نادي الهلال السعودي - شبكة الزعيم - الموقع الرسمي - <><> يوميات الأعضاء في رمضان مع خالي من الهم <><>

- أرشيف منتدى المجلس العام (http://vb.alhilal.com/f128/)

<><> يوميات الأعضاء في رمضان مع خالي من الهم <><>

http://upload.alhilal.com/img/008/fasel-yum-rm-mj.jpg

http://vb.alhilal.com/news/bac-4.gif

http://upload.alhilal.com/img/008/bn-yum-rm-mj.jpg

فكرة : سندريلا الهلال
متابعة : سهل - القاضي
تصميم : عاشق بو يعقوب
إعداد : الفيروسه الزرقاء

http://vb.alhilal.com/news/1div.gif

مرحباً بكم احبتي مع ضيفنا السابع في يوميات الأعضاء في رمضان
وضيفنا اليوم زعيــم متألــق هو خالي من الهم :)

http://upload.alhilal.com/img/008/fasel-yum-rm-mj.jpg

بسم الله الرحمن الرحيم
السلام عليكم ورحمة الله وبركاته

مساكم الله بالخير/صبحكم الله بالخير.

أولا يشرفني أن اكون أحد ضيوف هذا الموضوع المميز

وأشكر كل القائمين على هذا المجلس العام من مشرفين وإستشاريين.

حقيقه كان يومي السابع من رمضان يوم مليء بالأكشن ومثير وياحليله من يوم :d.

كان من المفروض أن أذهب للرياض يوم الثلاثاء وحجزت وخلصت أموري وقطعت التذكره ولكن للأسف طلع الحجز على الاربعاء بالليل :eek:.

شغلت اتصالاتي والوسايط وتدبر لي حجز يوم الأربعاء الساعه 7ونص الصباح :cry:.

وهنا بدأ اليوم .

بعد صلاة الفجر إتجهت إلى مطار أبها وكان موديني أخوي الصغير وعيونه فيها الحقد لأني ما خليته ينام :d وحنا بنص الطريق أو أكثر أدور بجيبي التذاكر طلعت ناسيها في البيت طبعن أولا ما قلت لأخوي وقلت له إرجع للبيت نظر إلي بحقد وقال حسبي الله ونعم الوكيل منك لله ياشيخ :sick:.

ويرجع ماشي طبلونه وأخذت التذكره شافنتي أمي سألت وش مرجعك قلت نسيت التذكره تدرون وش قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك :d)

عاد لا أحد يسألني وش درا أمي بالمجلس لأني مثلكم تفاجأت<<<<< ترا مو قايلها ولا شيء :d.

المهم وصلت المطار وأول ما نزلت تتوقعون أخوي نزل يتوادع مني ولا شيء والله قال مع السلامه ونزلت الشنطه وأنواع العج بوجهي :whacko:.

http://vb.alhilal.com/news/1div.gif

ركبت طيارتي وأقلعنا الساعه 7ونص وصلنا الساعه 9 سالمين غانمين وذهبت وأستأجرت لي شقه .

عاد الشور يقول نام وبالفعل نمت على الساعه 10 ونص إلا والمزعج ميسي متصل الساعه 11 وربع بالله فيه أحد يتصل الساعه 11 بنهار رمضان وصرفت ميسي وأرجع أنام ويأذن وأقوم اصلي الظهر والعصر قصرا وجمعا تعرفون مسافر.

بعدين نمت وعلى المغرب صحيت.

وأنا أصيح ما فيه فطور ولا شيء أدق على الريسبشين قلت فيه قهوه وتمر قال ايه قلت فيه عصير قال إيه فرحت قلت طيب فيه سمبوسه قال لا لا لا لا:cry: :cry: :cry: :cry:.

وأنا أصارخ من الحزن والألم كيف أفطر بلا سمبوسه ولكن طبقت المثل الي يقول ما مع المتحمد إلا عشاه :sick:.

