<><> يوميات الأعضاء في رمضان مع خالي من الهم <><> - نادي الهلال السعودي - شبكة الزعيم

المنتدى الاستشاري · #1 21/09/2007, 03:33 AM

فكرة : سندريلا الهلال
متابعة : سهل - القاضي
تصميم : عاشق بو يعقوب
إعداد : الفيروسه الزرقاء

مرحباً بكم احبتي مع ضيفنا السابع في يوميات الأعضاء في رمضان
وضيفنا اليوم زعيــم متألــق هو خالي من الهم

بسم الله الرحمن الرحيم
السلام عليكم ورحمة الله وبركاته

مساكم الله بالخير/صبحكم الله بالخير.

أولا يشرفني أن اكون أحد ضيوف هذا الموضوع المميز

وأشكر كل القائمين على هذا المجلس العام من مشرفين وإستشاريين.

حقيقه كان يومي السابع من رمضان يوم مليء بالأكشن ومثير وياحليله من يوم

.

كان من المفروض أن أذهب للرياض يوم الثلاثاء وحجزت وخلصت أموري وقطعت التذكره ولكن للأسف طلع الحجز على الاربعاء بالليل

.

شغلت اتصالاتي والوسايط وتدبر لي حجز يوم الأربعاء الساعه 7ونص الصباح

.

وهنا بدأ اليوم .

بعد صلاة الفجر إتجهت إلى مطار أبها وكان موديني أخوي الصغير وعيونه فيها الحقد لأني ما خليته ينام

وحنا بنص الطريق أو أكثر أدور بجيبي التذاكر طلعت ناسيها في البيت طبعن أولا ما قلت لأخوي وقلت له إرجع للبيت نظر إلي بحقد وقال حسبي الله ونعم الوكيل منك لله ياشيخ

.

ويرجع ماشي طبلونه وأخذت التذكره شافنتي أمي سألت وش مرجعك قلت نسيت التذكره تدرون وش قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك

)

عاد لا أحد يسألني وش درا أمي بالمجلس لأني مثلكم تفاجأت<<<<< ترا مو قايلها ولا شيء

.

المهم وصلت المطار وأول ما نزلت تتوقعون أخوي نزل يتوادع مني ولا شيء والله قال مع السلامه ونزلت الشنطه وأنواع العج بوجهي

.

ركبت طيارتي وأقلعنا الساعه 7ونص وصلنا الساعه 9 سالمين غانمين وذهبت وأستأجرت لي شقه .

عاد الشور يقول نام وبالفعل نمت على الساعه 10 ونص إلا والمزعج ميسي متصل الساعه 11 وربع بالله فيه أحد يتصل الساعه 11 بنهار رمضان وصرفت ميسي وأرجع أنام ويأذن وأقوم اصلي الظهر والعصر قصرا وجمعا تعرفون مسافر.

بعدين نمت وعلى المغرب صحيت.

وأنا أصيح ما فيه فطور ولا شيء أدق على الريسبشين قلت فيه قهوه وتمر قال ايه قلت فيه عصير قال إيه فرحت قلت طيب فيه سمبوسه قال لا لا لا لا

.

وأنا أصارخ من الحزن والألم كيف أفطر بلا سمبوسه ولكن طبقت المثل الي يقول ما مع المتحمد إلا عشاه

.

أفطرت وصليت المغرب ورجعت وشفت طاش وميسي أنواع الإزعاج يالله يالله أنا توقعت الشباب مجتمعين لأني خابرن إن حنا ألغينا الإستراحه الزبده خلص مسلسل بيني وبينك وذهبت للعليا كي أقابل ميسي طبعن رحنا لكافي وتخيلوا كان ميسي لوحده وأسأله وين العيال قال محد جاء قلت الشرهة على الي يركن عليك وينك بس يا أبو مقبل وينك

.

وندخل الكافي ونطلب اثنين آيس موكا

وتبدأ المباراه وحقيقة أكثر شيء ضايقني بالمباراه إن الأخ المشـــاغب أزعجني بإتصالاته الرجال مصدق نفسه إنه خليل الزياني ولا حمود سلطان وهو يحلل

.

والحمد لله كانت النتيجه جيده نوعا ما.

طلعت مع ميسي وياليتني ما طلعت سياره ما فيها مكيف خرب مكيفها اليوم

وأنواع الحر وخلصنا كرتونين فاين تقولون إني هندي راكب بالباصات الي بالبطحاء ولكن كله يهون لجل عيون ميسي

.

