ما شاء الله علينا . . . كنا متفائلين ذاك اليوم . . . وعطونا . . . . . ؟ - نادي الهلال السعودي - شبكة الزعيم

الزعـ الـفـيـصـل ـيمـ · #1 22/09/2007, 05:14 AM

مساء الخير جميعا

نهائيين ورا بعض
.
.
وكلهم على نهائي ملكي يعتبر أمنية كل نادي سعودي
.
.
وقبل مباراة النهائيين ما شاء الله علينا إحتفالاتنا عمت الرياض وحنا مالعبنا أصلا وكأننا فايزين
.
.
وآخرة الفلم بالنهائي الأول 3 والنهائي الثاني قلبو علينا النتيجه ( خوش تفاؤل والله )
.
.
حلو من الإنسان يكون متفائل لكن لازم التفاؤل يكون بحدود ولا يوصل لحد الإفراط
.
.
تكفون اخواني تفائلو بحدود المعقول
.
.
لو أني من برى المنتدى كان قلت الهلال راح يلعب مع فريق من جيبوتي ( مع كل الإحترام والتقدير )
.
.
إحترام الخصم أول الطريق للفوز ولا تنسون إن الوحده فريق كبير والكل عارف لكل مباراه ظروفها
.
.
أعطو كل ذي حق حقه
.
.
تحياتي للجميع

تفاريس الشمري · #2 22/09/2007, 05:16 AM

فالك الفوز بس انت قول ان شاء الله

AL PACINO · #3 22/09/2007, 05:17 AM

حنا ماقلنا شي بس لا تلومنا ياخي في تفاؤلنا الزايد يعني لا صار الفريق مافيه روح ويلعب تسنه ضامن الفوز حنا شذنبنا حنا نقول هالكلام على مستوى الفريق في مبارياته السابقه
وباذن الله الهلال يفرحنا

الزعـ الـفـيـصـل ـيمـ · #4 22/09/2007, 05:17 AM

إن شاء الله
والله ياخوي تفاريس الشمري خايف من هالتفاؤل يودينا ورى الشمس

عموما مشكور على مرورك

الزعـ الـفـيـصـل ـيمـ · #5 22/09/2007, 05:18 AM

أخوي AL PACINO كل مباراه لها ظروفها

وبالتوفيق للزعيم

الازرق المسالم · #6 22/09/2007, 05:29 AM

نقول ان شالله وربك ييسر

الزعـ الـفـيـصـل ـيمـ · #7 22/09/2007, 05:31 AM

يارب والله يستر

هلالي جامعه البترول · #8 22/09/2007, 06:18 AM

المباراه هلاليه باذن الله بشرط واحد .. وهو عدم التهاون بالوحده الاماراتي .........!!

باذن الله زعيم اسيا لن يخيب جماهيـــره

........!!

الزعـ الـفـيـصـل ـيمـ · #9 22/09/2007, 06:27 AM

أخوي هلالي جامعه البترول

هذا الكلام اللي المفروض يصير وهو عدم التهاون بالخصم ولا التفاؤل المفرط فيه

نــــــــــدى · #10 22/09/2007, 07:35 AM

إقتباس

الرسالة الأصلية كتبت بواسطة هلالي جامعه البترول


	المباراه هلاليه باذن الله بشرط واحد .. وهو عدم التهاون بالوحده الاماراتي .........!! باذن الله زعيم اسيا لن يخيب جماهيـــره ........!!

مثـــل مبارة الهلال ضد الكويت الكويتي بالدور الاول وانتهت 1/1
لا وبآخر الدقائق جاء الهدف
أعتقد يوم الأربعاء مويوم الهلال والله يستر
والوحده بفرصتين بالتعادل الأيجابي أو الفوز والهلال بفرصه واحده ماغيرها الفوز وصعبه عليهم والدليل مباراتهم ماقدروا الهلال يسجلون هدف واحد
والوحده ياحظهم الهدف يجي في ثانيه مو دقيقه .

قناص الجبيل · #11 22/09/2007, 10:38 AM

إقتباس

الرسالة الأصلية كتبت بواسطة هلالي جامعه البترول


	المباراه هلاليه باذن الله بشرط واحد .. وهو عدم التهاون بالوحده الاماراتي .........!! باذن الله زعيم اسيا لن يخيب جماهيـــره ........!!

والروح ... اللعب بروح ...

وحظور سامي الجابر

هلاليه والزعامه ليه · #12 22/09/2007, 10:42 AM

تفائلو بالخير تجدوه

سور الهلال العظيم · #13 22/09/2007, 10:52 AM

اتفق معك كثيراً فيما طرحت لان بصراحه

جمهورنا يحسب ان في الرياض خلاص يعني الفوز بالجيب

انا اتمنى من الاعبين اول شي وثاني شي الجمهور عدم التفائل كثيراً

لان احد اسباب الخساره للهلال هي التفائل الكبير والغير مستغرب مننا كهلاليين دائماً متعودين على منصات التتويج والذهب

وعلشان كذا اتمنى من كل الجمهور عدم التفائل لانه هو سيؤدي بنا الي الهاويه !!

الهلال السهم القيادي · #14 22/09/2007, 11:04 AM

كـــلامك عين العـــقل

و بيني وبينك اخوي خل الجمهور يتفائل بيدينه ورجلينه ، اهم شي اللاعبين هم الي ما يصابون بالتخدير الإعلامي ، ويحسون انهم ضامنين النتيجه،،،

بالتوفيق للهلال يارب

Blue longing · #15 22/09/2007, 11:42 AM

صدقت يالغالي .. ولما يجي اللاعب ويشوف التفائل المفرط بيقول ايه ضامنين الفوز
ويدخلون المباراة وهم ضامنين الفوزز .. لااااااااااا مانبيهم ضامنين الفوز

نبيهم يدخلون المباراة وناقصهم ثلاث اهداف ع الاقل .. وإن شاء الله يبيضون الوجه