|
تستاهل ماجاك يا خالد عزيز .. وتراك من جد مصختها السلام عليكم ورحمة الله وبركاته --- بس ودي اوضح للبعض اني هلالي فعلي من 22 سنه وكم سنه قبلها هلالي ولكن مع الخيل يا شقرا ---- البعض يدعي والبعض الاخر يتحسب والسبب ايقاف خالد عزيز ... من يكون خالد عزيز .. لاعب نحترمه ولكن الاجدر ان يحترم هو نفسه لو لاحظنا خالد عزيز كم مره ترك الهلال .. سواء راح يتمشى بالبحرين او غيره كل فتره نسمع شي عن خالد يا انه ترك التمرين او غايب وبعدين يرجع والاعذار موجوده طيب ليه ما يحترم خالد شي اسمه احتراف ليه ما يحترم القوانين ؟ انا وانت وغيرنا لو غبنا عن الدوام صارت علوم ولو زادت هالامور ممكن تأثير في المرتبات والترقيات اجل ليه نزعل على خالد ؟ خالد ما احترم نفسه ولا احترم جمهوره مهما كان السبب اللي خلى خالد عزيز يطلع من المعسكر ويترك المنتخب ورى ظهره ما يمنع ان خالد يستاذن ولو استاذن ورفضوا المفترض انه يتمثل لقرارهم خالد عزيز لاعب محترف والمفروض انه ما يجهل مثل هالامور..!! مو معناته اذا كان متميز اننا خلاص .. ننسى كل التصرفات اللي ما لها سنع مشكلتنا للاسف احترافنا الله بالخير مش حالك لا الاداره تتعامل تعامل صح ولا عندنا لاعبين يفهمون . وللاسف هالشي مو بس بلاعبيننا لا فينا كلنا كسعوديين . الى حد الان وعينا قليل بأمور كثيره ماعندنا احترام لا للعمل ولا للسير المروري ولا للاجانب حنا غير غير بكل شي ومن جد حنا اعقلها وتوكل --- ماني بعرف اعبر زين ولكن قلت اللي يجول بخاطري ولا يجيني احد من ذا البزارين ويقول انت مانت بهلالي ولا مندس ومن هالخرابيط |
اتمنى ان يكون على راس القائمة امام الوحدة الاماراتي |
ياحبيبي ماقلنا شي بس مثله مثل غيره غيره يغيب ويكذب وهو بعذر لكن الله يعينا على نواف بن فيصل |
نحن الهلاليين نبي العدل اللاعب اخطأ بس نبي العقاب مثله مثل غيره ’’’ بس مانقول الا حسبي الله ونعم الوكيل ’’’ الله لايوفق اللي كان السبب ’’’ |
عزيز مخطئ ولكن نريد المساوه في العقوبه |
إقتباس:
عموما خالد عزيز يستحق العقوبه لاكن اخوي العقوبه لا تكون ايقاف لان الايقاف يخسر منه النادي والمنتخب اكثر من اللاعب نفسه بالعكس المستفيد هو اللاعب اجازه محد يحصلها ولا وبعد في رمضان فله :) انا اتمنى ان تكون العقوبات ماليه لان اللاعب لا يتاثر ولا يتعدل الا اذا كانت العقوبات ماليه اما الايقاف فهي تكون عقوبه للامور الخطيره مع الحسم المادي . |
اللي ابي اعرفه بما انه طلع وعنده ظرف ليش ما شغل جواله ؟ ما يدري انه احد بيسأل عليه وبما ان العذر على قولته انه اهم من كل شي واللي هي زوجته ليش ما يخلي الجوال شغال ويدق من يدق .. عادي يقول كذا وكذا بدال ما يصير كل هذا اما انه يقفل الجوال ومن بكره يجيب عذر..ويقول زوجتي تعبانه على العين والراس بس يتحمل العقاب ويكون عبره له ولغيره |
خالد عزيز صراحه عليه تصرفات غريبه وغبيه في نفس الوقت..!؟ مره يوم سحب على الهلال قبل مباراة النهائي قدام الشباب قبل موسمين ..؟ والحين في معسكر المنتخب والمنتخب بيلعب مباراة قويه ومفيده مع غانا ...؟ الله يخلف عليك يا عزيز ..!! |
الف شكر على الطرح والكلام العقلاني .. كثر الله من امثالك .. وعوافي على الموضوع .. ^_^ .. |
شكرا لك على موضوعك وانا موقايل منت هلالي بس اخوي هل فيه انظمة وقوانين على الواقع عشان تطبق على مثل هذه التصرفات ام انها ارتجاليه وتبي الاعب المحترف ينضبط وانت ما عندك قوانين الا قرارات ارتجاليه قليلا من التعقل عند طرح اي مشكله انا لم اقول ما اخطاء ولكن هل القرار يأثر على الاعب ام على الهلال اتمنى انه يوضع انظمة وقوانين بعدين حاسب الاعبين ام ان ادارة الاتحاد ليست محترفه وادارة الاندية ليست محترفة بس الاعبين وتطالب الاعب بالانضباط اتمنى ان يكون من يرئس الاتحاد ان يحدث انظمة للاحتراف ويجب على الجميع المشاركة فيها او يتم تطبيق قوانين الفيفا ويرحون من قرارات الارتجال دمتم بزعامة |
إقتباس:
عندك عذر فيه اختراع اسمع استاذان فيه شي اسمه جوال |
انا ما انكر ان اللاعب خالد عزيز لاعب مبدع ولكن اللي سواه تصرف مب مسؤول وأنا اقول ياليتها جت من غيرك يابو عزيز كان أهون :cry: بس تبون الصراحه أنا أشوف ان اللاعب السعودي عموما نور و عزيز وغيره ماراح تردعه عقوبات الايقاف تبونه يتوب مفروض تفرض عليه عقوبات ماليه "كبيره" وهذا وجهي ان ما شفتوا الانتظام 100% << يعني تخيلوا معي لو ان اللاعب تعبان وطفشان يبي اجازه طلبها من النادي وقالوا له معصي ورانـا بطولات وانت ماعندك بديل جاهز وش بيسوي ياترى !!!!! أنا ما اتكلم عن خالد عزيز ولا أتهمه بـسوء النيه و اللـه أعلم وش هي ظروفه أنا اتكلم عموما أكيد بيرتكب مخالفه حتى يتم ايقافه "حتى اشعار اخر" ويتنعم هو بالاجازه اللي ماحلم فيها واما الراتب اللي بيتوقف ماشاء اللـه الخير كثيييير بـس لو كانت العقوبه ماليه و "كبيره" أنا اجزم ان المخالفات بتقل بشكل كبير او يمكن بعـد تنعدم واسفه على الاطاله وتبقى وجهة نظر |
لا لا حرام عليك خالد عزيز مافيه مثله بالمملكه وشكرا |
هالكلام رح اكتبه في منتداك الاصفر لاتجي تنشر عفنك عندناا |
عزيز أخطأ ولا شك في ذلك.. وتصرفه غير مقبول.. ولا يمكن لأحد أن يوافقه على ما قام به.. بيْد أننا أيضاً نقول بأن ما حدث من عزيز.. كان بالإمكان أن لا يصل إلى هذا الحد.. لو أن هناك تعاملاً إدارياً جيداً.. فمقولة إن اللاعب في كل الأحوال يجب أن لا يخطىء.. وإننا لا نقبل أي خطأ من اللاعب مهما يكن الأمر.. مقولة ليست كافية لإنجاح الإداري..!! تمنيت لو أن الجهاز الإداري للمنتخب.. تعامل مع قضية عزيز.. تعاملاً هادئاً.. ومثالياً.. وراقياً.. بعيداً عن التشنج والانفعال.. والتهديد والوعيد.. عزيز أخطأ قلنا هذا وسنكرره.. لكن كان هناك حلول للتعامل مع الموقف الذي حدث بشكل أفضل.. ومعالجة الموضوع بأكثر حكمة.. فعزيز عندما غادر معسكر المنتخب تمَّ التعامل مع الموقف من قِبل الجهاز الإداري بشيء من الاستعجال.. وبأمور بعيدة عن المنطق.. والتعامل المثالي والصحيح لمثل هذه الأمور..!! كاتب المقال عبد الواحد المشيقح |
| الوقت المعتمد في المنتدى بتوقيت جرينتش +3.
الوقت الان » 12:06 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd