نادي الهلال السعودي - شبكة الزعيم - الموقع الرسمي - خليفة سامي+نواف 2000+رجوع الشلهوب=الهلال في موسم 28-29

سلامز

اول موضوع ليا في المنتدى الجبار هذا.. :)

زي منتو شايفين عنوان الموضوع ..

بأتكلم عن وضع الهلال حالياً .. بكامل نجومه

اتوقع للهلال موسم مميز جداً قادم .. وهذي وجهات نظري

المبدع ياسر الكاسر القناص.. الي اعتبره خليفه سامي بعد الي سواه اليوم وبعد المستوى المبهر الي رجع له ..

نواف التمياط .. اتوقع انه في بدايه المشوار لرجوعه لنواف الذهبي.. ولسه باقي الموسم

محمد الشلهوب.. بعد الإصابه والغيبه الطويله .. رجع الموهوب بقوه وابداع .. شفت لعبه اليوم كان روعه وزابط خط الوسط

....

هذا العنوان .. وهذي تعليقاتي عليه

ابغى اسوي مقارنه بين زعيمنا في الموسم هذا .. والموسم الفائت

الموسم الي راح .. راح اتكلم عن الأجانب

كان عندنا التائب.. ماشالله كان مبدع ..

صخره الدفاع تفاريس.. مايحتاج

الفان .. الي كان نقاش وجدال طويل عليه .. مااتوقع انه كان في مستوى الزعيم .. وبذلك فهو نقطه ضعف للفريق

بقيه الفريق..

المفرج .. كثرت الإنتقادات عليه .. واتوقع الحين ان دوره يريح

الخثران .. ما تأثر مستواه عن اول

العنقري .. ممم يمشي الحال كان

الدعيع مايحتاج .. العميد

سامي الجابر كان يدخل ويحسم في بعض المرات ..

ياسر ماكان في قمه مستواه ابداً.. والكل يتذكر

الشلهوب برضو نفس الموضوع

عمر الغامدي كان مستواه متذبذب.. بس في اغلب الاوقات رائع

خالد عزيز جندي الفريق المجهول..

نواف التمياط .. غاب كثيراً قبل الموسم الي راح .. وفي خلاله

....

نجي للجهه الفنيه ..

المدربين كانو ملخبطين ..

باكيتا ضيع الفريق صراحه .. ماكانو المدربين يعطو الوجيه الشابه فرصه

الفريق من الناحيه الإداريه .. تخبطات كثيره وتقديم استقالات .. وكثره الديون والإداره في ضائقه ماليه .. الخ

ماكان فيه عقد قوي وشركه راعيه زي الناس ترعى الفريق

ومع ذلك .. الزعيم قدر يتأهل لاسيا.. قدر يحافظ على مركزه الأول في دوري خادم الحرمين الشريفين .. قدر يحافظ على المقام

الموسم الحالي.. او وضع الفريق الحين

بدايه قويه .. اول مباراه فيها 5 اهداف نظيفه

عناصر شابه .. مع اني مااحبذها كلها

اعطاء الوجوه الشابه فرصه للعب .. والتنوع في طريقه اللعب

رجوع نواف تقريباً بعد المباراه الثانيه او الثالثه مع الزعيم

تميز التائب واستمراره في التألق

رجوع ياسر للفن والإبداع .. من خلال مباراه اليوم.

كذلك الشلهوب .. رجوعه

اعطاء فرصه للمرشدي الي طالما الجمهور ناشد وطالب فيه

برزت للجمهور بعض العناصر الشابه الجيده .. سعد الذياب والزوري .. مع ان الكلثم مو داخل مزاجي:sick:

برونو .. اللاعب المجهول الي عندي احساس انه راح يسوي الشي الكثير اذا المدرب اعطاه فرصه لعب مباراه كامله

محمد نامي .. اتوقع ان اللاعب مبدع .. ولسه ماشفنا حاجه

من الناحيه الإداريه .. اتوقع ان الأمور مستقره الان

خزينه النادي انتعشت بـ عقد موبايلي الجيد جداً

مدرب فاهم والكل مقتنع فيه ..

اداء جيد جداً الكل راضي عنه .. اتوقع وهذا لسه الدوليين وبرونو ومحمد نامي مالعبو

انا اشوف ان النادي حالياً متكامل من كل النواحي .. وعندي احساس قوي جداً اننا راح ننجز الشي الكثير خلال الموسم هذا

.......

ان شالله ندخل لأسيا واحنا جاهزين 100 % مع هذه التشكيله المتوقعه مني

في حراسه المرمى محمد الدعيع

في الدفاع تفاريس.. والمرشدي .. والزوري والخثران

في المحاور خالد عزيز وعمر الغامدي

في خط الوسط طارق التائب.. محمد الشلهوب

في المقدمه ياسر و احمد الصويلح

وادخال نواف او برونو او النامي كأوراق رابحه .. ومنها نشوف اداءهم كيف
او ان واحد من الثلاثه يكون اساسي..

كل امنياتي للفريق الهلال التوفيق في الموسم الجديد .. وفي مباراه الخميس

وكل عام وانتم بخير ^^s13s