هاااام لمن يستخدم الكابريس 2007 - نادي الهلال السعودي - شبكة الزعيم

نايف الشهري · #1 07/09/2007, 09:08 PM

شباب انا قررت اشتري كابريس ال تي زد 2007

وابي اشوف اي شخص سبق له وامتلك كابريس 2007 او جربها

او يعرف اي شخص عنده

لانه والله وبكل صراحة مقتنع فيها وبنفس الوقت متخوف منها

تكفون ابي مميزاتها وابي عيوبها لمن سبق له تجربتها او سمع كلام عنها

ووش اللون اللي تنصحوني فيه

انا صراحتن يعجبني اللون الابيض لان الابيض هو سيد الالوان

والا وش رآيكم ايها الزعماااااء

اعتز بخدمتكم يااعظم جمهور بها الكون

اسف على الاطالة ودمتم .....

عاشق المدفعجي · #2 08/09/2007, 02:49 AM

مدامك قررت مبروك عليك اولا افضل احلى لون هو الابيض والاسود بس خذ ابيض

بس بيني وبينك لو ادفع 100وشوي ما ادفع على كابريس لانها تخوووووف واعرف واحد معه 2007 ال تي زد يقول انها تنقط مويا من تحت الدرج حق السياره

وغير كذا اعرف واحد معه 2006 الى يومك ما اشتكى منها ااااااااااااااابد على العموم استخر وتكل وخذ ابيض واذا حطيت سياره براسك لا يهمك كلام الناس وانا اولهم

بس يبغا لك تحاااااااااااااااااافظ عليها والله يعينك على البنزين

ملاحظه *انا مو صاحب النك الرئيسي لانه نايم عنده مدرسه بكرى ههههههههههههه

الفهد · #3 08/09/2007, 05:21 AM

اهلين

انا استخدمت الكابرس 2007 تقريبا شهرين وكان معي كابرس 2006

بس الالفين وسبعه افضل بكثير لا من ناحية الدعسه ولا الطارة وكلللش

اتمنى لك التوفيق

سلماوي الخرج · #4 08/09/2007, 05:52 AM

صلي صلاة الاستخاره وتوكل على الله والسياره روعه

الحبيب3 · #5 08/09/2007, 05:58 AM

أخوي لو إني مثلك وبدفع القيمة هذه والله ماأدفعها إلا بـ تويوتا وبس يعني خذ لك أفالون بقيمتها والأفالون أفضل بكثير من الكابريس .....
وفي الختام الرأي يعود لك

الـسـلـطـان · #6 08/09/2007, 01:14 PM

والله أنا مع أخوي الحبيب 3 بعد التايوتا لا تدور

مقدما : الله يعطيك خيرها ويكفيك شرها

نايف الشهري · #7 08/09/2007, 04:02 PM

اشكركم جميعا على المرور

والله يعطيكم العافية

وهذا العشم فيكم

برضوا ابي اراء زيادة

الزعيم في الصميم · #8 08/09/2007, 04:34 PM

الكاابرس الآن مو مثل كابرس أول

كلناا نعرف إنهاا تصنع في مصانع كوريااا

وصنااعتهاا رديئة

وروح شوف الكوابرس من 2000 إلى 2006

الي يجيك الجلنط يخرب بسرعه ولا الدرج ينكسر ولا أزرار التحطم تنكسر ولا التكاية تنكسر ر ولا المساعدات تخرب بسرعه

ولا ولا ولا

يعني خرابااات وقطع غيااار غالية جداً

أنصحك إنك يااا تااخذ لك كراون فكتورياا لكن مشكلة إن 2008 بيتغير شكلهاا لكن إذا تبيهاا إستخدام و كرف وكل شي تعيش معك ماتقول آآآآح ح

ولاا إنك تااخذ مثل ما قالوا الإخوان أفاالون لأنهااا ماخذه فخامة اللكزس و كرف التويوتاا

يعني الكاابرس لا تفكر فيهااا كثير ر

وسلامتك

نايف الشهري · #9 09/09/2007, 02:59 AM

اللله يعطيك العافية يا

(( يازعيم في الصميم ))

واشكرك على ردك الحلو

وما قصرت واشكرك على شعورك العظيم يا زعيم

ويسلمو على المروووور

عاشق المدفعجي · #10 09/09/2007, 04:22 AM

شف المضوع حق ابو حيه واستغل العرض نصيحه تشتري لكزس وفلوسك في جيبك اي اس كانتب123الحين تلقاها 119

ياهلالي ياهلالي · #11 09/09/2007, 02:42 PM

مشــــكـــــوررر يالــغـــالــي

ღهلابوليღ · #12 09/09/2007, 02:46 PM

والله الكابرس 2007 حلوة بس تحتاج محفاظة عليها

SSالهلالي · #13 10/09/2007, 01:03 AM

خذها نصيحة من خذ الكابرس ولا تشاور ولا من ناحية الخراب فهذي على الأستخدام , إذا استخدامك كويس فالموتر بيعيش معك وإذا كان سيء الله يعينك سواء كابرس أوغيره . وبالنسبة للأخون اللي يقارنون الكزس ال اي اس والأفلون بالكابرس فماعندهم سالفة إطلاقا من كل النواحي مع احترامي لهم إذا كان يقولون الكابرس يصنع بكوريا فهذا غلط لانه يصنع باستراليا وأغلب القطع الرئيسية أمريكية الصنع أما تويوتا الأن مصانعها الأن كلها باستراليا أيضا وحتى اللكزس وأغلب القطع الأساسية استرالية ماعادا المكينة والقير .
أتمنى أني أكون افدتك أخوي ومبررررررروك السيارة مقدما سواء كابرس أو غيره ويعطيك خيرها ويكفيك شرها .

الذيب2 · #14 10/09/2007, 02:05 PM

نصيحتي انك تاخذ لكزس بسعر الكابرس اللي انت ناوي
وحرام تحط فلوسك في صناعة استرالية لان الشوارع ماشاالله في السعودية نظيفة جدا

نايف الشهري · #15 10/09/2007, 04:23 PM

الله يعطيكم العافية جميعآ على المرور