|
تـقــريـر ملتـقــى اعضــاء المجـلـس العـام .. ][ الاول ][ بالـصـــور ][ ******************************************* في البداية احب ان ابارك للجميع بمناسبة قدوم شهر رمضان المبارك ***************************************** . . . في يوم الخميس الموافق 24/8/1428هـ .. كان الحدث الأضخم .. كان الملتقى الأكبر لأعضاء المجلس العام..!! كان الملتقى في احدى الإستراحات الواقعة في شرق الرياض .. كان اسم الاستراحة " ســواء" :d.. ومنها أخذنا هذا الشعار: " ملتقانا سوا ... في استراحة سوا" ..!!:whacko: بصراحة .. كان التخطيط للملتقى بسيطاً .. ولم نكن نتوقع أن يكون كل هذا التفاعل الكبير ممن حضر ..!! وجهنا الدعوات عبر الرسائل الخاصة وعبر الماسنجر .. الكثير اعتذر لظروف السفر أو عدم التواجد والاستطاعة..! ولم يؤكد لنا حضوره سوى القليل .. حتى خفنا أن تلغى الاستراحة..!! ولكن الحمد لله .. نجح الملتقى بحضور أكبر مما توقعنا ..!! فشكراً لمن حضر ... وشكراً لمن ساعدنا على إنجاح مثل هذا العمل الذي يقوي من أواصر المحبة والإخاء بين أعضاء المجلس العام ..!! ----------------------- أسماء الرعاة الرسميون للملتقى الأول: :d ماجد مقبل - الـمشاغـب - leo messi- جرح يشكي - هامور البورصة - نمــر 15 أسماء من قبل الدعوة وحضر : مواصل من عام 1413 - مــهــنــد - المستشار - أبو طــــلال - abo_riman - مرسول الهلال - IQ1399 - سـمـو الـمـجـد - ------------------- برنامج الملتقى الأول: كنت متفق مع المشاغب أن نحضر من العصر عشان نستقبل الوفود :d لكن المشاغب سحب علي حتى جاء المغرب وجاء ماجد مقبل ومهـند بالقهوة والتمر والشاهي .. :) وكان معهم نمـر15 <-- اول ماشفت شعره قلت شكل الرجال متفاعل مع اسبوع الشجره :d و مرسول الهلال <-- هذا الانسان يقـوطر حلاوة بس ماشاء الله خلـص صحن تمر لحاله :d والمـسـتـشـار <--- ياحبي له هالادمي ماتأخذ من لاحق ولا باطل :d بيني وبينكم توقعته مخابرات :d من يوم جاء لين طلع ماقال ولا كلمه ماغير يسمع وحنا نهذري :d المشاغب تأخر:d فكنت كل 10 دقايق أتصل عليه وهو يقول أنا جنبكم بس دقيقتين وأنا عندكم .. وصارت الدقيقتين ساعتين :upset:.. حتى أذن لـ صلاة العشاء..!! :whacko: ثم جاء المشاغب ومعه سمو المجد <-- بصراحه ماتوقعتك كذا يامشـاغـب :d طاق الرسم المشاغب والعقـال تقـل كـفـر مرسـدس :d وسمو المجد ياعيني على الثقل يشيخ وجلسنا شوي ثم جاك موااااصل ويشق طريقه نحو الحلبه :d قصدي نحو بيت الشعر :d بصراحه كان أغلب الأعضاء مستغربين من مواصل من عام 1413 لأن عيونه طبيعية ومو واضح أبد أنه حق سـهـر و...... :d ****** ثم اتى جرح يون عاد جرح عرّفـناه على الاعضاء بالغلط ..قلنا ان ( المشاغب ).. ( المستشار ) والعكس المهم جرح استلم المستشار شلونك يامشاغب وش اخبارك والله الساعه المباركة اللي شفناك :d:laugh::d وحنا ميتين ضحك عليه :laugh: *** ***** ---------------------------------- المباراة التنافسية بين فريقي: سامي الجابر ويوسف الثنيان..!! بعد ما رجعنا من صلاة العشاء .. كوننا فريقين وسميناهم فريق يوسف الثنيان كابتنه ماجد مقبل.. وفريق سامي الجابر وكابتنه المشاغب..!! كان هناك تنافس شديد وتصريحات تحدي بين أبو مقبل وسلطان..! فريق الثنيان : ماجد مقبل - ليوميسي - واثنين محترفين من حارة أبومقبل :D فريق سامي: المشاغب - نمر 15 - مــهــنــد - جرح يشكي..!! بدأ اللعب وكان اللعب حماسي وغلبت عليه الخشونة من لاعبي الفريقين..! مــهــنــد دعس رجلي بالـ كنـادر حبوب هذا كبرها ..! بيني وبينكم هو قال ان اخوياه حقين الفجريه بطلوا يلعبون معه <-- بلا والله خايفين على رجولهم منك :d.. وما كان من ماجد مقبل إلا أن أخذ بثأري ودعس رجل الـمـشاغـب ..! :d حتى حقد المشاغب وانتظر الفرصة المناسبة ثم طار وانبرش على ماجد مقبل انبراشة يبطي يسوي مثلها المنتشري :d ******************** المهم انتهت المباراة بفوز فريق سامي الجابر على فريق يوسف الثنيان بنتيجة 11-10 :d وسجل المشاغب سته اهداف :d واطلق عليه لقب شغب 6 نسبه الى سام 6 :d ------------------------------------- حضور بقية الوفود أثناء وقت السباحة: كان برنامج الاستراحة أن يكون هناك سباحة بعد المباراة مباشرة إلا أن توافد الوفود ألغى فكرة المسبح .. وما سبح غير مــهــنــد والمشاغب ..!! اللي حضروا في هذه الأثناء .. هامور البورصة.. وولد خاله .. وهذا هامور في عناق حار مع جرح يشكي على اليسار وفي اليمين مواصل ووولد خال هامور http://www.yy44.net/up6/4536df7540.jpg ثم أتى أبو طلال برفقة ابنه طلال وصديق اسمه سعيد..!! طلعنا من الخيمة وفرشنا فوق الثيل حتى يكون الجو مناسب للسواليف الطيبة..!! --------------------------------------- أحاديث عرفتنا على بعض: كان أجمل ما ميز القعدة هي السواليف الودية .. والأسئلة من الأعضاء لبعضهم البعض وتقبلها بصدر رحب والإجابة عنها.. بكل أمانة .. أغلبنا ما شعر بالملل لحظة واحدة ..!! كانت سوالفينا أغلبها عن المنتدى .. وتنوعت في الحديث عن المواضيع .. وعن بعض الأعضاء .. وبعض المواقف .. وأشياء أخرى..!! كان الكل يعطي ما عنده .. ويتفاعل في الحديث .. وكنا نتحدث كأننا نعرف بعض من فترة طويلة..!! وكان الجو اللي عشناه جو أخوي غلب عليه الطابع الفكاهي <-- تقطييييع :d..!! ------------------------------- العشاء: مرسول الهلال وابو طلال وزميله وطلوووله استأذن وراحوا بدري.. واعتذروا لنا عن العشاء...!! وكان المتواجدين أثناء حضور العشاء 14 عضو وضيف ..!! ما جد مقبل هو من اختار الطلب حسب ذوقه الرفيع << ايه هين :d نصيحة لوجه الله .. إذا طلعتوا مع أبومقبل .. لا تخلونه يطلب أبد :d وهذا عشانا . http://www.yy44.net/up6/f4f3440019.jpg المهم تعشينا وحمدنا الله على النعمة..!! واستـــأذن مهــنـد والمستــشار بعد العشاء..!! --------------------------------- حضور أبوريمان: عاد كنا الباقين على العشاء انا ونـمـر وسلطـان بس .. قاعدين نحش في الاعضاء والعضوات :d الا ونشوف الشخص اللي دخل كان عندنا علم أن أبوريمان بيجي الاستراحة بوقت متأخر مثل ما أخبرنا .. عشان كذا عرفنا أنه هو..!! الساعة 1.30 ..!! تقريبا كان عندهم عزيمة .. وما قصر أبو ريمان تحمل مشقة الطريق وشرفنا بحضوره..!! s13s زاد اللقاء حلاوة بحضور أبوريمان .. تحدثنا عن وضع المجلس العام .. وتناقشنا في كيفية الارتقاء به سوية.!! كذلك ناقشناه عن المذكرات التي قال انها اخذذت جل وقته وعن موضوعه الذي طال انتظاره عن تحليل الاعضاء واكد انه سيكون قريب . ------------------------------- ختام الملتقى: أذن المؤذن لـ صلاة الفجر ليعلن فراق الأحبة :cry: كنا نتمنى أن يطول الليل قليلاً حتى لا نفترق .. ولكن هذه هي الدنيا لقاء