مشكلة في التحويل من الاتصالات الى موبايلي - نادي الهلال السعودي - شبكة الزعيم

دمعه شقى · #1 17/09/2007, 05:06 PM

بسم الله الرحمن الرحيم والصلاة والسلام على اشرف الأنبياء والمرساين..

انا عضو جديد ااامل ان اكون خفيف الظل ..

انا عندي مشكله في التحويل من الاتصالات الى موبايلي ..

وهي اني حولت الرقم وقالوا يبيله يومين وبعد يومين جتني رساله تقول لم يتم التحويل ..

وعلى هالحاله وموبايلي قايلين لي لا تكلم من الجوال علشان ما يحسب عليك فاتوره وحوسه .. لكن الله يعيين

دمعه شقى · #2 17/09/2007, 05:08 PM

نسيت اقول لكم اللي عنده الحل يفيدنا ويفيد اللي يبيون يحولون عقبي ...

لكم كل الود ...
دمعة شقى ..

موهوب القصيم · #3 17/09/2007, 05:09 PM

عادي اصبر وتنفرج

وبعدين فيه طريقه لشحن الجوال حتى ولو كان فواتير

اشحن وكلم على كيف كيفك وبكذا ترتاح لين يحولون جوالك

اتمنى اني افدتك بشي يالغالي

دمعه شقى · #4 17/09/2007, 05:14 PM

يعطيك العافيه يا موهوب ...

وذكرتني بالشحن الله يذكرك بالشهاده يالغالي ...

تحياااااتي ..
دمعه شقى ..

ولد السهول · #5 17/09/2007, 05:25 PM

يالغالي

شركة الاتصالات ماتبي تتخلى عن اي عميل بالساهل

انت اصبر يومين لاتكلم ولاترسل

وقبل كذا الغي اي اشتراك في اي جوال

مثلا جوال الهلال

او جوال الرياضيه وكذا

عشان شركة الاتصالات ترفض تحويل رقم اي واحد باقي عنده لهم لو هلله

كلها يومين وترتاح

اللي يبي يحول جواله

لايكلم

لايرسل

يلغي كل اشتراكاته

وبيتحول باذن الله باسرع وقت

بس اهم شي روح صف حسابك من عند الشركه

وارجع موبايلي وحول

تحياتي

مهبول لأسباب امنية · #6 17/09/2007, 05:34 PM

إقتباس

الرسالة الأصلية كتبت بواسطة ولد السهول


	يالغالي شركة الاتصالات ماتبي تتخلى عن اي عميل بالساهل انت اصبر يومين لاتكلم ولاترسل وقبل كذا الغي اي اشتراك في اي جوال مثلا جوال الهلال او جوال الرياضيه وكذا عشان شركة الاتصالات ترفض تحويل رقم اي واحد باقي عنده لهم لو هلله كلها يومين وترتاح اللي يبي يحول جواله لايكلم لايرسل يلغي كل اشتراكاته وبيتحول باذن الله باسرع وقت بس اهم شي روح صف حسابك من عند الشركه وارجع موبايلي وحول تحياتي

مشجع الميلان · #7 17/09/2007, 05:37 PM

الصبر مفتاح الفرج ...

Naif_farhan5 · #8 17/09/2007, 05:38 PM

لبش ياشباب وش بلاكم على الاتصالات السعوديه تراها عشرة عمر