كريسيدا
شخص شديد و شعبي و تحب الفزعة و لا تحب الميوعة كابرس
مهبول و حق فرفشة و سعة صدر لكنك مخفة


مازدا
تحس دائما أن ودك توقف عند الأشجار ( بدافع غريزي كون أن معك بقرة)

مكسيما
طايش و متهور تظن أن معك فيراري عشان كذا دايما داعس على البنزين للآخر

ألتيما
نويعم دايم تمشط شعرك عند الإشارات

هوندا اكورد
مصدق نفسك أن سيارتك شخصية


بي أم دبليو
ياهووووووووه من قدك

كادليك
تفرح بالمطبات عشان تطامر

ددسن
تحس أن أسمك هيثم و ودك تشرب كابتشينو دايم

لنكون
شعرك عرادة و تحب المعسل


فياقرا
ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون

سني
خفيف وزن و عقل في نفس الوقت

بيوك
عندك كرشة تروع

بنوفيل
دمك ثقيل و وزنك اثقل

لاند كروزر
فنان تطعيس بس الأخلاق تجارية


روفر
الله يخلف عليك

هوندا سيفيك
مشغل نفسك كل يوم تغسلها و تلمعها

اس تي اس
كل يوم رايح للوكالة عشان يا تصلح يا تسوي لها صيانة

سفاري
تحب الطواقي الزري و الدخان

سوبربان
تجمع عرابجة حارتكم عشان تدورون في التخصصي وتزعجون خلق الله


كورولا
أكبر ما فيك رأسك و مع ذلك ما تستخدمه

سوبارو
رياضي و تحب المشاكل

سدرك
موسوس و بخيل

زد
مشبوه و عند كل نقطة تفتيش الله يعينك

موستنق
تظن إن الناس تناظر و هي معجبة مع أنها في الحقيقة تتحمد عليك

جاكور
مسوي فيها أوروبي و أنت ما في راسك

بيجو
فاهم الدنيا غلط

جمس صحن
عصبي و مرجوج و قمة سعادتك أنك تحدد خلق الله

كامري
مقتصد في الفلوس بس مسرف في البربة و السواليف

لكزس 400
دايم مهدي و راز خشمك بس في النهاية ما معك إلا تيوتا


أودي
شكلك شخصية و ثقيل بس لين تكلمت خربت الشغلة كلها

تيرسل
تحب تفرفر بين السيارات و تزعج الناس بالبواري


ميركوري
شايف نفسك و مغرور

كراون
حبيب و هادي

كرايسلر
غثيث و بثر

انفنتي
رسمي مهتم بشكلك أكثر من عقلك

كابرس أس أس
خفيف دم و مجلسك ما ينمل منه

جيب شروكي
مجنوووووووووووون بر و سوالف

هوندا ليقند
تحب تقزقز و تتلفت على خلق الله

سزوكي
تحب تدور عند المدارس

ايسوزو
مكروه من قبل الناس لأنك ببساطة كتمت أنفاسهم بالديزل

لكزس 300
أنيق و جذاب

كراون فكتوريا
مجنون كورة و تحب الفصفص

هونداي
مزعج خلق الله بالمسجل ...كن محد عنده مسجل غيرك

لومينا
وش حليلك بس المشكلة أنك متعصب بزيادة لناديك

شبح
مشخص رغم أنها راحت عليك


رجاء ما احد يزعل تراه استفتاء من شخص لا تصدقون الكلام

ياخوي ماعندكم غير هالموضوع عرض هنا اكثر من عشرين مرة !!!!!

وين المشرف اللي حذف موضوعي البارحة رغم اهمية دينيا وحرية راي ?????

الموضوع مكرر على هذا الرابط :-

http://alzaeem.com/vb/showthread.php?threadid=44872
أخوي المطفوق..
كلنا نعاني من حذف مواضيعنا بدون اسباب مقنعة..خلك طبيعي ..

طيب والسوناتا

تبون الصراحه اني ما دريت انه موجود من قبل

و اخوي السوناتا في الاستفتاء الجاي

هههههههههههههههه

يا شباب الصور وينهي تراها مهيب عندي

الموضوع مكرر وسبق أن طرح والرجاء كتابة المصدر عند النقل ..

ويمكنكم مشاهدة الموضوع على هذا الرابط

http://alzaeem.com/vb/showthread.php?threadid=44872

ولذلك أقدم عذري لك أخي أن الموضوع سوف يغلق ..

الأخوان المطفوق & مجنون هلالي ..

أشكر لكم حرصكم على عدم التكرار ولكن لو أبلغتم المشرفين لكان الإغلاق اسرع ..


(( الإختلاف في وجهات النظر لا يفسد للود قضية )) حطوها في بالكم

وكلنا جمعنا حب الزعيم .. أولا وأخيرا ..

تحياتي للجميع ،،،


أخوكم / البارق .