تكفون يالزعماء ساعدوني الله يخليكم - نادي الهلال السعودي - شبكة الزعيم

سارة الهلاليه · #1 07/09/2007, 10:02 AM

السلام عليكم
مساء الخير للجميع
ياجماعة انا حملت برنامج تسريع التحميل من قسم المواضيع المميزه وهذا الرابط
http://vb.alhilal.com/showthread.php?t=379789
بس توهقت لاني كل ماجيت احمل شي يطلع لي كذا ومدري وش سالفته

تكفون ساعدوني والي يرحم والديكم
شوفولي صرفه صرت ماقدر احمل اي شي
تكفون داخله على الله ثم عليكم
ليتي ماحملته شكله بيخرب جهازي

وعلى فكرة ترى كل شوي وطالعلي يعني مو بس لما احمل
وشكرا للجميع

سارة الهلاليه · #2 07/09/2007, 11:18 AM

ويييييييينكم وربي طفشت منه كل شوي وهو طالع لي

بيكهام للأبد · #3 07/09/2007, 11:23 AM

شوفي يا طويـــله العمـــــــــــر اذا كاان مثبتــ في جهاازك سوي له ازالــــه من الجهـــاز وخلاص راح يرووح واذا ما لقيتيـــه مثــبت

يا طووووووووويله العمـــر سسسسسووي استعـــاده نــظااام للجهااز يعني انتي حملتيه اليوم روحي سوي استعـــاده نــظاام الجهااز

قبـــــــــــل يومين يعني ترجعــين نظــام الكمبيـــوتر قبـــــــــل ما تحملين البرناامج بيــومين

ان شالله يصـــــــــــــــــلح

.................................................................

على فكره البرنــامج هذا معقــد الي حملتــيه ويجيبــ المررررررررررض ما انصــحك تحملين اي شي الا لما تشوفين شرررحه

سلاااااااااااام

سارة الهلاليه · #4 07/09/2007, 02:06 PM

كيف اسوي استعادة نظام؟؟
وانا رحت للوحة التحكم وسويت ازالة بس مايطلع لي ازالة يطلع بس تثبيت
والله اني داجه بالبرامج بس انا قريت عنه وشفت شرحه وحسيت انه تمام

عشقي الذيب · #5 07/09/2007, 02:12 PM

مدامتس قصيمية أساعدتس

بس المشكلة ما اعرف للبرامج

ولا والله ودي أساعدتس

ملاحظة :: تراي ما أطنز تسذا حتسيي ::

أخوتس

عشقي الذيب

T@L@L · #6 07/09/2007, 02:50 PM

^^^

اجل كلامك كذا ياحبيلكم ياقصمان هههه

اختي عطيني اصدار البرنامج علشان اجيبلك كراك

هلااالي وأحب سااامي · #7 07/09/2007, 03:09 PM

اهلا اختي ساره

طريقه استعاده النظام ما يلي

اولا: ابداء

ثانيا : كافة البرامج

ثالثا : البرامج الملحقة

رابعا : ادوات النظام

خامسا : استعادة النظام

سادسا : لا بد ان يكون استعاده النظام قبل تثبيت البرانامج

يعني قبله بيوم ولا يومين

واذا هناك استفسار ان شاء الله نكون بالخدمة

هلاااالي

سارة الهلاليه · #8 07/09/2007, 03:49 PM

إقتباس

الرسالة الأصلية كتبت بواسطة T@L@L


	^^^ اجل كلامك كذا ياحبيلكم ياقصمان هههه اختي عطيني اصدار البرنامج علشان اجيبلك كراك

مشكووووووور اخوي حبتك العافيه
بس حبيت اسألك قبل لاتجيب لي الكراك هو زين اولا؟؟
لاني اول عضو ردلي يسبه
اخاف يخرب جهازي

وحرام توه جديد لاب توبي

<<<ياسعدك

سارة الهلاليه · #9 07/09/2007, 03:51 PM

إقتباس

الرسالة الأصلية كتبت بواسطة عشقي الذيب


	مدامتس قصيمية أساعدتس بس المشكلة ما اعرف للبرامج ولا والله ودي أساعدتس ملاحظة :: تراي ما أطنز تسذا حتسيي :: أخوتس عشقي الذيب

والله اذا حتسيك تسذا
بصراحه نو كومنت

وبعدين مو حنا بس الي نتكلم كذا كثير يتكلمون مثل هاللهجه مدري يعني معجبتهم

عموما مشكووووووووووووور

سارة الهلاليه · #10 07/09/2007, 03:53 PM

إقتباس

الرسالة الأصلية كتبت بواسطة هلااالي وأحب سااامي


	اهلا اختي ساره طريقه استعاده النظام ما يلي اولا: ابداء ثانيا : كافة البرامج ثالثا : البرامج الملحقة رابعا : ادوات النظام خامسا : استعادة النظام سادسا : لا بد ان يكون استعاده النظام قبل تثبيت البرانامج يعني قبله بيوم ولا يومين واذا هناك استفسار ان شاء الله نكون بالخدمة هلاااالي

بس المشكله انه من لقافتي ثبت البرنامج

مشكور خيو وماقصرت

T@L@L · #11 07/09/2007, 04:00 PM

إقتباس

الرسالة الأصلية كتبت بواسطة سارة الهلاليه


	مشكووووووور اخوي حبتك العافيه بس حبيت اسألك قبل لاتجيب لي الكراك هو زين اولا؟؟ لاني اول عضو ردلي يسبه اخاف يخرب جهازي وحرام توه جديد لاب توبي<<<ياسعدك

لا والله انا صراحة ماقد مره احمله ولا فكرت احمله

اول شي يسوي بطىء بالجهاز

يعني قلق بس براحتك لو بغيتي كراك اجيبلك الحين

وتراني انا ماحمل هالبرامج

بالــتوفيق

سارة الهلاليه · #12 07/09/2007, 04:19 PM

على فكرة خيو طلال انا ماعرف الاصدارات

اقولك ماعندي ماعند جدتي

بس انا محملته من رابط الزعيم الي انا حاطته كان بقسم المواضيع المميزة

سارة الهلاليه · #13 07/09/2007, 04:42 PM

إقتباس

الرسالة الأصلية كتبت بواسطة T@L@L


	لا والله انا صراحة ماقد مره احمله ولا فكرت احمله اول شي يسوي بطىء بالجهاز يعني قلق بس براحتك لو بغيتي كراك اجيبلك الحين وتراني انا ماحمل هالبرامج بالــتوفيق

اجل خلاص مابيه دامك انت ماتحمله<<<وش دخلك بي

بمسحه احسن لي
مشكورين تعبتكم معاي بس تبون الصراحه استاهل تعبكم

M O U R I N H O · #14 07/09/2007, 08:09 PM

برنـامج Internet Download Manager مشهـور ومـن أفضـل البرامـج في مجـال إستكمـال تحميـل الملفـات
ويكفيـك المميـزات القويـة إللي بالنسخـة الجديـدة

اختـي سـارة أدخلـي علـى إضافـة أو إزالـة البرامـج وأختـاري البرنـامج واختـاري حـذف وبيحـذف البرنـامج ...
بعـد ذلـك بإمكانـك تثبيـت النسخـة الموجـودة في الـرد هـذا

http://vb.alhilal.com/showpost.php?p...46&postcount=2

سارة الهلاليه · #15 07/09/2007, 08:18 PM

^^^^^^^^^^^
والله اني حرت بينكم احد يمدحه واحد يسبه
بس ياريت تحط لي الشرح لاني داجه بهالامور
وماقصرت ياخوي