بعدين حلف علي بالعشاء وتعشينا الله يخلف عليه بس أكثر شيء ضايقني مع المكيف الخربان إن المشاغب لا زال يتصل ويحلل وهو من جنبها بس المصيبه الأكبر أبو طلال أتصل بي تدرون حتى أبو طلال أزعجني بالتحليل ياحبني لك يا أبو طلال وياسلطان حدكم خرفنه ومجلس والتحليل خلوه للسامي كسمو الهلال

.
بعدين قلت لميسي ممكن تقطني شقتي وقسمن بالله ساعه وأكثر لجل يدل ميسي الشقه تخيلوا من العليا للمصيف ما يدل

ياعيني عليكم يا عيال الرياض

وأسالوا ميسي عن الجيبوتي الي كان عند الاشاره

.

وصلت الشقه سالما غانما معافا وقد أخذت لي حمام سونا مجانا في سيارة ميسي

دخلت الشقه واخذت لي كوب شاهي وابي اريح فأتذكر إن اليوميات علي قلت بروح أرسلها لا يهزأني عادل وعادل هالايام ماغير يعصب علي ليه مدري

.

ووصلت لأحد المقاهي لجل أكتب لكم قصة حياة يومي

المليء بالمواقف.

ما يستفاد من يومي هذا.

*الي ما عنده واسطه بالخطوط الجويه ياحليله

.

*لا تركب بسياره في الرياض ما فيها مكيف

.

*إكتشفت أن أبو طلال والمشاغب مالهم بالكوره أبد الكوره بوادي وهم بوادي ولا الوحده كان أحسن منا ياسلطان

.

*لا أحد يسوي إستراحات وخرابيط إذا أبو مقبل مو في السالفه وآه يا ماجد

وآسف على الإطاله ولكن أن طبقت الطلب الي جاني من الأخوان يوم قالوا أذكر بالتفصيل الممل وهذا أنا ذكرت بالتفصيل والخياطه بعد

.

ختاما أكرر شكري للأخوان مشرفي وإستشاري المجلس العام على إتاحة هذه الفرصه لي للتواصل مع جمهوري العزيز <==== وش عنده ياسر القحطاني

.

وكل عام وأنتم بخير وبصحه وسلامه.

كل الشكر للمبدع خالي من الهم وانتظرونا غداَ مع ضيف آخر

.

أرق التحايا وأطيبها من
مشرفي واستشاري
المجلس العام

وليد القحطاني · #2 21/09/2007, 04:54 AM

" أتشرف إني أكون أول واحد يرد عليكـ "

بصراحة أمك وشدراها من جد .. !!

المهم الجو عندنا في الظهران روووعة هاليوم

لكن الله يعينك ع الرياض وحره ..

وبصراحة كان جلست في ابها أحسن لكـ ..

واخوك شكله حاقد عليك عليك إلى الأن ..

المهم قصتك شيقة للغاية ..

وعساكـ ع القوة

" تقبل مروري "

الـمـشـاغـب · #3 21/09/2007, 04:54 AM

هلا وغلا عبدووول

والله ما ينلام أخووك .. عز الله أنه كفو اللي ما وادعك أنت وخشتك

يومية رائعة مليئة بالتدليس

ولكن الحمد لله عندنا شاهد .. ألا وهو أبو مسمس

إقتباس


	قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك

ــخخخخخخخخخــ

الله يحفظها لك .. بالله سلم لي عليها تكفى

إقتباس


	وأنا أصارخ من الحزن والألم كيف أفطر بلا سمبوسه ولكن طبقت المثل الي يقول ما مع المتحمد إلا عشاه

ذكرتني بشريط أبو مشهور .. يوم حششوا بعد الغداء قرروا يصومون

.. ولما تذكروا أن ما عندهم سمبوسة انصدموا

كيف يصومون بدون سمبوسة وبغوا يهونون من الصوم

بس أبشرك حصلوا لهم سمبوسة

إقتباس


	وتبدأ المباراه وحقيقة أكثر شيء ضايقني بالمباراه إن الأخ المشـــاغب أزعجني بإتصالاته الرجال مصدق نفسه إنه خليل الزياني ولا حمود سلطان وهو يحلل

