#1  
قديم 19/09/2007, 02:53 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
<><> يوميات الأعضاء في رمضان مع الداود <><>











  • فكرة : سندريلا الهلال
  • متابعة : سهل - الماسه الزرقاء
  • تصميم : عاشق بو يعقوب
  • إعداد : الفيروسه الزرقاء




مرحباً بكم احبتي مع ضيفنا الخامس في يوميات الأعضاء في رمضان
وضيفنا اليوم هو مشرف منتدى الجمهور سابقاً ومشرف منتدى الإتصالات حالياُ
الداود







بسم الله الرحمن الرحيم

كل عام وإنتم بصحة وسلامة ومبارك عليكم الشهر جعلنا الله من صيامه وقيامه

في البداية أتقدم لمشرفي وإستشاريي منتدى المجلس العام على هذه الإستضافة الجميلة وتوجه الدعوة لي للمشاركة في يوميات شهر رمضان الكريم

اليوم هو الأثنين الخامس من شهر رمضان الكريم من عام الف وأربعمائة وثمانية وعشرون للهجرة



صحينا من النوم للدوام عالساعة 10 الا ربع طبعاً اليوم متأخر لأن وراي اوراق أخلصها من البلدية فزدنا كمية النوم شوي

وقبل أقوم من عالسرير الا الجوال يرن تيت تيت مسج من شخص وأفتح المسج الا مكتوب فيه وهذي آخرتها ,,! انا صار فيني كذا المشكلة اني مرسل له مسج قبل انام وارجع اقرا المسج لايكون فيه شي مو الا المسج منتاز مابوهـ شي غلت الا وأرسل ؟ دقايق ويجي الرد اللهم ,,, ,, ولاكان عرفت أتفاهم معاك عدل افا بس من جد ماهيتها منك! وبعد شد وجذب صار مسلسل أكشن تأثراً بمسلسلات رمضان طبعاً بداية سئية جداً ليوم جديد << لو اني مو متأكد ان هالشخص ماله في الشبكة قلت أكيد هالمقلب من أحد أستشاريي العام الداجين عشان اليوم استضافتي

بعدها خذنا دش عالسريع وطلعت من البيت عـ بلدية الخبر أخلص أوراق وانا لاني بروح لدائرة حكومية بس اكتشفت انهم تطورو وصارو كراسي وناس شغالة وبراد يالله لك الحمد عبينا الفورم ووقعناه من الرئيس وسلمناه لقسم الكمبيوتر ويوم خلص بيطبع خربت الطابعة جلسنا شوي وهم يحوسون فيها لين ماطبعت خذنا الورقة وعمدير البلدية وقعها وعلى الصادر سجلو لهارقم وخذوها وخذوني معها من شان تتسجل بالكمبيرتر وتترسل للجهة المختصة يوم تسجلت وبيطبعونها تخرب طابعتهم هم بعد <<بداية جيدة ليوم رمضاني جديد

المهم شوي وتصلحت وخذنا الاوراق ومشينا للمكتب

المهم وصلنا المكتب وخلصنا كم شغلة واذن بعدها الظهر توضينا وقرينا شوي قرآن وصلينا ورجعنا للمكتب, وطلعت على وحدهـ وربع مريت كذا محل ادور لي اغراض لسفرة بكرهـ لأبوظبي وبعدها رجعنا البيت وبعدها صلينا العصر وحطيت الراس لين قبل المغرب بربع ساعة

شوي على ماصحصحنا أذن وجلست أنتظر ولد عمتي الي أذن وهو توه ماطلع من سكن جامعة البترول وهو يقول انه بالطريق من قبل الآذان



المهم مانطول عليكم كلنا شوي وطلعنا نصلي ورجعنا ضربنا ضرب في الأكل

عالفطور شفنا شوي من المقاريد وشوي من العيايز في الفريج وكثير من مزنه وطاش وبيني وبينك <<يتخلل المشاهدة قليل من الطقطقة على الأنترنت وكتابة القليل من هذا التقرير الرائع<<<واثق

بعدها توجهنا للمسجد وصليا العشاء وشوي من التراويح ورجعت البيت جلست مع ألأهل شوي و بعدها طلعت أكمل المشتريات للسفرة <<بيسافر شهر موب يومين

باااااك <<رجع من السوق

وماأطول عليكم رجعت البيت عالساعة 12 وشوي قليل من متابعة الـ T.V. والطقطقة عالأنترنت ننتظر بعض الناس يدخلون الماسنجر <<راعين المقلب الحين مو صايمين ونعرف نتفاهم زين



والحين الساعة 2 و 3 دقايق برسل الموضوع ثم سوف أخلد إلى النوم كي أتمكن من القيام للسحور الساعة 3.30

كل عام وأنتم بخير ورمضان كريم

عيدكم مبارك قبل الزحمة

في الختم المعذرة على الإطالة ودعواتكم لزعيمنا بالتوفيق أمام الوحدة الإماراتي
محبكم:
الداود




كل الشكر للمبدع الداود وانتظرونا غداَ مع ضيف آخر .