أفطرت وصليت المغرب ورجعت وشفت طاش وميسي أنواع الإزعاج يالله يالله أنا توقعت الشباب مجتمعين لأني خابرن إن حنا ألغينا الإستراحه الزبده خلص مسلسل بيني وبينك وذهبت للعليا كي أقابل ميسي طبعن رحنا لكافي وتخيلوا كان ميسي لوحده وأسأله وين العيال قال محد جاء قلت الشرهة على الي يركن عليك وينك بس يا أبو مقبل وينك :cry:.

وندخل الكافي ونطلب اثنين آيس موكا :d وتبدأ المباراه وحقيقة أكثر شيء ضايقني بالمباراه إن الأخ المشـــاغب أزعجني بإتصالاته الرجال مصدق نفسه إنه خليل الزياني ولا حمود سلطان وهو يحلل :laugh:.

والحمد لله كانت النتيجه جيده نوعا ما.

طلعت مع ميسي وياليتني ما طلعت سياره ما فيها مكيف خرب مكيفها اليوم :d وأنواع الحر وخلصنا كرتونين فاين تقولون إني هندي راكب بالباصات الي بالبطحاء ولكن كله يهون لجل عيون ميسي :).

بعدين حلف علي بالعشاء وتعشينا الله يخلف عليه بس أكثر شيء ضايقني مع المكيف الخربان إن المشاغب لا زال يتصل ويحلل وهو من جنبها بس المصيبه الأكبر أبو طلال أتصل بي تدرون حتى أبو طلال أزعجني بالتحليل ياحبني لك يا أبو طلال وياسلطان حدكم خرفنه ومجلس والتحليل خلوه للسامي كسمو الهلال :d.
بعدين قلت لميسي ممكن تقطني شقتي وقسمن بالله ساعه وأكثر لجل يدل ميسي الشقه تخيلوا من العليا للمصيف ما يدل :d ياعيني عليكم يا عيال الرياض :d وأسالوا ميسي عن الجيبوتي الي كان عند الاشاره :laugh: .

وصلت الشقه سالما غانما معافا وقد أخذت لي حمام سونا مجانا في سيارة ميسي :) دخلت الشقه واخذت لي كوب شاهي وابي اريح فأتذكر إن اليوميات علي قلت بروح أرسلها لا يهزأني عادل وعادل هالايام ماغير يعصب علي ليه مدري :d.

ووصلت لأحد المقاهي لجل أكتب لكم قصة حياة يومي :d المليء بالمواقف.

http://vb.alhilal.com/news/1div.gif

ما يستفاد من يومي هذا.

*الي ما عنده واسطه بالخطوط الجويه ياحليله :cry:.

*لا تركب بسياره في الرياض ما فيها مكيف :cry:.

*إكتشفت أن أبو طلال والمشاغب مالهم بالكوره أبد الكوره بوادي وهم بوادي ولا الوحده كان أحسن منا ياسلطان :d.

*لا أحد يسوي إستراحات وخرابيط إذا أبو مقبل مو في السالفه وآه يا ماجد :cry:

وآسف على الإطاله ولكن أن طبقت الطلب الي جاني من الأخوان يوم قالوا أذكر بالتفصيل الممل وهذا أنا ذكرت بالتفصيل والخياطه بعد :d.

ختاما أكرر شكري للأخوان مشرفي وإستشاري المجلس العام على إتاحة هذه الفرصه لي للتواصل مع جمهوري العزيز <==== وش عنده ياسر القحطاني :d.

وكل عام وأنتم بخير وبصحه وسلامه.

http://upload.alhilal.com/img/008/fasel-yum-rm-mj.jpg

كل الشكر للمبدع خالي من الهم وانتظرونا غداَ مع ضيف آخر :) .

أرق التحايا وأطيبها من
مشرفي واستشاري
المجلس العام

" أتشرف إني أكون أول واحد يرد عليكـ "

بصراحة أمك وشدراها من جد .. !! :d

المهم الجو عندنا في الظهران روووعة هاليوم :rolleyes:

لكن الله يعينك ع الرياض وحره ..

وبصراحة كان جلست في ابها أحسن لكـ ..