يعقبه فراق :cry: ولكن لنا أمل إن شاء الله أن يتكرر مثل هذا الملتقى في شهر رمضان المبارك s13s ----------------------------------- نقاط من الملتقى: ** ابو ريمان اصر على عزيمة الاعضاء سواء في بيته او استراحه ولم يخرج من الاستراحه الا بعد ان اخذ وعد منا . ** أغلب الأعضاء كانوا رسميين ومشخصين .. حتى شكينا أنهم داخلين على قصر الأمير سلمان :laugh: ** ماجد مقبل جاب معه علم الهلال وعلقه على باب الإستراحة :thumbup: ** الهاوي وهلالي الظهران كانوا ممن شجع على هذه الفكرة ولكن ظروف سفرهما حالت دون حضورهما..!! ** ايضا اعتذر خالي من الهم وراشــد من الحضور مظرا لظروفهم..والكلاسيكي كذلك ايضا . ** هامور البورصة خوي المشاغب الروح بالروح لما جاء يسلم على المشاغب ما عرفه واستغرب يوم قلنا له هذا المشاغب :d ** آي كيـو حضر متأخر بعض الشيء واتوقع انه كان جاي من القصيم برفقة احد اصحابه ** نمــر15 دخّل سيارته داخل الاستراحة .. وما طلعها إلا لما شاف الأعضاء يشوتون عليها الكورة ..!! :stoned: ** اكتشفنا في هذا الملتقى أن ماجد مقبل شخص كريم ويحب الهياط .. كلفناه يطلب عشاء يكفينا .. وقام يطلب عشاء يكفينا 3 مرات :eek: ** كنا كاتبين يمنع اصطحاب الأطفال .. إلا أن أبوطلال جاب ولده طلال معه .. وبغى يزرف كورتنا معه بس أشوا لحقنا الحرامي طلال ورجعـنا الكورة :d وهذي صورة طلوووله الله يحفظه v v **************************************** ** جرح يشكي كان أكثر من يسأل عن عامل الاستراحة البنغالي ويسولف معه كثير بعيد عننا .. الظاهر أن السالفة فيها ريحة خرفـنــة :d ** ** كان هناك احتمالية حضور إبراهيم حقوي رئيس رابطة المشجعين للاستراحة .. ولكن جاته ظروف منعته من الحضور ..!! ******************************** ( عملية السطو ) . احد الاعضاء بعد ماوصل قلنا له ترا قسم العوايل يتواجدون . فيه العضوات :d فقال مابدهااااش لزوووم ننقـز عليهم :d<-- ادمان خرفنه :d . ويمسكونهالاعضاء الا انــه انحااااش منهم . وتسلق الحاجز بمساعـده من نمـر 15 . انا عـاد كنت اصوره هالعضو ونمـر 15 عشان ماينكرون :d . وجاء ابو مقبل وصادنـــا الـثــلاثـــه بهالصورة . . http://www.yy44.net/up6/1aa2fb5b53.jpg . شوفوه ب وهو يتسلق و ايضا نمـر15 بعد ان قام بمساعدته على الجريمه :d وانا كافشهم قاعد اصور :whacko: . ******************************** ايضا هذي بعض الصور الخفيفة من الاستراحه ( تم تغطيه الوجوه نظرا لقوانين الموقع ) . . . http://www.yy44.net/up6/fc18f65252.jpg ^ ^ هذي الصور لمفكر المجلس العام ابو ريمان وهو متكي :d ويشرب سفن :d يالذيذ يارايق يبو ريمان :d . . هذي الصورة لجستنا في الثيل بحضور ابو ريمان اللي يصلح في شماغه :d v v http://www.yy44.net/up6/1a68bbb8c8.jpg ^ ^ * ملاحظه والوجوه التي تم تغطيتها في هذه الصوةر تم تغطتها حفاظا على الذوق العام :d. . *********************** ختاماً: هذا ما كان لدينا من أرض الحدث استراحة سواء بشرق الرياض.. نتمنى أن نكون قد قدمنا لكم تقريراً شاملاً عن الرحلة .. والعذر منكم إن كان فيه قصور ..!! برايفيت لكل من حضر الاستراحة: وش هي انطباعاتكم قبل حضوركم للاستراحة .. وانطباعاتكم بعد حضوركم الاستراحة؟ ووش هو الشي اللي عجبكم فيها .. واللي ما عجبكم..!! وآراؤكم عن الأعضاء اللي التقيتوا فيهم ؟ واتمنى ان التقرير عجبكم واعذروني ان قصرت عواااااااااااااااااااافي . |
