الناس وصلت القمر وابدعت بالاختراعات واحنا بعدنا نقول ياجماعه الشروط ! - نادي الهلال السعودي - شبكة الزعيم

الهلالي العطشان · #1 08/09/2007, 07:04 AM

السلام عليــكم ورحمة الله وبركاته ..

الاخوة / الاخوات الكرام ..

تحيــة طيبة وبعد ،،

صراحــه من التجول بالمنتديات خصوصا الاجنبيــه والغير عربيــه وللأسف تجد الإبداع والتنظيم الرهيب والراقي جدا جدا ..

وصحيح اني عضو لست بالقديم ..

لكن من تسجيلي بهذا المنتدى الراقي والرائع بإدارته واعضائه ومشرفينه ..

وشغلنا الشاغل[ ياجماعه الرجاء اتباع شروط وضع المشاركــه ]، [الله يرضى عليكم عطونا من وقتكم دقيقه فقط "60 ثانيـه" لقراءة شروط وضع المشاركـه ] [ يرجى احترام شروط وضع المشاركة بمنتديات شبكة الزعيم ] [ ياجماعه الخير تكفون نبي عنوان واضح للمشاركه ويدل على مضمون المشاركــه ]

والغريب جدا ..

نجد شخص يضع طلب بالقسم بعنوان مساعده ؟ وفوق مشاركته بالضبط موضوع طويل عريض تنبيه على عدم وضع مشاركات بهذي الطريقه ..

صراحــه استغرب ..

هل هو عناد ولا احنا هذا مستوى تفكيرنا ومانقدر نبذل جهد بسيط ..

مثل مايقولون على الاقل احترام للمنتدى الي ناس تبذل وقتها وجهودها واموالها فقط للــه بدون اي مقابل .. !

يعني في مره احد طلب برنامج او شرح بالمنتدى وشخص اجابه يجب دفع رسوم ؟

كل الي يطلبه المنتدى والقائمين عليه قراءة الشروط ووضع الطلب والمشاركه حسب اللوائح والشروط المتبعه ..

ولا يظن شخص انها دكتاتوريه او تقييد حريات فقط الموضوع للتنظيم ولعدم التكرار ..!

يعني تخيل انت داخل على مكتبه وجميع الكتب الموجوده مكتوب عليها كتاب ، كتاب ، كتاب بدون عنوان يدل على مضمون الكتاب ..

بصراحــه ماتحس انه الشخص اللي مؤلف الكتاب غبي ؟ وتقول بينك وبين نفسك على الاقل اكتب عنوان واضح على شان اي شخص يدور على موضوع معين يقدر يوصل له بسرعه ..!

والحر تكفيــه الاشارة

دمتم بزعامة