الله يهديك ياجوهر وش عندك خميس وماطر وعمر والواكد وش دعوى وش هالتشكيله هذي يابعدي ماعمرها صارت بتاريخ الكره بالعالم كله ربع لاعبين محاور ؟؟

وبعدين وش عنده مرزوق والله ما ادري وشلون هالمدربين يحكمون على الاعبين وكيف يختار الاسماء والله يا مرزوق انه نقص بكل ماتعنيه الكلمه وين الجيزاني او السلال على الاقل اما مرزوق ما ادري وش الرجاء فيه وحتى المحمدي تبون تقولون لسى عظمه طري هذي مردود عليها يروح لهله الين تنشف عظامه ..

صراحه الصقري ماعندك احد ولا ادري هل سبق انه لعب ضهير ايسر والا لا

والا الجمعان اليوم ماله سنع بعد

باختصـــــار : مافيه الا الدعيع هو الي رفع الراس وسامي بعد ولو انه في الشوط الثاني قل عطائه شوي اما الجوهر فتشكيلته خيقي بيقي واعتقد انه بدا ينكشف على حقيته خاصه اننا كلنا نعرف انه اول مره يدرب المنتخب من اول مباراه بالبطوله يعني لاتستبعدون انه من اول اذا اقصي مدربنا الاجنبي وجاء الجوهر ان المنتخب يلعب بحماس زائد وينجح اي بديل ..

ولا شك ان الاعبين كلهم ماعدا الدعيع مااعطو كل الي عندهم ليه مادري ؟؟
وين الحماس وين التضحيه وين رد الجميل للجماهير الي من الساعه 3 وهي مرتزه بالملعب انتم شفتو وشلون في اخر دقيقتين وشلون لاعبين المنتخب يتناقلون الكوره بمنطقتناكانهم يقولون صفر ياحكم ؟؟

حرام والله حرام ضيعتوها ؟؟