أنا الحين ما عندي سالفة؟

وأنا اللي مزعجك أبي أحلل لك أنت وخشتك؟

يالدب أنا أصلاً ما أحب أحلل .. وأصلاً خلاص ما عاد تهمني الكورة ما دام بعض الناس فيها

بس اللي قهرني لما تتصل فرحان وتبشرني بالتعادل وتقعد تمدح الفريق .. انغبت على حالنا اللي صرنا نفرح
فيه على التعادل مع فريق خليجي بمستوى متوسط وممل

عشان كذا تكلمت عن دكة البدلاء اللي لما شفتها ينقصم ظهري من اللي فيها .. ما فيها لاعب عليه الكلام..!!
عموماً أنا متمسك برأيي أن الفريق بوجود بعض الناس اللي تعرفهم ما راح يحقق نتيجة

وقل ما قاله ألبرتو المشاغب بيريرا

إقتباس


	حتى أبو طلال أزعجني بالتحليل ياحبني لك يا أبو طلال وياسلطان حدكم خرفنه ومجلس والتحليل خلوه للسامي كسمو الهلال

يا حبي لك أبوطلة.. يعرف الهلال زين

شف يا عبدول .. صدقني الفريق لو كان هو الهلال اللي نعرفه .. ما كان حتى مسكنا قلوبنا من الخوف عليه..!!
لكن للأسف .. الرئيس راح يصيف .. والنصر والاتحاد وغيرهم يتعاقدون .. وصرنا نلعب بدون أي لاعب جديد..!!

إقتباس


	وأسالوا ميسي عن الجيبوتي الي كان عند الاشاره

ما علمتوني عن الجيبوتي؟

إقتباس


	وصلت الشقه سالما غانما معافا وقد أخذت لي حمام سونا مجانا في سيارة ميسي

هذا جزاك يا ميسي .. حمام السونا تسويه له ببلاش وهو قاعد يذب عليك

إقتباس


	إكتشفت أن أبو طلال والمشاغب مالهم بالكوره أبد الكوره بوادي وهم بوادي ولا الوحده كان أحسن منا ياسلطان

راجع حساباتك أنت وفريقك ذا .. ترى الآسيوية مهرها غالي .. فإذا ما جبت أنت وخويك ذاك لاعبين عليهم القيمة

فلا تحلمون بالآسيوية..

إلا تعال .. تراي ما قلت الوحدة كان أحسن من الهلال .. بس الهلال كان سيء وكان

من حظه ان الوحدة أسوأ .. ولو لعب الوحدة بنفس الروح اللي يلعب بها العين قدام الهلال كان شفناك الحين تطالب

باستقالة اللي في بالي بالك..!!

---------------

يومية رائعة لعضو رائع .. ممتعة بحق..!!

ألف شكر لكم على الاستضافة..!!

خالي من الهم · #4 21/09/2007, 09:13 AM

إقتباس

الرسالة الأصلية كتبت بواسطة الـمـشـاغـب


	هلا وغلا عبدووول والله ما ينلام أخووك .. عز الله أنه كفو اللي ما وادعك أنت وخشتك يومية رائعة مليئة بالتدليس ولكن الحمد لله عندنا شاهد .. ألا وهو أبو مسمس ــخخخخخخخخخــ الله يحفظها لك .. بالله سلم لي عليها تكفى الله يسلمك بس ليه الحقد يوم تقول أحسن ما سوا فيني أخوي ليه تقولون لي عبدول ليه القساوه دي ليه ليه ليه <=====قلبها مناحه ذكرتني بشريط أبو مشهور .. يوم حششوا بعد الغداء قرروا يصومون .. ولما تذكروا أن ما عندهم سمبوسة انصدموا كيف يصومون بدون سمبوسة وبغوا يهونون من الصوم بس أبشرك حصلوا لهم سمبوسة متأثر بسوالف المحششين والمشممين <<<< أتحدى يفهم هالكلمه أحد غير سلطان وآه يالسمبوسه أنا الحين ما عندي سالفة؟ وأنا اللي مزعجك أبي أحلل لك أنت وخشتك؟ يالدب أنا أصلاً ما أحب أحلل .. وأصلاً خلاص ما عاد تهمني الكورة ما دام بعض الناس فيها بس اللي قهرني لما تتصل فرحان وتبشرني بالتعادل وتقعد تمدح الفريق .. انغبت على حالنا اللي صرنا نفرح فيه على التعادل مع فريق خليجي بمستوى متوسط وممل عشان كذا تكلمت عن دكة البدلاء اللي لما شفتها ينقصم ظهري من اللي فيها .. ما فيها لاعب عليه الكلام..!! عموماً أنا متمسك برأيي أن الفريق بوجود بعض الناس اللي تعرفهم ما راح يحقق نتيجة وقل ما قاله ألبرتو المشاغب بيريرا طيب قل من بعض الناس الي تقصد ولا خايف أنا أبي أعرف وش هالفلسفه يا ألبرتو المشاغب بريرا ثانيا ترانا بمجلس العام مو بمنتدى الجمهور يخوي من أمس ما غيرت السالفه أزعجت راسي يا حبي لك أبوطلة.. يعرف الهلال زين أما أبو طلال يعرف الهلال زين قويه شف يا عبدول .. صدقني الفريق لو كان هو الهلال اللي نعرفه .. ما كان حتى مسكنا قلوبنا من الخوف عليه..!! لكن للأسف .. الرئيس راح يصيف .. والنصر والاتحاد وغيرهم يتعاقدون .. وصرنا نلعب بدون أي لاعب جديد..!! ولا زال الأخ في الله يناقش مواضيع منتدى الجمهور في المجلس العام ترا والله أزعجتني ياخي الهلال بيفوز إنشاء الله طيب الهلل مو كويس خلاص ما علمتوني عن الجيبوتي؟ هذا ياشباب بما إن الكثير سألني وش سالفته ميسي وقف عند الإشاره يبي يدل المصيف وقف عند سواق جيبوتي يسأله خلا السعوديين وراح للجيبوتي تخيلوا السواق كان سكران ولا فهمنا منه كلمه بس يمين يسار والله ياشباب أول ما فتحت الاشاره الا والسواق ملحم فينا من الخلف ليه ما أدري ويبي يصدم ميسي وميسي يفرك ويدخل الخدمه وكدنا أن ننقلب إلا وقتكم أبي أعرف وش قلب مزاج الجيبوتي هذا جزاك يا ميسي .. حمام السونا تسويه له ببلاش وهو قاعد يذب عليك لا تدخل بيني وبين ميسي نتهاوش نتخاصم بكيفنا اللهم إكفنا شر الحاسدين يكفي إنه الوحدي الي إلتزم بالوعد راجع حساباتك أنت وفريقك ذا .. ترى الآسيوية مهرها غالي .. فإذا ما جبت أنت وخويك ذاك لاعبين عليهم القيمة فلا تحلمون بالآسيوية.. إلا تعال .. تراي ما قلت الوحدة كان أحسن من الهلال .. بس الهلال كان سيء وكان من حظه ان الوحدة أسوأ .. ولو لعب الوحدة بنفس الروح اللي يلعب بها العين قدام الهلال كان شفناك الحين تطالب باستقالة اللي في بالي بالك..!! الي بالي بالك ما قصر وهو خويي على عيني وراسي وما راح يستقيل والهلال صح ضيع فرص بس بشكل عام كان جيد يوووووه نسيت ان حنا بالمجلس غربلك الله يا سلطان --------------- يومية رائعة لعضو رائع .. ممتعة بحق..!! ألف شكر لكم على الاستضافة..!!

مشكور ياقلبي على المرور الي يشوف ردك وردي عليك يقول جارات يتناقرون

والي يشوف كلامنا تحت يقول بسم الله عليهم لا عدمت ياغالي.

ترا الرد داخل الاقتباس لاني داري سلطان مفهي شوي

f*y*d · #5 21/09/2007, 04:57 AM

عليك يوم تنسيم واشوف فيه دق ع الشيعة

<<< شطحة مال امها دخل

اعذرني صايم << ياخوي كلها ربع ساعة الفجر

قصدي فيها دق ع السلاحف

يا انه بيحصلك شي مو طيب شام ريحة ردود تحتي قوييييية

^

الله يعين

إقتباس

الرسالة الأصلية كتبت بواسطة المنتدى الاستشاري


	ويرجع ماشي طبلونه وأخذت التذكره شافنتي أمي سألت وش مرجعك قلت نسيت التذكره تدرون وش قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك ) عاد لا أحد يسألني وش درا أمي بالمجلس لأني مثلكم تفاجأت<<<<< ترا مو قايلها ولا شيء .