واخوك شكله حاقد عليك عليك إلى الأن .. :upset:

المهم قصتك شيقة للغاية .. :wink:

وعساكـ ع القوة

" تقبل مروري "

هلا وغلا عبدووول :thumbup:

والله ما ينلام أخووك .. عز الله أنه كفو اللي ما وادعك أنت وخشتك :d

يومية رائعة مليئة بالتدليس :evil:

ولكن الحمد لله عندنا شاهد .. ألا وهو أبو مسمس :pleased:

إقتباس:

قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك

:d ــخخخخخخخخخــ :d

الله يحفظها لك .. بالله سلم لي عليها تكفى :)

إقتباس:

وأنا أصارخ من الحزن والألم كيف أفطر بلا سمبوسه ولكن طبقت المثل الي يقول ما مع المتحمد إلا عشاه

ذكرتني بشريط أبو مشهور .. يوم حششوا بعد الغداء قرروا يصومون :d .. ولما تذكروا أن ما عندهم سمبوسة انصدموا

كيف يصومون بدون سمبوسة وبغوا يهونون من الصوم :laugh: بس أبشرك حصلوا لهم سمبوسة :d

إقتباس:

وتبدأ المباراه وحقيقة أكثر شيء ضايقني بالمباراه إن الأخ المشـــاغب أزعجني بإتصالاته الرجال مصدق نفسه إنه خليل الزياني ولا حمود سلطان وهو يحلل

:sick:
أنا الحين ما عندي سالفة؟ :sick:
وأنا اللي مزعجك أبي أحلل لك أنت وخشتك؟ :sick:

يالدب أنا أصلاً ما أحب أحلل .. وأصلاً خلاص ما عاد تهمني الكورة ما دام بعض الناس فيها :cry:
بس اللي قهرني لما تتصل فرحان وتبشرني بالتعادل وتقعد تمدح الفريق .. انغبت على حالنا اللي صرنا نفرح
فيه على التعادل مع فريق خليجي بمستوى متوسط وممل :cry:
عشان كذا تكلمت عن دكة البدلاء اللي لما شفتها ينقصم ظهري من اللي فيها .. ما فيها لاعب عليه الكلام..!!
عموماً أنا متمسك برأيي أن الفريق بوجود بعض الناس اللي تعرفهم ما راح يحقق نتيجة :stoned:
وقل ما قاله ألبرتو المشاغب بيريرا :d

إقتباس:

حتى أبو طلال أزعجني بالتحليل ياحبني لك يا أبو طلال وياسلطان حدكم خرفنه ومجلس والتحليل خلوه للسامي كسمو الهلال

يا حبي لك أبوطلة.. يعرف الهلال زين s45s

شف يا عبدول .. صدقني الفريق لو كان هو الهلال اللي نعرفه .. ما كان حتى مسكنا قلوبنا من الخوف عليه..!!
لكن للأسف .. الرئيس راح يصيف .. والنصر والاتحاد وغيرهم يتعاقدون .. وصرنا نلعب بدون أي لاعب جديد..!!

إقتباس:

وأسالوا ميسي عن الجيبوتي الي كان عند الاشاره

ما علمتوني عن الجيبوتي؟ :whacko:

إقتباس:

وصلت الشقه سالما غانما معافا وقد أخذت لي حمام سونا مجانا في سيارة ميسي

هذا جزاك يا ميسي .. حمام السونا تسويه له ببلاش وهو قاعد يذب عليك :stoned:

إقتباس:

إكتشفت أن أبو طلال والمشاغب مالهم بالكوره أبد الكوره بوادي وهم بوادي ولا الوحده كان أحسن منا ياسلطان

راجع حساباتك أنت وفريقك ذا .. ترى الآسيوية مهرها غالي .. فإذا ما جبت أنت وخويك ذاك لاعبين عليهم القيمة

فلا تحلمون بالآسيوية.. :wink: إلا تعال .. تراي ما قلت الوحدة كان أحسن من الهلال .. بس الهلال كان سيء وكان

من حظه ان الوحدة أسوأ .. ولو لعب الوحدة بنفس الروح اللي يلعب بها العين قدام الهلال كان شفناك الحين تطالب

باستقالة اللي في بالي بالك..!! :laugh:

---------------

يومية رائعة لعضو رائع .. ممتعة بحق..!!

ألف شكر لكم على الاستضافة..!!

إقتباس:

الرسالة الأصلية كتبت بواسطة المنتدى الاستشاري (مشاركة 6286390)

ويرجع ماشي طبلونه وأخذت التذكره شافنتي أمي سألت وش مرجعك قلت نسيت التذكره تدرون وش قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك :d)

عاد لا أحد يسألني وش درا أمي بالمجلس لأني مثلكم تفاجأت<<<<< ترا مو قايلها ولا شيء :d.

:d:d:d

ياهالمجلس خرب علينا حياتنا الاجتماعية :d

امس واحد الله يستر علينا وعليه بيطلع من الغرفة قلتله بصوت عالي "وين وين" :d:d

تحس اخلاقي تجاارية حتى انا حسيت فيها :d

مابقى الا يقوللي برب أرد ع الموضوع:razz:

الله يعافي أمك وكل امهاتنا ان شاءالله:)

والله ضحكتني :d

مايستفاد :::

* ان ردي خلصت بطاريته من الرفع :d
* ان ماعندك واسطة رفع فـ بتضيع :( :d
<< محد فهم الا وهابو :razz:

يللا سلام :d

يوميات رائعه مع زعيم متألق

خالي من الهم

ياخوي احسك رسمي بقوه <<< الله أعلم :d

بصراحه رحمت أخوك من كثر المشوره وخصوصا على الصباح وبرمضان بعد .......!!

سلم لي على خالتي وابسألها سؤال من وين تعرف المجلس العام:) ........!!

أما عن تحليلات سلطان فتعلمني فيها ... من يحلل سلطان تحس انه شايف مباراه ثانيه .... بصراحه هو ماله بالتحليل <<< بس فضولي مررره :d

مشكور خالي وأكوس موضوع على الصباح هو موضوع يوميات الأعضاء وخصوصا لما تكون مع خالي من الهم ................!!!

يعطيك العافيه خالي ...:)
وش جابك من البراد للحر ...:upset:
اكيد عرفت قيمة ابها يوم جيت للرياض...

يسلمو...

تقبلوا مروري...:)

يعطيك العافيه ...
والله يعينك على حر الرياض
ومشكور

:thumbup:
مرحباً بكم احبتي مع ضيفنا السابع في يوميات الأعضاء في رمضان
وضيفنا اليوم زعيــم متألــق هو خالي من الهم :)
هلا وغلا ومليون هلا بالغالي :)
خالي من الهم ومليئ بالحب والاحترام والتقدير

http://vb.alhilal.com/news/1div.gif

المهم وصلت المطار وأول ما نزلت تتوقعون أخوي نزل يتوادع مني ولا شيء والله قال مع السلامه

ونزلت الشنطه وأنواع العج بوجهي :whacko:.
ههههههههههههههههههههههههه :d
ما الوووومه والله انت ويا وقت رحلتك اللي ما ادري وش يبي:pleased: !!

http://vb.alhilal.com/news/1div.gif

طلعت مع ميسي وياليتني ما طلعت سياره ما فيها مكيف خرب مكيفها اليوم :d وأنواع الحر وخلصنا كرتونين فاين تقولون إني هندي راكب بالباصات الي بالبطحاء ولكن كله يهون لجل عيون ميسي :).

