السلام عليكم
ويسعد لي مساء الجميع يارب
والله يعينا على صيام رمضان
ويتقبل من الجميع صالح اعمالهم


صدر قرار بإيقاف خالد عزيز سنـــه كاملـــة !!!!!
نعم كلنا نتفق ان عزيز يستحق العقوبه
وكلنا على علم ان عزيز ستتم معاقبته

بـــس !!!!!
سنـــه كاملـــــــــــه ؟؟؟؟

اكثر المتفائلين من جماهير المنافسه للزعيم وخصوصا الانديه المشتهرة بمعاداتها للهلال كالنصر والاتحاد لم يتوقع سنــه كامله !!!!!!

انا كنت موجود في استاد الملك فهد في مباراة منتخبنا ضد المنتخب الغاني
وكان بجانبي اكثر من مشجع منهم نصراوي ومنهم اهلاوي ومنهم هلالي ومنهم اتحادي
واكثر واحد توقع سته شهور اللي هو النصراوي

نرجع لمحور حديثنا
نرجع بالذاكره شوي
ونتذكر الموقوفين

نبدأ بسيد المشاكل وامير العفو
محمــد نــور
هذا اللاعب الوحيد الذي فعل كل شيء
داخل الملعب كالبصق _ اعزكم الله _ والضرب والتصاريح التي يخجل منها اي انسان يتذكرها
حتى الجماهير في المدرجات ماسلمت منه < < قوي مره ماشاء الله عليه ,, القوي الله سبحانه
وخارج الملعب اعترض لجماهير في سيارتهم وضربهم ؟؟ لاحول ولا قوة الا بالله
بس اللوم ليس على محمد نور اللوم على اتحاد الغرائب
من أمن العقوبه اساء الادب

حسين عبدالغني ثاني المشكلجيه ونتذكر معه مرزوق العتيبي يوم يتكافخون قدام الله وخلقه في بطولة العرب .. ورئيس الاتحاد العربي هو رئيس اتحاد الغرائب
وكلهم كالعاده عفو وانت جاي بعد اقل من نص المده

لاعبين الجبلين الفضيحه العالميه ملاحق ومطارد في الملعب وملاقط وقسما بالله منظر ذيك المباراه اللهم لا شماته بس وبعدها تم صدور قرار شطب المتسببين من لاعبين ومدربين واداريين وبعد فتره كالعاده عفــــــــــــــــو

واقرب مثال عساف القرني كان في احدى البطولات المشارك فيها منتخبنا اتوقع للشباب يوم بترك المعسكر ويدّعي ان احد اقاربه متوفي !! وتم شطبه < قرار قوي صح بس النتيجه بعد 4 شهور رجع
ماحولك احد من جد


وانا قرأت الخبر كان مفروض يوقف شهرين بس بسبب احد الحاقدين خلها سنه
وصدقوني هذي خطه مدروسه ,,,, لانها صدقوني ايقاف عزيز ماراح يكون سنه
والله العظيم ماهوب سنه ,, ايقاف عزيز من الحين اقولكم
المفروض يسمى الى اشعار آخر
حتى تنتهي المشاركات المهمات امام الفرق المعاديه وسيتم رفع الايقاف
وراح يطلع جماهير الانديه الاخرى والرؤسا بيقولون الاتحاد السعودي اتحاد نادي الهلال
دائما مع الهلال لانه عفى عن خالد عزيز !!!!

وهذه هي الفكره الرئيسيه من ايقاف عزيز لمدة سنه ,,, بعد فتره سيتم رفع الايقاف عن عزيز وسيحدث ماذكرت !!

بس السؤال الحين ؟؟
متى موعد العفو ؟؟
هل بعد مباراة النصر ؟؟
ام مباراة الاتحاد ؟؟؟؟

والله يعين
واتمنى اللي عنده وجهة نظر طرحها
ونناقش الامر

والسلام عليكم

مشكوووور اخوي على الموووضوع
انا اشوف ان عزيز يستاهل ...لاتنسى انه ترك الهلال كذا مره
وبعدين الهلال ما وقف على خالد عزيز حتى لو كان نجم .
وجهة نظر

كلنا نتفق يابعد راسي يابدر 2020
ان عزيز يستحق العقوبه
بس اللي مانتفق عليه
سنـــه كامله ؟؟؟
عسى ماشر ...؟
ولا تنسى انه قدم تقرير طبي للأداره والمباراه نفسها وديه مهيب رسميه!!
ومثل الوطن خير تمثيل في الأسيويه و العالميه

ولو ان اتحاد الغرائب ماعاد فيه الغرائب والعجائب
تدري متى بيكون غريب وعجيب اذا طبق الاحتراف بمعنى الاحتراف راح يكون هذا الغريب

والباقي اعتدنا عليه ويجب ان نعتاد عليه
ومللنا من قولة بكره بيتعدل
والله ملينا
اتحاد التخبطات واتحاد المهاترات
كل واحد يشتغل على كيفه

الله يعينا بس
كسعوديين
مو بس هلاليين
وشكرا لك اخوي احترم وجهة نظرك

شباب نبي تفاعلكم وارائكم

واذا فيه واحد له وجهة نظر اتمنى يطرحها ونناقشها

وتحياتي لكم

سلام

كفيت ووفيت اتفق معك .....

لا كن والله محتاجين خالد في الدوري لان الغنام بيروح للمنتخب الاولمبي ...

والله محتاجين له في كل مكان ابو عزيز

العدل العدل لوكان العدل موجود للهلال احد اندية الوطن وبعدين المخطي منهو الهلال ولا عزيز المفروض الهلال ما يكون عليه ضرر الان الاعب محترف ومتعوب عليه من تجديد عقود ورواتب وخلافه

والله هالكلام إللي في بالي طلع !!

وإني عارف إن عقوبة السنة وراها سالفة .. ( زي العفو )

إقتباس وانا قرأت الخبر كان مفروض يوقف شهرين بس بسبب احد الحاقدين خلها سنه وصدقوني هذي خطه مدروسه ,,,, لانها صدقوني ايقاف عزيز ماراح يكون سنه والله العظيم ماهوب سنه ,, ايقاف عزيز من الحين اقولكم المفروض يسمى الى اشعار آخر حتى تنتهي المشاركات المهمات امام الفرق المعاديه وسيتم رفع الايقاف وراح يطلع جماهير الانديه الاخرى والرؤسا بيقولون الاتحاد السعودي اتحاد نادي الهلال دائما مع الهلال لانه عفى عن خالد عزيز !!!!

صدقت

إقتباس بس السؤال الحين ؟؟ متى موعد العفو ؟؟ هل بعد مباراة النصر ؟؟ ام مباراة الاتحاد ؟؟؟؟

هذا كلام الفاهمين يا روح الزعيم

وبارك الله فيك

تشششششششرفت بمرورك اخوي طباشير والله
وبارك الله فيك

اتوقع مايكمل السنة بس بشرط يغير اسمه من خالد عزيز الى محمد نور

اجل تبي العفو وانا اخوك ..؟؟؟

لو عزيز اتحادي كان جاك العفو ،،،

احمد ربك خلوه يشارك معانا في الآسيويه

اتحاد فاشل وش نسوي

احسن شي سمعته عن السالفه >>> :
لو (( هنري مثلاُ )) هرب من معسكر منتخب فرنسا هل الاتحاد الفرنسي بيمنعه من اللعب مع فريقه برشلونه لمدة سنه ....؟



استغفر الله العظيم واتوب اليه

والله صدقوني مني انا
مهوب مكمل السنه لو تطامرون
تذكروا عبدالله الجمعان
اصلا من بعد فيصل بن فهد الله يرحمه ولا لاعب في اي رياضه كمل مدة الايقاف كامله

والله الاتحاد السعودي ماحولك احد

وهم حاطينها سنه عشان بعد ماتنتهي مباراه احد الفرق المتعقده نفسيا راح يرفعون الايقاف
وبتذكرون كلامي

شباب ابي ردود
ومن عنده وجهة نظر ومن يتفق معي ومن يختلف معي

لا هنتوا يازعماء
وبالتوفيق اليوم لزعيمنا