ياهالمجلس خرب علينا حياتنا الاجتماعية

امس واحد الله يستر علينا وعليه بيطلع من الغرفة قلتله بصوت عالي "وين وين"

تحس اخلاقي تجاارية حتى انا حسيت فيها

مابقى الا يقوللي برب أرد ع الموضوع

الله يعافي أمك وكل امهاتنا ان شاءالله

والله ضحكتني

مايستفاد :::

* ان ردي خلصت بطاريته من الرفع

* ان ماعندك واسطة رفع فـ بتضيع

<< محد فهم الا وهابو

يللا سلام

هلالي جامعه البترول · #6 21/09/2007, 05:02 AM

يوميات رائعه مع زعيم متألق

خالي من الهم

ياخوي احسك رسمي بقوه <<< الله أعلم

بصراحه رحمت أخوك من كثر المشوره وخصوصا على الصباح وبرمضان بعد .......!!

سلم لي على خالتي وابسألها سؤال من وين تعرف المجلس العام

........!!

أما عن تحليلات سلطان فتعلمني فيها ... من يحلل سلطان تحس انه شايف مباراه ثانيه .... بصراحه هو ماله بالتحليل <<< بس فضولي مررره

مشكور خالي وأكوس موضوع على الصباح هو موضوع يوميات الأعضاء وخصوصا لما تكون مع خالي من الهم ................!!!

badori999 · #7 21/09/2007, 05:27 AM

يعطيك العافيه خالي ...

وش جابك من البراد للحر ...

اكيد عرفت قيمة ابها يوم جيت للرياض...

يسلمو...

تقبلوا مروري...

رعبوبة الزعيم · #8 21/09/2007, 05:59 AM

هلا والله اخوي خـالي من الهم ..

الحمد لله على سلامتكـ ..
واخوكـ ماينلام انا اختي الصغيره لو اقول لها جيبي لي مويه من المطبخ تنافخ علي
عيال هالزمـن

<<وانتي من وين ان شالله

إقتباس


	شغلت اتصالاتي والوسايط وتدبر لي حجز يوم الأربعاء الساعه 7ونص الصباح

ايه والله الحياة بدووون واسطات يخترب المحركـ حقها <<تشبيه

إقتباس


	قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك )

الله يخليها لكـ يااارب ..

هذا ان دل على شي فيدل على الشهره الواسعه حقت مجلسنا

إقتباس


	وأنا أصيح ما فيه فطور ولا شيء أدق على الريسبشين قلت فيه قهوه وتمر قال ايه قلت فيه عصير قال إيه فرحت قلت طيب فيه سمبوسه قال لا لا لا لا .

صوم وفطور بدون سمبوسه ماتجي ابد..
اصلا مااشتهي الفطــور الا لما اشوف السمبوسه قدامي ..

يوميــات رائعه ومتعبه وممتعه خصوصا بحمام البخار اللي
اخذته من سيارة ميسي

الله يعطيكـ العافيه اخوي..

هامور البورصه · #9 21/09/2007, 06:39 AM

هلا والله عبد الوهااب

يا عيب الشوم تجتمع انت وهالسحليه ليو ميسي ولا تقولون لنا افاا بس افا

الحين ماني قاايلك ان جمعية البر والرفق بالبريه دااقين علي يقولون وين يمكن نلقى ميسي

يدورونه يقلوون سحليه يمكن تنقرض

المهم يااخي وش هاليوم الي كله عرق

بالله عليك انت صااحي تركب مع يسلم مهبووول

هذاك اليوم اوصف له كافي اقوله وينك فيه يقولي انا بين الفيصليه وشاارع

قلت لا والله يعني وين قال قداامي بنات وااجد والفيصليه ع يسااري

قلت يعني قدامك طريق الملك فهد قال ايه

قلت الله يا خذ العدول بسرعه اطلع عليه عاني دااق فليشر

واخيراً شاافني وبغيت اصدم عشانه

ورحنا للكافي وجو العيال

المهم عبد الهادي الله يعطيك العاافيه يوم قميل نفس صحبووه

سلاميشوو

خالي من الهم · #10 21/09/2007, 06:48 AM

إقتباس

الرسالة الأصلية كتبت بواسطة هامور البورصه


	هلا والله عبد الوهااب المهم عبد الهادي الله يعطيك العاافيه يوم قميل نفس صحبووه سلاميشوو

ياشباب وش اسمي عبدالوهاب ولا عبدالهادي برجع للردود بعدين بس مدري حيرني هذا من وين جاب عبدالهادي

هلاليه كووول22 · #11 21/09/2007, 05:46 AM

يعطيك العافيه ...
والله يعينك على حر الرياض
ومشكور

كل الفن هلالي · #12 21/09/2007, 05:47 AM

مرحباً بكم احبتي مع ضيفنا السابع في يوميات الأعضاء في رمضان
وضيفنا اليوم زعيــم متألــق هو خالي من الهم

هلا وغلا ومليون هلا بالغالي

خالي من الهم ومليئ بالحب والاحترام والتقدير

المهم وصلت المطار وأول ما نزلت تتوقعون أخوي نزل يتوادع مني ولا شيء والله قال مع السلامه

ونزلت الشنطه وأنواع العج بوجهي

.
ههههههههههههههههههههههههه

ما الوووومه والله انت ويا وقت رحلتك اللي ما ادري وش يبي

!!

طلعت مع ميسي وياليتني ما طلعت سياره ما فيها مكيف خرب مكيفها اليوم

وأنواع الحر وخلصنا كرتونين فاين تقولون إني هندي راكب بالباصات الي بالبطحاء ولكن كله يهون لجل عيون ميسي

.

ههههههههههههههههههههه

مصدق انت انوو خربان مكيفه ذاك اليوم من اول خربان

لان الرجال خجل منك ولا هو ما يستخدم المكيف خير شر

ولو انه في عز القايله تلاقيه داق اللطمه ومسكر الدرايش

بعدين حلف علي بالعشاء وتعشينا الله يخلف عليه بس
كفو والله يا ميسي راعي واجب ونشمي

يعطيك العافية ويومك جميل مثلك تماماً
وحقيقة دامك في صحبة ميسي عزالله انك كسبان

الف شكر وكل عام وانت بخير اخوي الغالي خالي من الهم

الهنوووف · #13 21/09/2007, 07:02 AM

وعليكم السلام ورحمة الله وبركاته

نسيت التذكرة ياربي

مشكله
ابوي قبل يطلع لازم يتاكد الف مره ياحبي له

مو مثلكم عجلين

زين اخوك رجعك فيه صبررر لو منه ركبك تاكسي

إقتباس


	ويرجع ماشي طبلونه وأخذت التذكره شافنتي أمي سألت وش مرجعك قلت نسيت التذكره تدرون وش قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك

إقتباس


	) عاد لا أحد يسألني وش درا أمي بالمجلس لأني مثلكم تفاجأت<<<<< ترا مو قايلها ولا شيء .

الله يحفظهاا
اتوقع بعد فتره امهاتنا بيسجلووون ام الهنوووف ام فلان وام فلانه

إقتباس


	*لا أحد يسوي إستراحات وخرابيط إذا أبو مقبل مو في السالفه وآه يا ماجد

الله يرحم عمــه ويرجع ماجد للمجلس ان شاء الله وتجتمعووون

مره ثانيه

ميسي
لاعاد تركبه جاحد هالولد شكله

يعطيك العافيه اخووي خالي من الهم على هاليوميات
والحمد لله على سلامتكــ

شكرا للجميع

فرصه ضايعه · #14 21/09/2007, 07:42 AM

وعليكم السلام ورحمة الله وبركاته

هلا والله بـ عبدالهادي <<< تكمل مع هامور

الحين أنت وش جايبك للرياض

<<< وش لقفك

لا يكون عشان اجتماعهم وجحدوك

كنسلوه وماراعوا شعور ناس جايين من بعيد

ياعيب الشوم عليكم بس شبابنا

<< طبت فيهم وهي ماتدري صح تخمينها ولا غلط

إقتباس


	تدرون وش قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك )

ياعميري على أهالينا

مسنترين بذا المجلس الله لا يهبلنا

عشان كذا صموه

إقتباس


	وتخيلوا كان ميسي لوحده وأسأله وين العيال قال محد جاء قلت الشرهة على الي يركن عليك وينك بس يا أبو مقبل وينك

غريبه وراهم ماجوا

...
شكلكم ماسويتوا اتفاق بينكم

إقتباس


	وصلت الشقه سالما غانما معافا وقد أخذت لي حمام سونا مجانا في سيارة ميسي دخلت الشقه واخذت لي كوب شاهي وابي اريح