ههههههههههههههههههههه :d
مصدق انت انوو خربان مكيفه ذاك اليوم من اول خربان :laugh:
لان الرجال خجل منك ولا هو ما يستخدم المكيف خير شر :laugh:
ولو انه في عز القايله تلاقيه داق اللطمه ومسكر الدرايش :d
http://vb.alhilal.com/news/1div.gif

بعدين حلف علي بالعشاء وتعشينا الله يخلف عليه بس
كفو والله يا ميسي راعي واجب ونشمي :thumbup:

http://vb.alhilal.com/news/1div.gif
يعطيك العافية ويومك جميل مثلك تماماً
وحقيقة دامك في صحبة ميسي عزالله انك كسبان
:thumbup:
الف شكر وكل عام وانت بخير اخوي الغالي خالي من الهم
http://vb.alhilal.com/news/1div.gif

هلا والله اخوي خـالي من الهم ..:)

الحمد لله على سلامتكـ ..
واخوكـ ماينلام انا اختي الصغيره لو اقول لها جيبي لي مويه من المطبخ تنافخ علي
عيال هالزمـن:d<<وانتي من وين ان شالله

إقتباس:

شغلت اتصالاتي والوسايط وتدبر لي حجز يوم الأربعاء الساعه 7ونص الصباح

ايه والله الحياة بدووون واسطات يخترب المحركـ حقها <<تشبيه:stoned:

إقتباس:

قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك )

الله يخليها لكـ يااارب ..:)
هذا ان دل على شي فيدل على الشهره الواسعه حقت مجلسنا:wink:

إقتباس:

وأنا أصيح ما فيه فطور ولا شيء أدق على الريسبشين قلت فيه قهوه وتمر قال ايه قلت فيه عصير قال إيه فرحت قلت طيب فيه سمبوسه قال لا لا لا لا .

صوم وفطور بدون سمبوسه ماتجي ابد..
اصلا مااشتهي الفطــور الا لما اشوف السمبوسه قدامي ..

يوميــات رائعه ومتعبه وممتعه خصوصا بحمام البخار اللي
اخذته من سيارة ميسي:d

الله يعطيكـ العافيه اخوي..:)

هلا والله عبد الوهااب

يا عيب الشوم تجتمع انت وهالسحليه ليو ميسي ولا تقولون لنا افاا بس افا :d

الحين ماني قاايلك ان جمعية البر والرفق بالبريه دااقين علي يقولون وين يمكن نلقى ميسي

يدورونه يقلوون سحليه يمكن تنقرض :d

المهم يااخي وش هاليوم الي كله عرق :d بالله عليك انت صااحي تركب مع يسلم مهبووول

هذاك اليوم اوصف له كافي اقوله وينك فيه يقولي انا بين الفيصليه وشاارع :d قلت لا والله يعني وين قال قداامي بنات وااجد والفيصليه ع يسااري :d

قلت يعني قدامك طريق الملك فهد قال ايه :d قلت الله يا خذ العدول بسرعه اطلع عليه عاني دااق فليشر :thumbup:

واخيراً شاافني وبغيت اصدم عشانه :d ورحنا للكافي وجو العيال :thumbup:

المهم عبد الهادي الله يعطيك العاافيه يوم قميل نفس صحبووه :d

سلاميشوو

إقتباس:

الرسالة الأصلية كتبت بواسطة هامور البورصه (مشاركة 6289003)

هلا والله عبد الوهااب

المهم عبد الهادي الله يعطيك العاافيه يوم قميل نفس صحبووه :d

سلاميشوو

ياشباب وش اسمي عبدالوهاب ولا عبدالهادي برجع للردود بعدين بس مدري حيرني هذا من وين جاب عبدالهادي :d

وعليكم السلام ورحمة الله وبركاته

نسيت التذكرة ياربي :cry: مشكله
ابوي قبل يطلع لازم يتاكد الف مره ياحبي له :d مو مثلكم عجلين :evil:
زين اخوك رجعك فيه صبررر لو منه ركبك تاكسي :thumbup:

إقتباس:

)

عاد لا أحد يسألني وش درا أمي بالمجلس لأني مثلكم تفاجأت<<<<< ترا مو قايلها ولا شيء :d.

الله يحفظهاا
اتوقع بعد فتره امهاتنا بيسجلووون ام الهنوووف ام فلان وام فلانه :thumbup::d

إقتباس:

*لا أحد يسوي إستراحات وخرابيط إذا أبو مقبل مو في السالفه وآه يا ماجد :cry:

الله يرحم عمــه ويرجع ماجد للمجلس ان شاء الله وتجتمعووون :)مره ثانيه

ميسي
لاعاد تركبه جاحد هالولد شكله :d

يعطيك العافيه اخووي خالي من الهم على هاليوميات
والحمد لله على سلامتكــ s13s

شكرا للجميعs13s

وعليكم السلام ورحمة الله وبركاته

هلا والله بـ عبدالهادي <<< تكمل مع هامور:d:d

الحين أنت وش جايبك للرياض:rolleyes: <<< وش لقفك:upset:
لا يكون عشان اجتماعهم وجحدوك:sick: كنسلوه وماراعوا شعور ناس جايين من بعيد:sick:

ياعيب الشوم عليكم بس شبابنا :evil:<< طبت فيهم وهي ماتدري صح تخمينها ولا غلط:d

إقتباس:

تدرون وش قالت لي أمي فديتها(قالت لو كنت بتدخل المجلس الي تسمونه المجلس العام بالنت حق الهلال كان ما نسيت شيء ضيعوك شلة المجلس ونسوك حتى أغراضك إتق الله في أخوك:d )

ياعميري على أهالينا:d
مسنترين بذا المجلس الله لا يهبلنا:laugh: عشان كذا صموه:d

إقتباس:

وتخيلوا كان ميسي لوحده وأسأله وين العيال قال محد جاء قلت الشرهة على الي يركن عليك وينك بس يا أبو مقبل وينك:cry:

غريبه وراهم ماجوا :rolleyes:...
شكلكم ماسويتوا اتفاق بينكم :pleased:

إقتباس:

وصلت الشقه سالما غانما معافا وقد أخذت لي حمام سونا مجانا في سيارة ميسي دخلت الشقه واخذت لي كوب شاهي وابي اريح

ههههههههههههههههههههههههههههه
على أنك حرّان عقب سيارة ميسي :dإلا أنك شربت شاهي:laugh:
أما حنا علينا تصرفااااااات بعض المرات تخليك تضحك:d
اجل بعز الحر وعرقنا يصب ورطوبه الله لا يوريك إياها وقاعدين على البحر نتقهوى شاهي:eek:
الظاهر لو ماشربناه يصير فينا شي:d:d

إقتباس:

*لا أحد يسوي إستراحات وخرابيط إذا أبو مقبل مو في السالفه وآه يا ماجد

متى استراحتكم القادمه:rolleyes:
كنا ننتظر تقريركم عن اجتماعكم يوم الأربعاء:wink: ...ولاكم مكنسلينها:sick:

الله يعطيك العافيه خالي من الهم يوم شيق وجميل :)

شكراً مشرفينا واستشاريينا :)

سلااااااااااااااااااااااااام ,,

:upset::upset::upset::upset::upset::upset::upset::upset::upset::upset::upset::upset::upset::upset:
:upset::upset::upset::upset::upset::upset::upset::upset::upset::upset::upset:
:upset::upset::upset::upset::upset::upset::upset::upset:
:upset::upset::upset::upset:
:upset::upset:
:upset:

هذي اخرتها .. ياعبدوول اندآي :d مزعجني وينك وينك واخرتها تقول اني ازعجتك :evil:

ياعيب الشوم ماخليت بك مكان بالرياض ماوديتك له .. وآخرتها تجحدني وتنتف مكيف

سيارتي اللي صكيته بعين .. ابشرك طلع السير اللي انقطع وركبت بالمحطه اللي بعدك

على طول ومشيت والغمارة ثلج ماشاء الله :d وحلفت اني معاد اركبك مره ثانيه :d

ياعالم بالله قد شفتوا واحد مستأجر شقة ولا يدري وينها فيه :d

هذا عبدالهادي على قولة هامور :d كل مااقول وين شقتك يقول بأخر الشارع هذا :d

واذا وصلنا نهاية الشارع قال لا بالشارع الثاني :d

الله يخلف بس ..

ماأقول الا :

الا ليت الاربعاء يعـود يومــاَ .... لأحلف انني لن اقابلكا مرةً ثانيه :d

إقتباس:

ميسي

إقتباس:

لاعاد تركبه جاحد هالولد شكله :d

هالمره خرب مكيف سيارتي المره الجايه بتخرب السيارة بكبرها :d
افلقيـني ان ركبــتــه مره ثانيـه :d

.
.
.
.

.
.
.

برايفت خالي من الخرفنــه :d

تذكر يوم نتعشى ؟؟!!!!! يوم انقـذتـك من الازمـه :laugh::laugh:

لاتخليني اتهــور واجيــب الـطــعــه هـنـا :d

برايفت للمشاغب :

تراه يقول وده يجيك مره ثانيه بعد : :whacko:

نصيحه لوجه الله قفل جوالك والا بتقعدبها :d

شكرا للاستشاريين والمشرفين على هذا البرنامج الناجح :d

والضيف الرائع بعد s45s قلبي s45s عبدووول اندآي :d

عوااااافي .

إقتباس:

الرسالة الأصلية كتبت بواسطة وليد القحطاني (مشاركة 6287654)

" أتشرف إني أكون أول واحد يرد عليكـ "

بصراحة أمك وشدراها من جد .. !! :d

المهم الجو عندنا في الظهران روووعة هاليوم :rolleyes:

لكن الله يعينك ع الرياض وحره ..

وبصراحة كان جلست في ابها أحسن لكـ ..

واخوك شكله حاقد عليك عليك إلى الأن .. :upset:

المهم قصتك شيقة للغاية .. :wink:

وعساكـ ع القوة

" تقبل مروري "

حياك وليد ولا هنت وأمي مخبي عليها شيء تئبر الي أمي الغاليه. وأخوي كل مدق عليه يقفل جواله بوجهي :sick: طيب وشفيها اذا تحمل يوم عشان أخوه الكبير :d لا هنت يا وليد على مرورك الي يقوطر عسل :d.

إقتباس:

الرسالة الأصلية كتبت بواسطة f*y*d (مشاركة 6287701)

:d:d

عليك يوم تنسيم واشوف فيه دق ع الشيعة

<<< شطحة مال امها دخل

اعذرني صايم << ياخوي كلها ربع ساعة الفجر :d

قصدي فيها دق ع السلاحف :d:d

يا انه بيحصلك شي مو طيب شام ريحة ردود تحتي قوييييية :d^

الله يعين :d

:d:d:d

ياهالمجلس خرب علينا حياتنا الاجتماعية :d

امس واحد الله يستر علينا وعليه بيطلع من الغرفة قلتله بصوت عالي "وين وين" :d:d

تحس اخلاقي تجاارية حتى انا حسيت فيها :d

مابقى الا يقوللي برب أرد ع الموضوع:razz:

الله يعافي أمك وكل امهاتنا ان شاءالله:)

والله ضحكتني :d

مايستفاد :::

* ان ردي خلصت بطاريته من الرفع :d
* ان ماعندك واسطة رفع فـ بتضيع :( :d
<< محد فهم الا وهابو :razz:

يللا سلام :d

هلا شايبنا يازينك ياسهل ماعاد شفنا محجوز للشايب فياض :d من جهة السلاحف فهم بيردون عليك أهم شيء بيضو الوجه ياغربان اليوم :d من جهة المجلس والله له تأثير قوي بقوه لا هنت يا فياض على مرورك الرائع ورفعاتك الحلوه :d.

إقتباس:

الرسالة الأصلية كتبت بواسطة هلالي جامعه البترول (مشاركة 6287780)

يوميات رائعه مع زعيم متألق

خالي من الهم

هلا بالي يرد عكس الناس هلا بالرسمي بقوه هلا بولد قحطان :d يالله إنك تحييه في ذا <======تأثر من قعدته بالرياض بيومين :d لا هنت يالرسمي على مرورك وخالتك وصلها السلام :wink: إنشاء الله وترا الوالده تعرف المجلس حته حته وتعرفك وتقول تحسك من الاشكال الي وهو نايم لابس شماغه من كثر الرسميه :d لا عدمتك ياغالي.