|
شباب اي واحد بيحول موبايلي يتفضل هنا جمهور الزعيم السلام عليكم كيف حالكم مبسوطين إن شاء الله حبيت اقولكم اليوم الحمد لله حولت من الإتصلات إلى موبايلي فاتورة واحب اقولكم الخطوات عشان اي واحد فيكم بيحول مايخطئ بالخطأ اللي صار لي اولا اللي قال موبايلي شبكتها غير جيدة والتغطية سيئة احب اقولكم اليوم الجهاز معاي فل ماشاء الله والله العظيم مانقص ولاحبة وحدة من البرج واي واحد فيكم بيحول انصحة يتوكل على الله يعني لاتخافون اللي بالرياض والمنطقة الشرقية وجدة ومكة والمدينة إن شاء الله تغطيتها حلوة ثانيا اي واحد بيحول يعمل هالخطوات تروح لأقرب صراف الراجحي وتسدد كل المبالغ اللي عليك في الإتصالات وبعدها تروح لأقرب فرع موبايلي وتطلب تحويل الرقم طبعا الرقم نفسه هو هو ماراح يتغير ابدا وبإذن الله بكرة تجيك رسالة تم قبول الطلب او لم يتم القبول مدة التحويل تقعد تقريبا 48 ساعة يعني انت إذا سددت للإتصالات لاتتصل بجوالك ابدا حاول انك تتصل عن طريق السوا او طريق جوال ثاني اهم شي انك ماتتصل منه عشان ماتحسب عليك فاتورة ثانية ملاحظة مهمة حاول انك تروح في بداية الأسبوع انا اخطيت خطأ اني رحت يوم الإربعاء ومافتح معاي إلا يوم السبت عشان الإتصالات مايداومون يوم الجمعة إذا رحت يوم السبت راح يفتح معك يوم الإثنين وإذا رحت الأثنين بيفتح معك الإربعاء طبعا التسديد للفاتوة كل شهر وليس مثل شركة الإتصالات كل شهرين الحد الإئتماني عندهم 500 وعندهم 200 عندهم خدمة الإنترنت وهذي حلوة صراحة هذا بختصار وبصراحة ازين مافيهم إذا دقيت على طول يردون عليك موب مثل الإتصالات تروح تتغدى وتتعشى وتقيل وتوهم ماردو عليك :d هذا اللي صار لي معهم واتمنى اي واحد يبي يحول مايخطئ باللي اخطيت فيه بإختصار * إذا جيت تروح تحول رح بداية الأسبوع * وسدد فاتروة الإتصالات عن طريق بنك ولا تسددها عن طريق مكتب الإتصالات لأنها تاخذ 48 ساعة عشان يوصل المبلغ لكن البنك على طول بنفس الوقت * بالنسبة للرسوم مافي رسوم التحويل مجاني بدون مبالغ * انصحك انك تاخذ خط بلس لاتاخذ اي خط غيرة لأن بلس قيمة الدقيقة فيه 30 هللة لجميع المكالمات سواء ثابت او إتصالات او موبايلي بالإضافة لرسوم شهرية 40 ريال بالإضافة لإختيار 5 ارقام مفضلة تكون الدقيقة 20 هللة بينما الإتصالات عندهم باقتين باقة 35 وسعر الدقيقة فيه 45 هللة لجوال الإتصالات و50 هللة للثابت اوموبايلي وباقة 45 وسعر الدقيقة فيه 35 هللة لجوال الإتصالات و40 هللة للثابت او موبايلي بإختصار موبايلي افضل من ناحية الأسعار وخدمتهم حلوة التغطية كويسة وكل شي ماشي تمام والله يوفقكم s13s وشكرا لكم :thumbup: |
شكراً على التوضيح ويعطيك العافيه أخوي |
مشكور على التوضيح انا بسوي مثلك |
هلا فيكم شباب ومشكورين على المرور وإن شاء الله تعجبكم ^_^ |
هات راسك ابوسه من زماااان وانا انتظر هذا الموضوع جزاك الله خير وماقصرت |
شركة نصب واحتيال ... يعلم الله انهم اختلسوا علي 800 ريال عيني عينك وجحدوني بكل بساطه... و800 ريال ما تستاهل الواحد يتشكي او يرفع قضيه على هالشركه الفاشله ... وهذا ديدنهم ولا تهون الاتصالات بس على الاقل انها تختلس بمقابل وليس بدون مقابل ... |
مشكور |
طيب لازم اروح فرع موبيالي مافيه شيء عن طريق الانترنت. |
الله يعطيك العافيه والله ماااقصرت كفيت ووفيت بصررررررررررررررررااااااااحه كلاااااااامك شجعني عشاااااااااان احووووول خطي باذن الله خلال الاسبوووووووووووع هذا |
مشكور ولاكن الشبكه توها حائل والحدود الشماليه كلها التغطيه فيها ضعيفه |
blue_9 هلا والله فيك اخوي وإن شاء الله استفدت هلالي من المافيا اخوي والله ماأدري بصراحة لكن انا شفت تعاملهم كله تمام وكل اللي اعرفهم مافي احد يسب ويشتم فيهم والله اعرف واحد حول كل جوالاته بسبب خدمتهم الطيبة والله يعينك اخوي اتوقع كان فيه غلط انت راجعهم وشف alzaem_saleh هلا فيك يالغالي هايم هلالي والله ياليت لو فيه عن طريق الأنترنت LIFE حياك الله يالغالي هل هلالك يالهلال والله بالنسبة للمنطقة الشمالية ماعندي فيها علم لكن بإمكانك تسألهم وتشوف ^_^ |
ألف شكر لك يالغالي على التوضيح |
اخوي طيب خط بلس رسومه اربعين ريال ما في مبلغ للتاسيس اذا حولت ونقدر نحول من باقة الى باقة ولا خلاص اذا اخترنا باقة ما نقدر نحول بصراحة انا دخلت موقعهم ما فهمت ولا شي لابلس ولا باقات الدقايق اتمنى انه يطرح موضوع متكامل من احد الاخوة العاملين في موبايلي يشرح لنا بالتفصيل مشكوووووووووووور اخوي على معلوماتك والله استفدت منها اكثر من استفادتي من موقع الشركة |
واللله انك كفو من زمان نبغى الموضوع هاذا وان شاءالله بحو رقمي |
يعطيك العافية وازيدك من الشعر بيت: ان تلفزيون الجوال مع موبايلي ب50 ريال شهريا ومفتوح وعند الاتصالات الدقيقة ب 55 هللة؟ |
| الوقت المعتمد في المنتدى بتوقيت جرينتش +3.
الوقت الان » 04:07 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd