17/09/2007, 12:29 AM
|
| زعيــم مميــز | | تاريخ التسجيل: 21/03/2004 المكان: مسنتر بالمجلس العام
مشاركات: 5,765
| |
|
أبعدوا اللاعبين عن الإعلام الإماراتي............!!
السلام عليكم ورحمة الله وبركاته
في دوري أبطال آسيا عام 2006 أوقعت القرعه نادي الهلال مع العين الاماراتي وماشال الاوزبكي وفريق عراقي لا يحضرني اسمه
المهم انه مباراة الهلال الاولى كانت مع نادي العين بالامارات, وقتها الهلال كان في أحسن حالاته وكامل الصفوف ولا فيه إصابات
لدرجة تفائلنا ان الزعيم بيرجع للرياض وهو فايز , كيف لا وهو مسيطر على جميع بطولات الموسم المحلي عام 2005
لكن للاسف الهلال دخل المباراة باسمه فقط حتى اللاعبين دخلوا باجسادهم فقط لا روح ولا عزيمه ولا هو الهلال اللي نخبره .
كيف اختفى الهلال في ذيك المباراة , والعجيب انه الهلال يلعب مع العين بكامل عافيته حتى في المباراتين
السابقتين عام 2003 كان الهلال كامل والكامل وجهه بيوسف والتمياط والدعيع والجمعان وسامي والغشيان وباقي النجوم .
وش السر اللي يخلي الهلال يختفي بالامارات مع انه فارق الامكانيات تحسب لصالحه من لاعبين وخبره وصولات وجولات
في ميادين آسيا .
اللي اتمناه من الاداره الهلاليه انها تمنع الاعلام الاماراتي من دخول تدريبات الهلال ويمنع اللاعبين من اي تصريح
او اي احتكاك مع الجمهور الاماراتي الشقيق والاهم ابعاد الاعلام الاماراتي .
الاعلام الاماراتي مافيه اخبث منه ويعرف يقلب الموازين لصالحه خصوصا مع الهلال ولو رجعنا لعام 2006
كانت تدريبات الهلال مفتوحه لكل من هب ودب من الاعلاميين والجماهير وهذا انعكس سلبي على اداء اللاعبين في ذيك المباراة
الاعلام الاماراتي في اخر مواجهه للهلال مع العين بالامارات استقبل الهلال على أساس انه زعيم آسيا
ونفخ ريش اللاعبين انتم ابطال وانتم زعماء وفريقكم يغدر خارج السرب في آسيا , لدرجة انه في ليلة المباراه
اعتقد انه قناة ابو ظبي استضافت ياسر القحطاني وأحد اعضاء مجلس ادارة الهلال.
لو تلاحظون انه الاعلام الاماراتي يطبق نفس نظرية المسؤولين الكويتيين قبل اي مباراة مع المنتخب السعودي
وهي اعطاء المنتخب السعودي حقه في الكلام لكن بزياده شوي وهذا اللي يحصل مع الهلال في الامارات ,
وانه المباراه محسومه سلفا للهلال .
والنتيجة لا مستوى ولا نتيجة ويرجع الهلال مهزوم كالعاده واللي اتمنى انها ماتتكرر يوم الاربعاء .
عموما اتمنى من الاداراه الهلاليه انها تتعلم من الدرس وتغلق التمارين مثل ماتغلقه في وجه جمهور الهلال بالرياض
ولا تفتح المجال لاي كان على حساب النادي فالمباراه هذي مهمه للهلال ولامجامله لاحد فيها .
الاتحاد عام 2005 في مباراة الذهاب للنهائي الاسيوي اغلق تمارينه في وجه الاعلام الاماراتي وابعد اللاعبين عن جو الترييش
فابدع الاتحاد وكان هو الاقرب للفوز .
نحترم الاخوه بالامارات ونحترم اعلامهم ولكن كل شي يهون الا مصلحة الهلال .
اتمنى رسالتي هذي توصل للاداره وتاخذه من باب التذكير فقط فهم ادرى بمصلحة الهلال  |
الوضع العادي