لكم أرق التحايا وأطيبها
من مشرفي واستشاري
المجلس العام



  #2  
قديم 19/09/2007, 03:05 AM
موسوعة المجلس العام
تاريخ التسجيل: 25/12/2005
المكان: حيث اجتمع الحب والوفاء ..!
مشاركات: 2,580
هلا وغلا بالداود .. أول شي مبروك الطابعة اشتغلت d

ماشاءالله تقريرك فعلا مثل المطلوب "بالتفصيل الممل"
,,,<<< بيفهمك انه موب انت لحالك مشترك :p


تروح ابوظبي وترجع بالسلامـة,, اعذرني عالمرور الخفيف
  #3  
قديم 19/09/2007, 03:24 AM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
يعطيكم العــافيه على إستضــافة الــداود ..

ونتمنى أن يتـواصــل معنــا في المجلـس العـــام ..

المشــاوير بـ نهــار رمضــان شي يغــث ..

أما الطابعــة .. لا تعليــق ..!
أوالله شغــل عــدل ..!

تــروح وترجــع بـ الســـلامة .. لا تفــوت مبــاراة الهـــلال بالإمــارات ..

مشكــور على كتابة أحــداث يومك ..

.
.
.

بإنتظــار ضيــف الغــد ..

اخر تعديل كان بواسطة » هلالي القرعاء في يوم » 19/09/2007 عند الساعة » 04:40 AM
  #4  
قديم 19/09/2007, 04:00 AM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224








^^^^^^^^^^^^^

كان تجملت واستخدمت الرموز هذي ..
ما بقي الا هي ..

حياك يا صاح ..
يوميات ولا احلى ..
كأنها يوميات معقب ..

الله يا اني اشيل هم لما يكون عندي شغلة بدائرة حكومية ..
افضي نفسي لها يوم كامل ..
وهي المفروض تخلص بساعتين ..

تروح وترجع بالسلامة ..
ويا ليت ما تاخذ على خاطرك ..
تراني امزح يا الغالي ..








.
  #5  
قديم 19/09/2007, 04:08 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
إقتباس
تروح ابوظبي وترجع بالسلامـة,, اعذرني عالمرور الخفيف

آآآآآآمين ويرجع بالفوز المؤزر


مشرفنا الداود ... هلا وغلا شرفتنا ونورت المجلس العام يا قدع ..!!

يومية رائعة وجميلة وأحلى ما فيها الطابعة

شكراً لك على إجابة الدعوة وسلم لي على ولد عمتك ولد جامعتنا

تقبل تحياتي

اخر تعديل كان بواسطة » الـمـشـاغـب في يوم » 19/09/2007 عند الساعة » 05:23 AM السبب: اججججججحد :D
  #6  
قديم 19/09/2007, 04:23 AM
زعيــم مميــز
تاريخ التسجيل: 05/05/2005
المكان: R ! y a d h
مشاركات: 2,831
^^^
^^
^

يا الشين

الا بالغصب تتعرف
-----------------------

هلا بـ الداؤود

يوم جميل ورائع <<< اجل بقول لـ مشرف ان يومه سامج

وهذا عذر الدوائر الحكوميه دايم

اليوم رحت لـ الغرفه التجاريه بـ صدق على اوراق قالوا كل ورقه بـ 25 ريال

والمشكله معاي 6 اوراق وما معاي فلوس كاش تكفي ، فقلت له فيه صرافه قال ايه ، واخذ مني الاوراق وقال رح اصرف وتعال ،، رحت ابي اصرف واحصل الجهاز عطلان ، وارجع له واحصله قد صدق عليها ،، انحرجت منه قلت خلها عندك وبجيك بعد الظهر ،، قال لا خلاص خذها ومتى ما جيت لـ الغرفه مره ثانيه بتحصلني ،

والله اندهشت من تصرفه بـ العادة الموظفين ما يكلمونك الا بطرف خشومهم الا هذا مع ان اليوم زحمه وصيام..!!

الله يوفقه دنيا وآخره والله يا هو ريحني من اني اطلع اصرف في ذا الزحمة والحر

اليوم بـ اذن الله بعطيه فلووووسه كاش وفوقها حبت خشم

شكراً لـ استجابتك الدعوه

وفي انتظار الضيف القادم

جرح يشكي
  #7  
قديم 19/09/2007, 04:36 AM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,427
هلا الداود الله حيه بحارتنا قصدي بالحي

يوم ممل كله خراابط طابعاات من جد الله يكون بعونك المفروض نقلب يوزرك نحس

يااخي يا شين المشااوير برمضان قسم بالله تعب ودك تقعد بمكان مكيف وحتى ماتتكلم ساكت

او تطالع التفزيون والنور هادي الله جو وحب وبيبسي <== شطح

الداود خلصت الرموز الي في المنتدى من كثر ماستخدمتها ذكرتني بمواضيع سهل القديمه

يحط فيها سبعه وسبعين الف رمز الداوود كم مره قلت المهم وكم مره قلت وشوي

<== كم مره حطيت هالابتسامه <== ابوك يالضروس تقول طبااشير

الداوود صرااحه استمتعنا بيومك عشانك ذكرت كل شي فييه والله يعطيك الف عافيه

براايفت للمشاغب

ليه ترد وانت ماقريت الموضوع ماتشووف الداود كاتب بروح لابو ظبي شهر

فيااض ولد فريقنا مااعليك من الضفدع لا يهمك

الداود قبل لا انسى تروح وترجع بالسلامه بس كلكم تركتو المنتدى انت وتيماوي !! من بيبقى

ترى بعد مباراة الوحده بتنزل موااضيع كلها ....... عااد انت افهم طبعاً المواضيع هذي بتنزل اذا لا قدر الله انهزم الهلال
  #8  
قديم 19/09/2007, 05:03 AM
الصورة الرمزية الخاصة بـ أبو ميار
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 11/10/2003
المكان: العاصمة معقل فريق القرن
مشاركات: 15,935
هذا الداود لازم حجز
  #9  
قديم 19/09/2007, 05:16 AM
زعيــم مميــز
تاريخ التسجيل: 22/02/2006
المكان: أرض الله الواسعة ...
مشاركات: 14,947
يومية ممتازة ...
  #10  
قديم 19/09/2007, 05:16 AM
الصورة الرمزية الخاصة بـ هلالي جامعه البترول
مشرف سابق في منتدى الجمهور الهلالي
تاريخ التسجيل: 02/05/2006
المكان: Khobar
مشاركات: 9,318
الداود عواااااااااااافي يامشرفنا الغالي ......<<<< سابقا..........!!



يوميات رائعه .............!!



بالتوفيق لك في حياتك الاشرافيه بمنتدى الاتصالات يالغلا وتروح وترد بالسلامه .......!!
  #11  
قديم 19/09/2007, 05:31 AM
الصورة الرمزية الخاصة بـ ولد سدير 1
زعيــم فعــال
تاريخ التسجيل: 24/08/2006
المكان: الــــرياض
مشاركات: 491
يوميات رائعه
وتروح وترجع بالسلامه الدواد
  #12  
قديم 19/09/2007, 05:34 AM
زعيــم مميــز
تاريخ التسجيل: 15/05/2007
المكان: في قلب الزعيم
مشاركات: 3,431
إقتباس
الرسالة الأصلية كتبت بواسطة المنتدى الاستشاري

مرحباً بكم احبتي مع ضيفنا الخامس في يوميات الأعضاء في رمضان
وضيفنا اليوم هو مشرف منتدى الجمهور سابقاً ومشرف منتدى الإتصالات حالياُ
الداود


بقول لك شي بس لاتزعل مني ولا تضحك علي
انا ما حصل لي الشرف واعرفك زين
وانا كنت احسب اسمك رمضان الداود
بس زين تداركت الموضوع قبل ما ارسل الرد ولا انا مسميك رمضان ومنتهي

[
إقتباس
الرسالة الأصلية كتبت بواسطة المنتدى الاستشاري


كل عام وإنتم بصحة وسلامة ومبارك عليكم الشهر جعلنا الله من صيامه وقيامه


وانت بخير وصحة وسلالالام اخوي الدواد

بصراحة برنامجك اليومي معقول وحلو وأحسن من اللي سبقوك بكثير
يعني مهتم بنفسك شوي مريح نفسك شوي شغلك فيه اتيكيت شوي
يعني سلمت اناملك اللي سطرت لنا هذا اليوم الجميل شوي
تقبل مروري يالغالي وقبلها تحياتي بس مو شوي بل كثير كثير ،،





  #13  
قديم 19/09/2007, 08:03 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542

يعطيك العافيه اخوي الداود
يوم سريع ماشاء الله مليىء بالرمووز
واذا عررفت صاحب المقلب علمنا

تروح وترجع بالسلامه

شكرا للجميع
الهنووف

كانت

هنا

ورحلت
  #14  
قديم 19/09/2007, 08:27 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849
.

هلا ومرحبا الداووود ..
كل عام وانت بخير وتقبل الله منا ومنك صالح الأعمال ..
يوم حلو ولو انه في شي من النحس
الغريب ان اغلب الي استضافوهم لا زم يكون في موقف منحوس ..
الله يستر على الهلال اليوم ..
تروح وترجع سالم غانم يارب ..
الله يعطيك العافية على هالتقرير وأحلا مافيه ماشاء الله اجتهادك فيه واضح ن خلال الكتابة على فترات متقطعة ..

ــــــــــــــــــــ


للمبدعين
سندريلا الهلال & سهل & الماسه الزرقاء
عاشق بو يعقوب & الفيروسه الزرقاء

ــــــــــــ


في أمان الله ..
  #15  
قديم 19/09/2007, 09:57 AM
زعيــم فعــال
تاريخ التسجيل: 27/12/2006
المكان: ..... حيث الحريه
مشاركات: 367
اول مره اقرا اليوميات
الحمدلله الي قريتها للداود
يوم واقعي بنظري
تسافر وترجع بالسلامه
وكل عام وانت بخير
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:14 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube