|
يا محـــمد واحد بعثه ماجـسـتـيــر و واحد دكـتـوراة بس شطه زياده الله يخليك...؟ السلام عليكم ورحمة الله وبركاته اخواني اخواتي مثلي مثل اي مواطن له اهداف وطموح و و و .....الخ كانت و لا زالت لي اهداف بالحياة اسعى الى تحقيقها فان تحققت ( خير و بركه ) وان لم تتحقق ذهبت لما بعدها من اهداف ولن تقف الطموحات و الاهداف ما دام العرق ينبض ما لكم بالطويــــــــــــله...... من اهدافي البكالوريس والحمدلله انتهيت منه , وفكرت بما يليه الا وهو اكمال الدراسات العليا أو الوظيفه ولأن الوالد له التأثير الأكبر في حياتي من خلال قراراتي التي اتخذها بعد مشورته والتي دائما ما تكون موفقه بتوفيق الله اقترح علي والدي الوظيفه قبل الماجستير وقال لا توظفت وضمنت مكان تأمن فيه رزقك ذاك الوقت كمل دراستك يا وليدي انا ماني تام لك. <<<<<< بسم الله عليك يابيي المهم بيوم من الايام قال لي احد الاصحاب عن برنامج خادم الحرمين للابتعاث الخارجي و بحكم ان شهادتي بكالوريس انجليزي قلت يمكن تخدمني المهم ,, سجلت عن طريق الموقع تخصص قـــانـــــون <<<<< ابسوي فيها محامي :d قبل يومين جتني رساله معناها ( الرجاء مراجعة اقرب مركز تدقيق للاوراق لتعديل التخصص لأن التخصص ليس امتدادا لتخصصك الاصلي) الى حد الآن معهم حق ( قانون # لغه انجليزيه ) رحت وراجعتهم و وجدت اشخاص متنافرين كل شخص في جهه ومعه جهازه المحمول قالي واحد بالاستقبال وش عندك قلت تعديل تخصص قال عند الدكتور عبدالله و أشر باصبعه عليه أنا : السلام عليكم ابي اغير التخصص اخوي قال تخصصك اللي انت مقدم عليه قانون اهمممممم ,, طيب شف عندك اثنين و يأشر على ورقتي تأمين أو تجاره الكترونيه :eek: طيب دكتور ما فيه شكشوكه أو فلافل اي شي قالي : تستهبل انت ,,, قلت أنا أدري عنك تقولون التخصص مو امتداد للغه الانجليزيه وانا فرحت قلت يا أدب أو لغويات تجي تقولي تأمين وتجاره ..... بعدين تعال من بيوظفني على هالتخصصات البايخه ياخي استحوا على انفسكم بعثات تضحكون فيها على خلق الله فيه عوايل تبني آمال على البعثات وانتم تستهبلون علينا ما فيه شي اسمه اختصاص أو على الأقل تخصصات مرغوبه و مطلوبه عندنا مثل اللغويات عندنا عجز في المملكه ولا مبتعث في هذا التخصص على حد علمي من أحد المسؤليين في وزارة التعليم العالي بالنهايه اخذت ملفي وحمدت ربي على الوظيفه ودعيت لأبوي اللي شار علي هالشور والحمدلله اني بوظيفه و ما احتجت للبعثه وعرفت أن الخلل كبير في مملكتنا الحبيبه فآخر من توقعته يتخبط رجال التعليم العالي لكن واضح ان الشق اكبر من الرقعه ويـــا قــــلــــــب لا تـــــحـــــــزن :cry: |
^ ^^ ^^^ الرحال الأزرق ............ إن من أهم المصالح في الدنيا رضا الوالدين..!! وبما أنك أطعت رأي الوالد ..فلا كفران الا على الظالمين ..!! إن حكومتنا الرشيدة تحاول التسهيل على أصحاب البعث ..!! ولكن بهذه الطريقة لن يستطيعوا إرسال مبتعث ..!! إنها فوضوية ليس لها مثيل ..!! كفاك الله من شرهم ..!! ^ ^^ ^^^ |
إقتباس:
يعني تبي تصير زميل مهنة حياك الله ،،، بس للأسف رفضوك حسب ما عرفت من كلامك . إقتباس:
بالعكس وانا أخوك التامين مستقبل رائع والسوق مقبل على التامين بكل أنواعه ووظائفة بالهبل والشروط فقط لغة انجليزية ،،، يعني بالراحه بتلقى وظيفة ،،،، ولكن مشكلت التأمين الحقيقة ليست الوظيفة ، بقدر ماهي ما مدى مشروعية التأمين هذا إن كان يهمك الحلال والمال الشبهه . . إقتباس:
إقتباس:
نصيحة لا تفرط بالبعثة ، لو بس تستفيد لغة انجليزية منهم . |
اي والله فوضويه للاسف يبون ندخل في تخصصات مالنا فيها شغل ونخلي تخصصنا الاصلي وهذا هو حال الاكثرية |
إقتباس:
أنا كتبت الموضوع لعل يلتفت أحد الى هذه المسئله و أزيدك من الشعر بيت أغلب اللي شفتهم متقدمين بنات اما الرجال قليلين !!! |
إقتباس:
أما بالنسبه للتعديل عدلت وسجلت تــــأمــــيــن ,, ولاني خسران شيء أما بالنسبه للبعثه نفسها فهي مغامره صراحه على شيء مو مضمون وانا مثل ما قلت موظف جديد براتب جيد صعبه بالعقل عصفور باليد ولا عشره على الشجره أما بالنسبه للغه أنا ولله الحمد سافرت أكثر من مره خارجيا وشهادتي بكالوريس لغه انجليزيه تحياتي لك و لمرورك العطر |
إقتباس:
أعط كل ذي حق حقه ,, و مشوا النظام ترتاحون وتريحون الخلق واحد من الجيران الحين بامريكا (( مبتعث )) تخصصه فنيه من كلية المعلمين معدله 2 وعليها كلمته ابي أسأله عن الاوضاع قال وناسه ومرتاحين وعلى كيفك :eek: قلت ابي وضعكم الدراسي قال يا رجال خله على ربك فوضى يا رجال |
إقتباس:
يا حبيبي الرزاق الله ،، والي خلاك تلقى وظيفة ببكالوريس ،،، راح تحصل أحسن منها 1000 مره ،،، اذا معك ماجستير ، او شهادة دورة لغة انجليزية 9 أشهر في دولة خارجية ،، وتذكر أخوي الفرصة تجي للانسان مره وحده في الزمن . |
مااااقول الا الله يصلح الحااال قسم بالله شي يقهر <<<< وينرفز بعد <<<< مره شااايله هم لتخرج وعساهم يقبلوني لو تفصيل مرسي يمرسك ع الموضوع الي حطمني وبقوه <<<< محد اجبرك تقرينه |
آخر شي توقعته اخوي انه يكون في رجال التعليم ؟؟؟؟ الا وانا اخوك اكثر الفساد الإداري الي موجود في المملكه هو في وزارة التعليم العالي و وزارة المعارف ،،، لاكن عاد على قولتك وانا اخوك يا قلب لا تحزن ،،، لاكن اذا تبي نصيحة مجرب رح هناك على حسابك الخاص اذا ظروفك الماديه تسمح ومن هناك انضم للبعثه و راح تشوف كيف راح يكون الموضوع سهل ،،، بس بشرط انك تكون ابدعت في دارسة الترم الأول يعني جبت معدل كويس ،،، و الله يكتب الي فيه الخير |
| الوقت المعتمد في المنتدى بتوقيت جرينتش +3.
الوقت الان » 07:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd