مع احترامي للجميع افضل لاعب (الخــــــثــــــران؟) مساء الخير او صباح الخير كلها واحد اول شي الف مبروك على التعادل رغم ان الهلال كان بامكانه يفوز وان شاء الله في مبارة الرد بالرياض نتأهل واحنا متفالين خير لان فريق الوحده ماهوب ذاك الفريق اللي يخوف وشفناه من المباره ولكن ملفت نظري هو آسوء لاعب في المباره ( عبدالعزيز الخثران؟) هذا اللاعب بارد ومستواه من العام الماضي سئ للغايه واستغرب الكثير ينقدون المفرج والعنقري وغيره وهو منسي لو شفنا كيف يتراجع على ورى للخلف وهذي عادات الخثران من العام الماضي مايدخل على اللاعب يعطي اللاعب فرصه يتقدم ويشوت وكذا مره راحت الكوره من عنده ويحتفظ بالكوره كثير ويتنقطع منه وشفنا كلنا يوم نزل (الزوري) كيف غطى الخانه الفاضيه من الخثران وشفته صار تايه واستغرب من المدرب اشراكه هذا اللاعب المفلس وعنده الزوري شاب مقدم مباريات جميله اعرف الكثير بقول موقت النقد او انت مندس او اي شي ولكن انا صريح وانا اقول هذا الشي لان دفاع الهلال شربه بوجوده ووجود العنقري المفرج واحنا ترى دفاعنا ماختبر جيدآ وراح تشوفون الدفاع اما الفرق القويه ينكشف دام الخثران موجود |
العنقري بصراحه مو من مستوى الهلال نهائيــا |
اتمنى اشوف ردود الزعماء في (اسوء لاعب) |
إقتباس:
كلام عين العقل ولاتنسى الخثران؟ |
والله اسوء لاعب اليوم هو ( نـواف ) .. ولا كوره صح طول المباراه .. ! الله يسـامحه بـس :( اما الخثـران مستواه متوسط .. مثله مثل بقية الاعبيـن . |
مشكور اخوي على موضوعك الجميل لكن ناحية الخثران وش رأيك يارجال اخر كلام وش تبيه يلعب محور ولا ظهير ياخي المدربين حيروا الرجال تغيير المركز للاعب يسبب له المتاعب وعدم تمكنه في المركز الذي يوكل له لاتنسى انها تؤثر على عطاء اللاعب شكرا لك |
إقتباس:
نواف اليوم بالعكس جيد لكن المستغرب مستوى الشلهوب اليوم عليه الف علامة استفهام لاتجعل حبك للاعب يعني عدم انتقاده شكرا لك اخوي وهذي وجهة نظري تحية عطرة |
إقتباس:
بالعكس اخوي انت عكستها التمياط مستواه اليوم متوسط وليس سئ اما (الخثـــــران؟) اسوء لاعب وعيد المباره مره ثانيه وركز بلعبه |
إقتباس:
احترم رايك اخوي ولكن الخثران لاعب من بداية المباره في مركزه مدري انت تابعت المباره ولا لا ياليت تشوفها مره ثانيه |
إقتباس:
انا متابع المباراة ومتابع اغلب اللاعبين وانا اقولك ليس مستوى الخثران الذي نعرفه بس اللاعب مهما كان يبقى مهم شوف عزيزي متى ماتشوف في لخبطة لازم تدور على اللي مسويها يعني اليوم لما انزل الزوري واخلى الخثران محور ليش؟؟؟ هي المشكلة ان التبديل اجباري ولا زال المدرب على نفس الشغل يعني مااعتمد التشكيلة المناسبة المفروض لما انزل الزوري يا اطلع الشلهوب في حالة عدم تقديمه عطاء جيد واحط مكانه الخثران لان الخثران خطير في منطقة الشلهوب وهو ان يكون خلف المهاجمين وفي نفس الوقت نجد الزوري يتحرك بشكل جيد ويغطي من ناحية الاطراف مع انه تنقصه بعض الخبرة اليوم اللي شفناه ما وقفت على لاعب واحد على لاعبين يعني اليوم اسحب العنقري وانزل الكلثم من بداية الشوط الثاني واخلي مكانه عزيز مع تراجع نواف قليلا ياعزيزي صدقني اللاعبين الموجودين جيدين انااا اتوقع ان المدرب لم يتعرف على اللاعبين بالشكل المطلوب لك فائق تقديري واحترامي اخوي روحي الوجلة |
الى متى نصبر على (الخـــثــران؟) و(العنقري) |
الى متى ...الى متى تصدقون شكل الخثران عنده واسطه زي المفرج ,,, لابعد العنقري واسطه وزير التعليم العالي هو الي كلم ادارة الهلال عشان يشترونه من الرياض وكلمهم عشان يلعبونه في البطوله ... * ممكن نقدم خطاب لأدارة الهلال نطلب منهم ياخذون اربعه من الشباب الحلوين عندنا بدال المدرب الي ماعنده سالفه ويلعب اللعيبه الي مش كويسين الي عندهم واسطه . أأخ بس , ونرجع عبد الرحمن التخيفي , وسلمان العمران يغطون الاظهره :) |
إقتباس:
ياخي انت ذيب فعلا مشكلة الهلال العواجير اللي بالدفاع لابد نغيرهم بسرع وقت قبل لايقع الفاس بالراس |
إقتباس:
اناا معك في العنقري انه ليس في مستوى الهلال لكن يظهر بمستوى متفاوت من مباراة الى مباراة اما الخثران بالعكس كل لاعب ينخفض مستواه عندما كان يقدم مستويات رائعة لم نجد احد يثني عليه لكن نتذكره مباشرة عند نزول مستواه مع ان الخثران نازل مستواه اشوفه جيد حتى الان مشكلتنا هي عدم الصبر نريد لاعبين جاهزين وهذي صعبة اقولك اليوم العرضية من الكلثم في داخل الصندوق كان فيها لاعبين هما ياسر ونواف مشكلتهما هي عدم التحرك داخل الصندوق وينتظرون الكرة تاتي لهم وهذا غير صحيح في كرة القدم لا بد للاعب البحث عن الكرة وان يكون مصدر ازعاج للدفاع لا استسلم لهم يعني ياسر المفروض مايكون خلف المدافع اكيد شي بديهي راح يقطع الكرة عليه المدافع لازم التحرك وهذا اللي ينقصنا حتى في الهجمة الاخير التي مرت من امام المرمى لماذا لم يكن فيه متابعة من خالد عزيز على اعتبار ان ياسر مراقب وهذي مشكلة المدرب لم يوجه عزيز في الدخول في منطقة االجزاء وعدم الانتظار على خط الثمانية عشر عذرا على الاطالة اتوقع ان مباراة اليوم هي تكتيكية بحته بالغ المدرب كوزمين جدا مع ان فرييق الوحدة قلت لياقته بشكل غريب وخصوصا الكرات التي عند مرهاهم فلا تجدهم يبعدون الكره بشكل جيد وتنتهي الى ضربة زاوية فهذه النقطة لم تستغل من ناحية مدربنا لانه لم يوجه اللاعبين على الضغط في المنطقة للخروج بالاخطاء أو ضربة جزاء نظرا لفقدهم التركيز على الكرة و نزول معدل اللياقة لديهم بشكل رهيب تحياتي لك اخوي شكلك بتقول ياحبه للبربره هلال اول هههههههههههههههههههههههههههه |
(هلال اول) كلامك في اغلبه سليم ولكن اختلف معك في قضية الخثران هذا اللاعب مع احترامي مفلس ولا عاد عنده شي جيد يضيفه ولاتنسى انه متسبب في الهدفين اللي في مبارة الاتهاد الشهيره العام الماضي ولاتنسى مباره الكويت الكويت قدام 70 الف متفرج وهو تايه وماغير يصقع في ظهور اللاعبين |
الوقت المعتمد في المنتدى بتوقيت جرينتش +3.
الوقت الان » 11:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd