#1  
قديم 20/09/2007, 03:11 AM
زعيــم متواصــل
تاريخ التسجيل: 21/04/2007
مشاركات: 55
جماهير الزعيم..... الرقم الصعب ..... تعالوا ابيكم شوي >>>

بسم الله الرحمن الرحيم



السلام عليكم ورحمة الله وبركاتة.. ومساكم الله بالخير ياللي ممسين .. وصبحكم الله بالخير ياللي مصبحين


صلوا على نبيكم محمد ... اللهم صلي وسلم عليه.






انتهت مباراة الذهاب بخيره وشره .. والجاي احسن بغض النظر عن نتيجة الذهاب(( التفكير بالماضي نقصان بالعقل)) و الصراحة استغربت من جماهير الوحدة ... مع صغر ملعبهم الا انه ما امتلئ ..




مباراة الاياب بدرة الملاعب .. مقبرة الخصوم .. استاد الملك فهد (( رحمه الله ))



الكل سيحضر وان شاء الله راح يمتلي الملعب من الى ....مو مشكلة الحضور... ماراح نتفوق عليهم بالحضور وبس الا نبغى نتفوق عليهم بالتنظيم .... ممكن .؟




ايه ممكن



اللاعبين بيشدون حيلهم وبيسون كل اللي يقدرون واللي مايقدرون عشان بس يبسطون الجمهور




طيب والجمهور ......



وش بيسوي الجمهور ... سبعين الف شخص ....



بتقولون لي اهازيج تصفيق حماس ...بقول كثر خيرهم ... يكفون ويوفون



بس وش رايكم ننهبل هالمره ... أيــــــــــــــــــــــه ننهبل ههههههههه



شف الهبال


V


V


V


V


V


V


V


V


V


V


V


V


V


V


V


V






هاهـ وش رايكم نسوي مثلهم .. ممكن .. وممكنين .. وثلاثه تبون اقولكم وشلون



سموا بالله








هذي صورة لمدرجات الاستاد قسمت المدرجات الى اربعة اقسام




القسم الشمالي (( الازرق)) .. والقسم الجنوبي (( السماوي)) .. والواجهه (( الاحمر العلوي والاخضر السفلي))



القسم الشمالي والجنوبي ... يقسم الى 16 قسم



الواجهه قسمين ... علوي وسفلي .. وكل قسم يقسم الى 12 (( اتوقع واضح بالصورة))



طيب وش نسوي .... وشلون نوزع البلاستيك وكيف .....؟



الموضوع سهل .. وسهل وسهل ... وخلال اقل من عشر دقائق يصير كل شخص معه بلاستيك ويكون بلون مناسب لمكانه ...


الطريقة



اول شي يكون فيه رئيس (( ممكن أي شخص من مجلس الجمهور ))


يكون تحته اربعة اشخاص



الاربعة اشخاص يتوزعون بالمدرجات على حسب التقسيم ...


شخص بالقسم الشمالي ... وشخص بالجنوبي ... وشخص بالواجهه السفليه .. وشخص بالواجهه العلوية



الحين بشرح مهام كل شخص .. والاعمال اللي بيكون مسؤول عنها



الشخص اللي بالقسم الشمالي .... القسم يتكون من 16 قسم (( بين كل قسم وقسم الدرج )) .. يحتاج لكل قسم اربعة اشخاص ...



يعني يحتاج 64 شخص ...!!! كثير صح ... (( يهون عشان الزعيم ))



الاربعة اشخاص يتوزعون عند قسمهم بهذا الشكل(( شرحت لقسمين وكيف يتوزعون كل اربعه على قسم))





اثنين فوق (( يمين ويسار )) واثنين تحت (( يمين ويسار ))



اللي فوق ينزل ويعطي لكل شخص على طرف الصف كمية .. ويوزع على اللي جنبه


واللي تحت نفس الكلام ((( بس ماينزل هههه يرقى )))


ممكن يكون لكل قسم اثنين بدل اربعه .. بس اربعه بيكون الشغل ادق واسرع




طبعاً قلنا ان القسم الشمالي 16 قسم ... يعني ثمان اقسام بلاستيك ابيض وثمان اقسام ازرق



باقي الاقسام يكون على نفس الطريقة ...(( مايحتاج اكرر .. اتوقع واضح ))




وبيكون الملعب بهذا الشكل









ملاحظات :



1- ((( الأهم ))) التوزيع يكون عند دخول اللاعبين لتمارين التسخين ... اكرر ... التوزيع يكون عند دخول اللاعبين لتمارين التسخين .. عشان مايمدي احد يربط ويعفط ههههه


2- الرئيس يكلم الاربعة اشخاص يبدون التوزيع ... والاشخاص اللي بالقسم الشمالي (( مثلا)) تكون عيونهم على رئيسهم اللي هو واحد من الاربعه .. اول مايأشر لهم يبدأ التوزيع


3- الشخص اللي يوزع ويعطي الشخص بطرف الصف .... الكمية يجب ان تكون معلومة لفائدتين .. توفير ومايكون فيه اسراف ... والاهم ان الباقي مايقوم يرميه ويجي شخص من القسم اللي جنبه ((يكون لونهم مختلف )) وياخذه او انه يعطيه للي جنبه بحكم ماوصله بلاستيك ..


4- الشخص اللي يوزع يكلم للي عطاه البلاستيك يقول لاترفعون البلاستيك الا اذا ادخلوا اللاعبين ... وكل واحد يوصل للثاني .. عشان ماتصير زيطا زمبليطا






كم بتاخذ وقت وكل الجماهير معهم بلاستيك وبشكل منظم ... (( عطون رأيكم ))



المطلوب :



اولاً ..


الاشخاص .... ومااتوقع مشكلة هذي ... سبعين الف شخص مافيه 224 شخص يبغون الجماهير تصير بهذا الشكل ... (( واتمنى ان تكون فيه مكافأة للأشخاص .. تي شيرت للفريق .. شنطه .. أي شي رمزي يشجع ))



ثانياً


التكلفة المادية ..


وهذي مااعتقد تستاهل اني اكتب عنها ...



ثالثاً


يجتمعون الاشخاص بالملعب قبل المباراة بيوم او قبل عشان يفهمون الطريقة ...





وش رايكم الحين ... مو احسن من التوزيع عند البوابات .. وكلن ياخذ وينظف كرسيه




اتمنى من المشرفين الاهتمام بالموضوع ويوصلونه لمجلس الجمهور ... من اجل الزعيم ... ومثل ماتبغون من اللاعبين ... ترا اللاعبين يبون تشجيع ... وتخيلوا موقفهم وهم داخلين ويشوفون الملعب كله ازرق وابيض ... بيرضون بالهزيمة !!!


ترا يمدي ياشباب .. سهله ..


(( وخلونا نعلم الخليج ... واسيا ... والعالم ... منهو جمهور الزعيم ))






بالتوفيق للجميع



(( اللهم صلي وسلم على نبينا وحبينا محمد ))


اضافة رد مع اقتباس
  #2  
قديم 20/09/2007, 03:38 AM
زعيــم مميــز
تاريخ التسجيل: 02/04/2007
المكان: الرياض
مشاركات: 2,920
مشكور اخوي وياليت تتنفذ وين مجلس الجمهور نبي تفاعل وتنظيم جماهير عالمي
اضافة رد مع اقتباس
  #3  
قديم 20/09/2007, 03:44 AM
زعيــم متواصــل
تاريخ التسجيل: 21/04/2007
مشاركات: 55
العفو ... وعلى ماقلت نبي تنظيم عالمي ... واللي عندوه زود يقوله ...
اضافة رد مع اقتباس
  #4  
قديم 20/09/2007, 04:42 PM
زعيــم متواصــل
تاريخ التسجيل: 21/04/2007
مشاركات: 55
يعني ماجازلكم .. ولا ماودكم ... اقل شي ردوا ...؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:54 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube