#1  
قديم 08/09/2007, 09:04 PM
زعيــم فعــال
تاريخ التسجيل: 24/04/2006
مشاركات: 215
Thumbs up شباب اي واحد بيحول موبايلي يتفضل هنا

جمهور الزعيم

السلام عليكم كيف حالكم مبسوطين إن شاء الله



حبيت اقولكم


اليوم الحمد لله حولت من الإتصلات إلى موبايلي فاتورة

واحب اقولكم الخطوات عشان اي واحد فيكم بيحول مايخطئ بالخطأ اللي صار لي

اولا

اللي قال موبايلي شبكتها غير جيدة والتغطية سيئة احب اقولكم

اليوم الجهاز معاي فل ماشاء الله

والله العظيم مانقص ولاحبة وحدة من البرج

واي واحد فيكم بيحول انصحة يتوكل على الله

يعني لاتخافون اللي بالرياض والمنطقة الشرقية وجدة ومكة والمدينة

إن شاء الله تغطيتها حلوة


ثانيا

اي واحد بيحول

يعمل هالخطوات

تروح لأقرب صراف الراجحي وتسدد كل المبالغ اللي عليك في الإتصالات

وبعدها تروح لأقرب فرع موبايلي وتطلب تحويل الرقم

طبعا الرقم نفسه هو هو ماراح يتغير ابدا

وبإذن الله بكرة تجيك رسالة تم قبول الطلب او لم يتم القبول

مدة التحويل تقعد تقريبا 48 ساعة

يعني انت إذا سددت للإتصالات لاتتصل بجوالك ابدا حاول انك

تتصل عن طريق السوا او طريق جوال ثاني اهم شي انك ماتتصل منه

عشان ماتحسب عليك فاتورة ثانية

ملاحظة مهمة

حاول انك تروح في بداية الأسبوع

انا اخطيت خطأ اني رحت يوم الإربعاء ومافتح معاي إلا يوم السبت

عشان الإتصالات مايداومون يوم الجمعة

إذا رحت يوم السبت راح يفتح معك يوم الإثنين وإذا رحت الأثنين بيفتح معك الإربعاء

طبعا التسديد للفاتوة كل شهر وليس مثل شركة الإتصالات كل شهرين

الحد الإئتماني عندهم 500 وعندهم 200

عندهم خدمة الإنترنت وهذي حلوة صراحة

هذا بختصار

وبصراحة ازين مافيهم إذا دقيت على طول يردون عليك

موب مثل الإتصالات تروح تتغدى وتتعشى وتقيل وتوهم ماردو عليك

هذا اللي صار لي معهم واتمنى اي واحد يبي يحول مايخطئ باللي اخطيت فيه

بإختصار

* إذا جيت تروح تحول رح بداية الأسبوع

* وسدد فاتروة الإتصالات عن طريق بنك ولا تسددها عن طريق مكتب الإتصالات

لأنها تاخذ 48 ساعة عشان يوصل المبلغ

لكن البنك على طول بنفس الوقت

* بالنسبة للرسوم مافي رسوم التحويل مجاني بدون مبالغ

* انصحك انك تاخذ خط بلس

لاتاخذ اي خط غيرة

لأن بلس قيمة الدقيقة فيه

30 هللة لجميع المكالمات سواء ثابت او إتصالات او موبايلي

بالإضافة لرسوم شهرية 40 ريال

بالإضافة لإختيار 5 ارقام مفضلة تكون الدقيقة 20 هللة


بينما الإتصالات عندهم باقتين

باقة 35 وسعر الدقيقة فيه 45 هللة لجوال الإتصالات و50 هللة للثابت اوموبايلي

وباقة 45 وسعر الدقيقة فيه 35 هللة لجوال الإتصالات و40 هللة للثابت او موبايلي


بإختصار موبايلي افضل من ناحية الأسعار وخدمتهم حلوة التغطية كويسة

وكل شي ماشي تمام





والله يوفقكم



وشكرا لكم






اضافة رد مع اقتباس
  #2  
قديم 08/09/2007, 09:27 PM
زعيــم نشيــط
تاريخ التسجيل: 29/07/2007
المكان: هنآإآكـ عند ذآإآكـ ,.,
مشاركات: 523
شكراً على التوضيح

ويعطيك العافيه أخوي
اضافة رد مع اقتباس
  #3  
قديم 08/09/2007, 09:33 PM
زعيــم مميــز
تاريخ التسجيل: 14/11/2006
مشاركات: 3,273
مشكور على التوضيح

انا بسوي مثلك
اضافة رد مع اقتباس
  #4  
قديم 08/09/2007, 09:39 PM
زعيــم فعــال
تاريخ التسجيل: 24/04/2006
مشاركات: 215
هلا فيكم شباب

ومشكورين على المرور وإن شاء الله تعجبكم


^_^
اضافة رد مع اقتباس
  #5  
قديم 08/09/2007, 09:47 PM
زعيــم نشيــط
تاريخ التسجيل: 26/05/2004
المكان: انا وسامي كل دار وطنا
مشاركات: 789
هات راسك ابوسه
من زماااان وانا انتظر هذا الموضوع
جزاك الله خير وماقصرت
اضافة رد مع اقتباس
  #6  
قديم 08/09/2007, 09:47 PM
زعيــم نشيــط
تاريخ التسجيل: 04/08/2004
المكان: صقليه ( معقل المافيا )
مشاركات: 686
شركة نصب واحتيال ...

يعلم الله انهم اختلسوا علي 800 ريال عيني عينك وجحدوني بكل بساطه...

و800 ريال ما تستاهل الواحد يتشكي او يرفع قضيه على هالشركه الفاشله ...

وهذا ديدنهم ولا تهون الاتصالات بس على الاقل انها تختلس بمقابل وليس بدون مقابل ...
اضافة رد مع اقتباس
  #7  
قديم 08/09/2007, 09:59 PM
زعيــم فعــال
تاريخ التسجيل: 21/07/2006
مشاركات: 283
مشكور
اضافة رد مع اقتباس
  #8  
قديم 08/09/2007, 10:02 PM
زعيــم متواصــل
تاريخ التسجيل: 29/10/2005
المكان: في الزعيم
مشاركات: 146
طيب لازم اروح فرع موبيالي مافيه شيء عن طريق الانترنت.
اضافة رد مع اقتباس
  #9  
قديم 08/09/2007, 10:03 PM
زعيــم مميــز
تاريخ التسجيل: 31/07/2005
المكان: Chicago
مشاركات: 4,075
الله يعطيك العافيه
والله ماااقصرت
كفيت ووفيت
بصررررررررررررررررااااااااحه كلاااااااامك شجعني عشاااااااااان احووووول
خطي باذن الله خلال الاسبوووووووووووع هذا
اضافة رد مع اقتباس
  #10  
قديم 08/09/2007, 10:09 PM
زعيــم نشيــط
تاريخ التسجيل: 08/12/2006
المكان: الزعيم
مشاركات: 644
مشكور ولاكن الشبكه توها حائل والحدود الشماليه كلها
التغطيه فيها ضعيفه
اضافة رد مع اقتباس
  #11  
قديم 08/09/2007, 10:17 PM
زعيــم فعــال
تاريخ التسجيل: 24/04/2006
مشاركات: 215
blue_9

هلا والله فيك اخوي وإن شاء الله استفدت

هلالي من المافيا

اخوي والله ماأدري بصراحة لكن انا شفت تعاملهم كله تمام

وكل اللي اعرفهم مافي احد يسب ويشتم فيهم

والله اعرف واحد حول كل جوالاته بسبب خدمتهم الطيبة والله يعينك اخوي

اتوقع كان فيه غلط انت راجعهم وشف


alzaem_saleh


هلا فيك يالغالي

هايم هلالي

والله ياليت لو فيه عن طريق الأنترنت

LIFE

حياك الله يالغالي


هل هلالك يالهلال

والله بالنسبة للمنطقة الشمالية ماعندي فيها علم

لكن بإمكانك تسألهم وتشوف


^_^




اضافة رد مع اقتباس
  #12  
قديم 08/09/2007, 10:23 PM
زعيــم فعــال
تاريخ التسجيل: 30/08/2007
المكان: المملكة العربية السعودية
مشاركات: 476
ألف شكر لك يالغالي على التوضيح
اضافة رد مع اقتباس
  #13  
قديم 08/09/2007, 10:28 PM
زعيــم متألــق
تاريخ التسجيل: 31/03/2005
المكان: فانكوفر-كندا
مشاركات: 1,380
اخوي طيب خط بلس رسومه اربعين ريال ما في مبلغ للتاسيس اذا حولت ونقدر نحول من باقة الى باقة ولا خلاص اذا اخترنا باقة ما نقدر نحول بصراحة انا دخلت موقعهم ما فهمت ولا شي لابلس ولا باقات الدقايق اتمنى انه يطرح موضوع متكامل من احد الاخوة العاملين في موبايلي يشرح لنا بالتفصيل

مشكوووووووووووور اخوي على معلوماتك والله استفدت منها اكثر من استفادتي من موقع الشركة
اضافة رد مع اقتباس
  #14  
قديم 08/09/2007, 10:30 PM
الصورة الرمزية الخاصة بـ معاذالهلالي
زعيــم نشيــط
تاريخ التسجيل: 16/01/2007
مشاركات: 509
واللله انك كفو من زمان نبغى الموضوع هاذا وان شاءالله بحو رقمي
اضافة رد مع اقتباس
  #15  
قديم 08/09/2007, 10:34 PM
زعيــم متألــق
تاريخ التسجيل: 07/11/2006
مشاركات: 1,204
يعطيك العافية وازيدك من الشعر بيت:
ان تلفزيون الجوال مع موبايلي ب50 ريال شهريا ومفتوح وعند الاتصالات الدقيقة ب 55 هللة؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:45 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube