير مراقب والعكس صحيح