إقتباس الرسالة الأصلية كتبت بواسطة II 2T II انا ما انكر ان اللاعب خالد عزيز لاعب مبدع ولكن اللي سواه تصرف مب مسؤول وأنا اقول ياليتها جت من غيرك يابو عزيز كان أهون بس تبون الصراحه أنا أشوف ان اللاعب السعودي عموما نور و عزيز وغيره ماراح تردعه عقوبات الايقاف تبونه يتوب مفروض تفرض عليه عقوبات ماليه "كبيره" وهذا وجهي ان ما شفتوا الانتظام 100% << يعني تخيلوا معي لو ان اللاعب تعبان وطفشان يبي اجازه طلبها من النادي وقالوا له معصي ورانـا بطولات وانت ماعندك بديل جاهز وش بيسوي ياترى !!!!! أنا ما اتكلم عن خالد عزيز ولا أتهمه بـسوء النيه و اللـه أعلم وش هي ظروفه أنا اتكلم عموما أكيد بيرتكب مخالفه حتى يتم ايقافه "حتى اشعار اخر" ويتنعم هو بالاجازه اللي ماحلم فيها واما الراتب اللي بيتوقف ماشاء اللـه الخير كثيييير بـس لو كانت العقوبه ماليه و "كبيره" أنا اجزم ان المخالفات بتقل بشكل كبير او يمكن بعـد تنعدم واسفه على الاطاله وتبقى وجهة نظر

رديت على واحد من الاخوان وقلت
الخوف انه ما تأثر به العقوبات الماليه
خصوصا اذا كان الراتب مو شي قدام الدعم اللي يجيه سواء من شلته من اعضاء الشرف
او من الجهاتالاخرى وانا ابد ما اقصد الدببه

إقتباس الرسالة الأصلية كتبت بواسطة فــ الهلال ارس لا لا حرام عليك خالد عزيز مافيه مثله بالمملكه وشكرا

اي يهببببببل فديت قلبه !!!!

إقتباس الرسالة الأصلية كتبت بواسطة مزاجي الزعيم هالكلام رح اكتبه في منتداك الاصفر لاتجي تنشر عفنك عندناا

اقسم لك بالله انك فشيله انك هلالي
والله العضيم انك من جد فشيله
ان فيه هلالي بهالشكل
بس عاد وش نسوي

ورع وخبل وكل شي فيك

ياخي عيب عليك استح وشوف ردود الناس اللي فوق واللي تحت
وشوف الناس كلهم يعني ماهم هلاليين الا انت بس الهلالي ؟
الظاهر انك انت اللي مانت بهلالي وجاي بس تبي تخرب سمعت الهلاليين
ياشين رح بس العب هناك بعيد

إقتباس الرسالة الأصلية كتبت بواسطة ياسر سمي الكاسر ياشاباب العقلانيه وابعدوا عن الانفعال

لا عادي وانا اخوك كل اللي موجودين عقلانيين

وردودهم والله ترفع الراس ان عندنا ناس فاهمه

اما اللي خطم قبل شوي

اعتبره فاصل اعلاني يرفع الضغط وانتهى

إقتباس الرسالة الأصلية كتبت بواسطة alzaeem for ever طيب أنا معكـــ ... بس هل هذه العقوبة إحترافية .. لا والله همجية بمعنى الكلمة .... ومزعجينا إحتراف و خخط علمية ..... المفروض اللوائح والعقوبات تصير محترفة بالاول .... ناديه وش دخله يتعاقب ..... وبعدين الى إشعار آخر ... خذلكـــ إستهبال على كيفكـــ .. يعني يمكن بكرى و يمكن بعد سنتين ..... ماندري .... وما أقول إلا الله لا يوفقهم .... و حسبنا الله و نعم الوكيل ..

معك والله يا غالي

ومثل ما قلت لك

خالد اخطى والاتحاد معندك احد


ولكن عاد يوم اننا نعرف ان هذي هي امور الاتحاد ورى ما نعقل ربعنا اللي نقدر عليهم

اما الاتحاد خبرك اكبر مننا ولا نقدر نقول شي

إقتباس الرسالة الأصلية كتبت بواسطة سم الهلال هل انت متأكد انك هلالي من 20 سنه !!!!!!!!!!!

لا من 22 سنه فعليا

هماني قايلن لك من اول ا كتبت الموضوع

ولا متنح يا بعدي

ولو بحسب السنين اللي كنت وقتها توني ما عديت ال 7 سنين بقول لك اني من يوم ما انولدت يعني من 30 سنه

بس انا شلت 8 سنين تحسبا يمكن اني وقتها احب الهلال على شانه على لون البيبسي ايام ما كان البيبسي تحت به نقط

إقتباس الرسالة الأصلية كتبت بواسطة osamah99 خالد من اهم لاعبين الهلال والمنتخب.. بس ما احترم حبنا له ولا تقديرنا له كنجم .. لذا يجب ان يعاقب

ااكد على كلامك

خالد لاعب مهم

ولكن ياليته قدرنا

إقتباس الرسالة الأصلية كتبت بواسطة Saleh Al-Maqbool لأن ( الهلال ) لم ينشر سبب الســفرية الماضية والتي كانت قبل نهائي كأس دوري خادم الحرمين الشرفين وبما أن الجميع ( ستروا ) عليه فقد كررها لأنهم مراح يقولون ماذا حدث فعلاً عموماً يستحق الايقاف بغض النظر عن السبب . تحياتي

اتمنى ان هالمره تغير فكر خالد عزيز

يعطيك العافيه عمي

إقتباس الرسالة الأصلية كتبت بواسطة الهلال السهم القيادي يا خوي احنا ما ننكر ان خالد عزيز غلط ،،، لاكن نبي عقابه يصير زي غيره ، ،، ياخي محمد نور وهي قضية تزوير مخلينه يشارك مع الإتحاد في البطوله العربيه الموسم الماضي وهو موقف محلياً مع الإتحاد و موقف مع المنتخب ،،، و غيره وغيره و غيره و هذا على سبيل المثال لا الحصر ،،، حنا كل الي نطالب فيه العدل بس

مثل ما قلت لك بردودي

ان اتحادنا معندك احد

بس الله يعين ويوفق

وخالد ان شاء الله هالمره عاد يوقف عند حده ويحترم الجميع


والله يوفق الهلال بالفتره الجايه

واتمنى ان هالمواضيع ما تأثر على الهلال سلبا

واتمنى ان اللاعبين يصفون اذهانهم ويركزون على اللي جاي

لانه بالفعل المباريات اجايه مهمه جدا جدا جدا

وقد تكون بالنسبه لي من اهم مباريات الهلال في تاريخه
وانا اقصد من الضروري جدا اننا ناخذ هالكاس وهالمره بالتحديد

لاننا اكيد راح نسوي اقوى وافضل من اللي سووه اسلافنا

خطأه لا يستحق هذه العقوبة

طيب عنده الرجال اعذار

إقتباس الرسالة الأصلية كتبت بواسطة ALZa3eEm 3AmaHoM خطأه لا يستحق هذه العقوبة

لا شوف هالعقوبه يمكن تكون حدها شهر او يمكن يومين اسبوع

الى حد الان ما ندري

يمكن بس الى ما تنتهي مباراة الهلال ويمكن لا

على العموم هو يستاهل اقسى عقوبه

بكل امانه المفترض انه يوقف ويعتمد ايقافه مو ايقافاتنا اللي احنا نعرفها
نوقف اليوم وبكره يتم العفو

وهذا اللي يقهر

إقتباس الرسالة الأصلية كتبت بواسطة mo7amy طيب عنده الرجال اعذار

وش عذره ؟
طيب ليه مقفل جواله ؟
هذا عذر والاعذار ممكن تكون صح وممكن تلفيق

انا ما ابي اكذب الرجال او افتري عليه

ولكن ياخي خالد ممصخها علومه واجد قبل هالسالفه

إقتباس الرسالة الأصلية كتبت بواسطة الشااامخه نحن الهلاليين نبي العدل اللاعب اخطأ بس نبي العقاب مثله مثل غيره ’’’ بس مانقول الا حسبي الله ونعم الوكيل ’’’ الله لايوفق اللي كان السبب ’’’

يا بنت الحلال الاتحاد عندنا انواع التخبطات

ماعندهم ما عند هم شي

على المزاج

واصلا اتحاد ماهو مرتب

زيه زي اي شي حكومي

معاملات وصادر ووارد

وكراسي ياكلون من وراها ناس عيش

وهمهم الاول والاخير انهم يمشون رواتبهم من الدوله

والشاهي الله لا يخسر الدوله على حسابها

وتجمعات وقلق بذا الدوام

ولا احد يفكر للتطير ولا للفائده

مير ربنا ييسرها من عنده