والله وطالت شنباتك يا راكان وصرت تحذر وتهدد !!! - نادي الهلال السعودي - شبكة الزعيم

زعيم الكواكب · #1 16/09/2007, 04:29 AM

مساء الزعماء ...

طلع لنا المدعو راكان الحارثي مرة ثانية هو وشركرة الاتصالات ...

الاتصالات ترسل رسالة على كيفها لمشجعين الهلال من دون الرجوع لإدارة جوال الهلال ...

والمصيبة ...راكان هاللي أزعجنا بشركة صلة وجانا اليوم ببيان ما نقصه إلا توقيع كوفي عنان ورامسفيلد

يهدد ويتوعد ويحذر ...والله أنا وخرت وجهي عن الشاشة قلت لا يطلع لي كلاشينكوف

شف ياراكان مسألة إنك تبي تعاند نصف الشعب فهذي صعبة ..

وتبي تزعجنا ببيانتك الي متسلفها من الي فزعوا معك <<< ترى ما أقصد النصر

عموما مادام الدعوة تحذير وعناد ..فأبشر أنا أول واحد من باكر يحول جواله لموبايلي حتى لو يلغى العقد ...

بإذن الله تبي تنهبل أنت وبيانتك وأنصحك تسلفها لربعك أوفر لك ..وروح خل اتي لحالو والحالمي ينفعونك !!!

سلام

AL PACINO · #2 16/09/2007, 04:32 AM

شالقصة ؟
مانيب اقرا جرايد انا < ياحظك

buzzard · #3 16/09/2007, 04:38 AM

وش السالفه كلن يصلح سيارته اكسر الشر ياخوي ههههههههههههههههههههه

dunhill_Jjjil · #4 16/09/2007, 04:42 AM

وانا ثاني واحد علشان الكيان الهلالي الكبير

من بكره و جوالاتي موبايلي لعب بزران ياراكان الله يهديك بس

زعــيــ511ــم · #5 16/09/2007, 04:50 AM

موبايلي عالم من اختياري

al_qanas-20 · #6 16/09/2007, 05:04 AM

العلم وشو ؟؟؟

sir.blue · #7 16/09/2007, 05:12 AM

يا شباب منو رااكان ومنو طل اللهم اني صايم ؟؟؟

هذا يبي يشتهر
لو مدح محد درى عنه
اجل وش يسوي اكيد يهدد ويتوعد؟؟ عشان تقول الناس من القوي هذا

اخوي كاتب الموضوع حنا في رمضان واي اساءة راح تكون اثم عليك
ارجو ان تتقبل مروري

هيبة(الهلال)ملك · #8 16/09/2007, 05:14 AM

على موبايلي بسرعه ياشباب

والله خوفنا

مادرينا عنك يابوش زمانك خخخخخخخخخخ

رٍســآوٍي · #9 16/09/2007, 05:17 AM

قلهـ قر هناكـ بس ..

ولاتنسى تقوله ( تعرف تسوق ) ^_^

واللهـ حالهـ ..

موبايلي .. عالم من اختياري << ينتحر راكان اذا شاف هـ الجمله ^_*

انا دمي أزرق · #10 16/09/2007, 05:36 AM

قله صح النوم ،،،

لقد حولنا منذو مبطي ...

انا عني حولت ... وسحبت خمسه خطوط لأخواني موبايلي ...

باقي العجيز .. والشايب ...

<<<<< بيشركهم في موبايلي الهلال من غير مايدرون <<< نذل

والله اللي راحت عليك ياشركة الانفصالات والاختلاسات

تذكرون يوم كنتو تقولون سدد ورح إعترض ؟؟!!!

تذكرون يوم تطلعون لي مكالمات على جزر القمر والمالديف في الفاتوره ؟؟

تذكرون يوم جيت ابي اطلع شريحه بدل فاقد جلست 3 ايام في مراجعات ؟؟

تذكرون يوم كان الجوال بـــ 10.000 ريال

تذكرون يوم كان قيمة الدقيقه بــ 1.60 هلله

تذكرون يوم بغيت اركب خط ثابت وجلست اربع شهور الين حصلت واسطه ..

تذكرون يوم عطيتوني موعد تركيب الخط الثابت قلتو بنجيك اليوم الفلاني وخليتوني انتظر من 8 الصباح الين 3 العصر ولا جيتو ؟؟

تذكرون وتذكرون وتذكرون ووووووووووو إلخ

أخيراً : تذكرون يوم كنا في حاجتكم .. لأن مافيه غيركم ماهو من زينكم .. وكنا نطارد وراكم !!!

الحين لازم تطاردون ورانا ... لأنكم في حاجتنا ..

والله وجرتك على خشتك موبايلي .... يا لإتصالات هع هع هع هع .

اللهم إني صائم

نهاار الهلالي · #11 16/09/2007, 05:40 AM

انا واحد تارك الاتصالات من تعاقد الهلال مع موبايلي

سنـــــتر · #12 16/09/2007, 05:49 AM

شوف انا مدري وش السالفة لكن من اللي قريته العلم فيه طول شنبات انا ابفزع لكم بموس ابو تمساح وشفرة وحدة بعد اذا قلنا بشنباتة وماسكت الدور على الحواجب. والله يا انا شرس

**ABU S3OOD** · #13 16/09/2007, 06:06 AM

للشباب اللي مايقدر يحولون موبايلي اقلها يلغي اشتراك جوال الهلال مع شركة الاتصالات والله ان تخسر 120 الف مشترك في لحظه خخخخخخخخخ

هلالي ارسنلاوي · #14 16/09/2007, 06:10 AM

موبايلي
و
بس

الشامت الصامت · #15 16/09/2007, 06:12 AM

إقتباس

الرسالة الأصلية كتبت بواسطة انا دمي أزرق


	قله صح النوم ،،، لقد حولنا منذو مبطي ... انا عني حولت ... وسحبت خمسه خطوط لأخواني موبايلي ... باقي العجيز .. والشايب ... <<<<< بيشركهم في موبايلي الهلال من غير مايدرون <<< نذل والله اللي راحت عليك ياشركة الانفصالات والاختلاسات تذكرون يوم كنتو تقولون سدد ورح إعترض ؟؟!!! تذكرون يوم تطلعون لي مكالمات على جزر القمر والمالديف في الفاتوره ؟؟ تذكرون يوم جيت ابي اطلع شريحه بدل فاقد جلست 3 ايام في مراجعات ؟؟ تذكرون يوم كان الجوال بـــ 10.000 ريال تذكرون يوم كان قيمة الدقيقه بــ 1.60 هلله تذكرون يوم بغيت اركب خط ثابت وجلست اربع شهور الين حصلت واسطه .. تذكرون يوم عطيتوني موعد تركيب الخط الثابت قلتو بنجيك اليوم الفلاني وخليتوني انتظر من 8 الصباح الين 3 العصر ولا جيتو ؟؟ تذكرون وتذكرون وتذكرون ووووووووووو إلخ أخيراً : تذكرون يوم كنا في حاجتكم .. لأن مافيه غيركم ماهو من زينكم .. وكنا نطارد وراكم !!! الحين لازم تطاردون ورانا ... لأنكم في حاجتنا .. والله وجرتك على خشتك موبايلي .... يا لإتصالات هع هع هع هع . اللهم إني صائم

والله انك كذا