اول شي قلت باجر بتنزل الموضوع مب اليوم والله كشششششششششششششششششششخه... يا حيكم والله وناسة حلو ... ياليت لو كنت .................... فرااااااااااااااااغ الا منو هاذا فوق السور هامور ... وش يسوي ؟؟؟؟؟ والعشى ما شاء الله ترتوب .... :) لا لا كل شي ذوق الصراحه ويعطيكم العافية ... دقايق او ساعات وراجعه :D برفايت هامور 7 7 7 7 7 7 :D |
يعطيك العافية على الجهد يا ميسي :) ------- تبي الصراحة؟ ما توقعت كل هالذب فيني :( ولا فقرة مدحتني فيها يالظالم..!! شباب .. وحتى بنات .. أي واحد أو واحدة يبي صورة ميسي يشوفها يرسل لي بالخاص :) :d ميسي خل اللي أنت بوجههم ينفعونك :d إذا جات الساعة 9 وما غيرتها .. لا تلوم غير نفسك :):d 0000000000000 بالنسبة لانطباعاتي عن الملتقى : والله من أسعد أيامي هذاك اليوم.. تعرفنا على شباب من خيرة الشباب .. ملامح البراءة تقوطر من وجيههم كلاً يقول الزود عندي :D مهند استغربت عمره أنه كبير .. وحبوب..!! جرح يشكي انسان هادي وينحب وباين أنه رومانسي..!! مواصل .. إنسان فاهم وواعي .. اختلفت معه واتفقت في بعض الأمور ..!! ماجد مقبل .. يكفي قولة سمو المجد لي: إذا كان ماجد مقبل داخله مثل خارجه فهو إنسان بمعنى الكلمة..!! نمر15 .. يمكن هو أكثر من أذب عليه .. لأني من جد حبيته هالمكار ..!! هامور البورصة.. نفس اللي توقعته في بالي وما اختلف كثير .. بس عيونه أعجبتني هالتوم كروز ..!! سمو المجد .. لا تعليق .. فهو أخ قبل أن يكون صديق .. عسى الدنيا لا تفرقنا..!! آي كيو .. يمكن حضوره المتأخر ما سمح لي بالتعرف عليه أكثر .. لكن من النظرة الأولى تبين لي أنه انسان واعي وفاهم صح..!! المستشار.. هذا الشخص حبيته .. يعجبني الإنسان الهادي الطيب .. يمكن لأننا ما جبنا انترنت للاستراحة ما قدر ياخذ راحته معنا ..!! أبوطلال.. رجل محترم .. أخلاقه عالية .. كنت أتوقع أشوف شخص عصبي وطلع لي العكس.. انسان هادي حبوب اجتماعي ..!! مرسول الهلال .. الكلام اللي ينطبق على المستشار ينطبق على مرسول .. شخص رائع فعلاً .. كنت أتمنى أن يبقى وقتاً أكثر معنا ..!! أبوريمان .. كان أكثر مما توقعت .. أحس أني لو قلت عن انطباعي عنه راح تقولون يجامل .. لكن فعلاً من جلس مع أبوريمان بيعرف أنه يجلس مع كنز..!! ليوميسي.. لا تعليق .. لا تعليق .. لا تعليق ..!! :D ليو ميسي .. أنت تمون .. بس لو تغير الصورة أفضل .. تراها شينة :D وعوافي على الجهد المبذول في التقرير ..!! الحين التقرير صار مضبوط .. بعد ما ذكرت أهدافي الـ 6 :D يا حبي لك يا ميسي قسم برب البيت s9s وربي أحبك حب ما تعرفه .. ولا تزعل إذا عصبت عليك قبل شوي ..!! خلاص سو اللي تبيه ورجع اللي تبيه .. وربي عادي خلاص s45s |
يعطيك العافيه على الموضوع :d :d ــــــــــــــــــــــــــــــــــــــــــــــــــــــــــ اولاً الف شكر للقائمين على تنظيم الطلعه ...ويعلم الله ان فكري كان معكم واني تمنيت لوكنت معاكم واشوف وجيهكم التحيفه :d....ولكن بعد المسافه من ينبع الى الرياض حرمتني من شوفتكم ...وان شاءالله ربي يجمعنا معكم في الجنه ..وعما قريب في الدنيا إقتباس:
إقتباس:
يالبي يا طلو ...الله يخليك لوالديك الخرفنه على اصولها:d إقتباس:
اخيراً الف شكر لحبيب الشعب كل ابوهم ليوميسي:dعلى هذا التقرير التحيف:d سلاااااااااااااااااااااااااااام |
والله وحنا يبيلنا ملتقى بالشرقية.. أنعم الله على من تكلف..:d :d ويعطيك العافية ميسي على الموضوع |
يعطيك العافيه |
:: ، :: وعليكم السلام ورحمة الله وبركاته .. :: ، :: الله يعطيك العافية ليو ميسي تقرير شامل ما شاء الله :) و صور اروع بس لو من غير ما تغطونهن :d لكن لحقت على الصوره الي حطه المشاغب :pleased: اما العشا ما شاء الله يالكرم عند ماجد والله لو ان اعضاء شبكة الزعيم كلهم حاضرين وبعدين ورا ما رسلتولنا الباقي :whacko:<< يامصلي :sick: كثر الله خيرك يابو مقبل :pleased: بس اكتشفت انكم ماتعرفون تنضفون مكانكم وش ذا الحوسه :d :: ، :: جزيتم خيراً يا من اجتكعتم في الاستراحةاسأل الله كما جمعكم في الدنيا ان يجمعكم في جنات النعيم .. :: ، :: يا بنات المنتدى متى جمعتنا :stoned: :: ، :: عوافي يسلم .. :: ، :: |
هذا احلى ما فى الموضوع :d:d<< امزح بس من جد :d:d طلال حسبى الله على بليس اخذتم منه الكوره بس ما عليه انا اعطيه كوره :pleased: موضوع رائع خفف علينا سالفه ان اليوم مدرسه :whacko: |
تقريرن كويس وفيه من الوناسة كثير بس عاد ليش ماصورتوا المباراة عشان نشوف عاد عقبال ماتحطون طلعة بالعيد يكون الحضور غصب على الجميع |
مبين ان الطلعة وناسة وسعة صدر:thumbup: والله كان ودي أحضر بس الظروف وقفت حاجزا وابو مقبل والمشاغب يعرفون <<< كنهم بيدرون عنك عاد:d بس إن شاء الله تتعوض مرة ثانية وأوفي بوعدي واشق كوبري بسلطانوه :d بس والله أبو مقبل عنده فائض بالكرم يكفي ديرة:whacko: |
بارك الله في جهودكم و أسأل الله أن كما جمعكم هنا أن يجمعنا و إياكم في مستقر رحمته. أخوكم. |
ماشاء الله .. استراحة خير وبركة ..!! الله يعطيك العافية ياماجد ماقصرت أنا أشهد أنك كريم ..!! مشكوور مرة أخرى ليو ميسي على الجهد الوفير الذي تقدمه لخدمة المجلس العام.!.! |
موضوع مكرر وقديم .. ويا ليت يروح صيد الانترنت .. وهذا رابط الموضوع الاصلي .. http://vb.alhilal.com/showthread.php?t=451394 :D:D:D:D:D:D:D:D:D:D:D باك .. الله يجمعنا في مستقر رحمته .. مثل ما جمعكم في هالاستراحة :d وصدقوني لو كنت بالرياض ما كنت بفوت مثل هالجمعة الطيبة .. او حتى لو كان بيني وبين الرياض 1000 كيلو ما كنت بفوتها .. لكن المشكلة بين جدة والرياض تقريبا 1026 كيلو :d ما عليكم .. الالف مهيب شي .. المشكلة بـ 26 هذي هي المصيبة :d عموما الخاص ينتظر الصور بدون تعديل :d ابي اشوف خشش .. ما ابي اشوف لون اسود .. بعدين انا خويك في الفريق .. فلازم اشوف شكلك .. وعلى فكرة انا اتحمل مسؤولية كل ما يمكن ان يحصل لي بسبب شوفتك :d وابي بعد اشوف مدربنا " البرتو المشاغب " :d .. بس بصراحة بدون تحمل مسؤولية .. ابي منه ضمانات :d احس اني كثرت كلام .. بس ترى على فكرة .. والله يالاخطاء انها بالكيلو في ذا الموضوع :d لا هنت .. وبيض الله وجهك انت ومن اقترح الفكرة ومن قام بالتنفيذ .. |
يعطيك الف عافية .. |
يــــووهــ فــلــة ليـتـنــي كــنــت مـعــكــم وخــاصــة انــي يوم الأربـعــاء كــنــت بالريــاض ... ان شاء الله بس استانستوا ووسعتوا صدوركــم .. ومشكور ليو ميسي على جـهـدكـ الرائــع .. تــحــيــاتــي تقـبـلــهــا / د.هـــدف |
| الوقت المعتمد في المنتدى بتوقيت جرينتش +3.
الوقت الان » 07:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd